35 Magambu nakiba na njala namangweto ngumbe chakulya, nakiba na nyota mangweto ngumbe mache, nakiba nageni namangweto ngumbokela, 36 nakiba makengele mangweto ngungwindia, nakiba natamwe mangweto ngunhwika kunola, nakiba kukipungo mangweto ngunhwika kundyangila.’

37 "Penia, bandu abakamwile agapala Nnoongo bajanga, ‘Angwana, lii tammona mmi nanjala natwe ngutumpe chakulya, na mmi na nyota natwe ngutunkenga mache? 38 Lii tammona mmi mageni natwe ngutumpokela, na manga ngobo natwe ngutunkwindiya? 39 Lii tammona mmi matamwe andaje mantabigwe natwe ngutuika kunnola?’ 40 Angwana mabijanga, ‘Nannenge kweli, kila kilebe chamankamulila jumwe jwa bamba akalongo bango achoko choko, mangamulila nenga.’

42 Ojwapakunyopa kilebe mumpe, makannyimaje ojwaika kunnyaika kilebe."

16 Mangweto uyo mpaka oti lumuli lwinu lumulike nnongi ja bandu, bagabone maengo ginu gabe chwapi na bakoigwe Awawa binu ababi kumbengu.

38 Mapegange bange na Nnoongo mampa. Elo, mampatangage nukutwele kipemo, nukupolota mukuboko ginu choa chunhwotwi kamula, kwa magambu kipemo echimapemelanga bange ngucho echapakumpeme Nnoongo."

10 Bandu ngabankonya, "Lele tutenda bole?"

11 Ngajanga, "Kila mundu ojwabi na ngobo ibele bammagulile jwangakola na ababi na ilyo balye pamwe."

33 Nhwuchange yoa eyankwetingite makapegange akanhocho ela yenie. Mijibeke miuku jinu kube chwapi na kukibekela lupambo kumbengu jenie Kwenio jipungukaje, magambu kwenio akabwii kuotoje kujipata na gabije mabongo agaotwi kualabia. 34 Penia apalubi lupambo lwinu nga apaupakube mwojo gwinu."

12 Jenje nga amuli jango, mpalane andi panampala mangweto.

13 Gabije mapalano makolongwa muno kupeta mapalano ga mundu jwaboya bwomi gwakwe kumagambo ga kaganja mundu.

35 Nannayangite mangweto kila kilebe kukulandanikia ku kamu maengo kukachana kundela jenie tajangata abanying’anyile, tukombakele lilobe lya Angwana ana Yesu bene balenga, ‘Chwapi kupanga kuliko kupokela.’ "

36 Kingobu Paulo pajomola kulongela, ngakilakitila majugwa pamwe na angweto nu kunng’ongale Nnoongo. 37 Boa bakiba bakagutanga ngabankumbatila na ngabatabukana. 38 Bakibanga nu kuechuka muno magambu balengi bimmonaje kabele. Kuyene ngubunhwindikilanga mpaka ku ngalaba.

13 Majangatange bandu ba Nnoongo bapate ilebe ibipala, mapokelange akamageni ku mwojo gwambone.

1 Twenga tatubi ndii mu lihyobalelo tupaligwe kajangata abalegalike lihyobalelo bagaotole malola gabe. Tukikikonjale tubeneje.

2 Mpotolelane miigo jinu na kwa ndela jene mpakagajali malagilo ga Kilisto.

28 Ojwakiba akajiba, akajibaje kabele, nambu akamu maengo gambone kwa maboko gakwe, abe ni kilebe chu kumpe mundu nhwocho.

4 Pakabeje na mundu ojwapalapala ilebe yaipala mwene tu nambu uyo apalepale ilebe ibapala ajabe.

14 Makalongo chambone kini anda mundu alengite akweti imani nu kongo kulayaje kuitendwa? Bo, imani jenie jiotolabo kunkola? 15 Anda tulonge mundu ojwaamini abi munalome andaje munkege akwetije ngobo wala chakulya. 16 Bo kualala kunnenge jwenio, "nnyabula kwa tengela makajote mwoto nu kujukuta," pangampe kile chakipala mubwomi gwakwe? 17 Uyo imani janga itendwa iwile.

17 Na anda mundu akweti ilebe ya padunia pano, anda amweni nnongomundu jwapala kilebe, nambu kunkole kiaje aotwabo kulenga ampala Nnoongo?