Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Inene ou na fire nthzara mwa ni pire edya, ou na fire dinotwa mwa ni pire meyu o ku nwa, nekarire mwenda mwa ni tamburire, ou na fire wira mwa ni pire evata, ou na korire mwa ni korithsire, ou nekarire mu kamenga mwa ni thzingurire.’
"Owawawa kenge mba mwipura ci: ‘Fumu, diyuwa dipi twa ku monine o ku na fu nthzara atwepo tu ku pa edya, nji oku na fu dinotwa atwepo tu ku pa meyu o ku nwa? Kupi twa ku monine o ku di mwenda atwepo tu ku tambura, nji o ku di mu wira atwepo tu ku pa evata. Diyuwa dipi twa ku monine o ku kora nji o ku di mu kamenga atwepo tu ka ku thzingura?’
"Fumu kenge mba a wa tawa ci: ‘Naa mi tongwera yoshemwa ci yoihe eyi na mu tende koyu omuonye kowa aenthzange owaonye yame na mu i tende.’
O pe oyu na ku rombo, karo wa kanena oyu na foto ku korota ku koe.
Mofoci namwe, mu thsie mwethzi wenu u munekere anu ci a mone ekwama yenu yoiwa no ku shangara Tata wenu o ku wiru.
Mu pe, namwe kenge mwa ku piwa. Mucekero ouwa, o ku thsinderiwa no ku nyungiwa shime ku yupathzoka kenge wa ku pakiwa mu thsimbata thsoe. Inene thsothsi thsianekethzithso mu cikwathsithsa thsothsa ku cikwathsithsiwa ku mi huthsera."
Mbunga thza mwipurire ci: "Ine eyi tu na roera ku tenda?"
Aye wa wa tawire ci: "Oyu di nekoveyo idi a peko thsimweya oyu na piri: Oyu di nedya, a tende naye kengeyo."
Mu urithse eyi mu di nayo, ao madi mu a pe ahepwe. Mu cipakere epaupau yo kukana ku kurupara, rufumo ro mu wiru ro kukana kwipa, kwithsa mwithzi oyu nga thzako nji ku rwipithsa menje. Oku ru di rufumo rwenu, no micima thzenu kodiyo thzi di.
Thsiraerera thsange po ethsi: Mu cishime oandu eci edi na ni mi shimi.
Kwithsa thsishimo thsothsikuru kupita ethsi: munu ku pa mwoyo wenthzi mukaci kambushenthzi.
Mwinu yoihe eyi na kwamine na mi monithsire ci ko ku kwama nene kenge, twaa roera ku kwathsa awa a na faratera, mu vuruke maywi a Fumu Yesu aa a ambire aye thsinda ci: ‘Mo thsi di thsiyauthzi nene mu kupa ku pita mu kupiwa.’ "
Paulu ou a manine ku amba eyi wa tongamine no ku romberano wahe. Wahe a dirire no ku mu kumbatera no ku mu yamwa. Eyi ya wa yuvithsire nene mathsiwa po maywi aa a ambire o kuninga ci mbera ka mu mono karo. Ngou a mu thsindekethzire ku dingunde.
Mu citapere naenthzenu akwakutawa eyi mu di nayo o kwa na piri, karo mu tambure nawa munu yomuhe.
Atwe tu na tanara mu thsitawo twaa roera ku cithzua micima mukaci kakwakutawa aenthzetu awa na faratera. Ka tu roerire ku tenda yo ku nyanyukithsa atwe pohuma.
Mu cishimbithse oandu mipango, ko ku tenda kengeyo mwaa yarithserera murao wa Krisitu.
Mwithzi a thsie withzi honi, a kwame ko moko enthzi ekwama yoiwa, ci nga ekare nethsi thsimweya ethsi nga a citapera nowa a na piri.
Mwa mamera yenu pohuma, unone mu mamere neyi yamweya.
Owa wine, andengenu, o ku amba ci: "Ame po ni di no thsitawo" ko kukana ku monithsa ekwama yethso thsitawo thsoe? Ethso thsitawo thso kengeyo ne kenge nga thsi ku yoyithsa nji? Ngeci waa mona muenthzoe o mukwerume nji o mbuyama oyu na piri edya nevata, ine eyi nga i mu kwathsa ku mu ambera ci: "O ende mu thsiyaro, o ka enyenene no ku dya nawa," ko kukana ku mu pa thsimweya ethsi thsi na fotahara kwirama yenthzi? Mofoci no thsitawo thso kupira ekwama thsa kufa.
Ngeci munu o di no rufumo ro kaye no ku mona muenthzenthzi oyu na piri, unone kadi wa ku mu twara mucima, ngepi nga thsikara thsishimo thsa Nyambi moya munu?