Ajuda ao próximo

35 ဖြားဖြစ်ကြောန့်နူးဆိုဟှာ ငါဟှာ ဗိုက်ဆာဟှူ ခီမာ နန်းနို့လေဟှာ ငါ့ဟှို စားဇာပေးဂေ့လေဟှယ်။ ငါရေငတ်ဟှူ ခီမာ နန်းနို့လေဟှာ သော့-က်ဇာပေးလေဟှယ်။ ငါဟှာ ဧည့်သယ်ဖြစ်ဟှူ ခီမာ နန်းနို့လေဟှာ ငါ့ဟှို နန်းနို့ရဲ့ အီလေမာ လတ်ခံဂေ့ဘီး၊ 36 ငါဟှာ ခ္လေးပ္လန်းဗ္လန်းဖြစ်နေဟှူ ခီမာ နန်းနို့လေဟှာ ဝတ်ဇာဟှို ပေးလေဟှယ်။ ငါဟှာ ဖျားနေဟှူ ခီမာ နန်းနို့လေဟှာ ပြုစုဂေ့ဟှယ်။ ငါဟှာ ထောန်က္လနေဟှူ ခီမာ နန်းနို့လေဟှာ ငါ့နားဟှို လာဂေ့ဟှယ်’ ဆိုဘီး မိန့်တော်မူလေ့မယ်။ 37 ဖြောန့်မတ်ဟှူသူလေဟှ ‘သခင်၊ ကျွန်တော်ဟှားလေဟှ ဖယ်ခီဒူးဟှ ကိုယ်တော် ဗိုက်ဆာနေဇာဟှို ဗြင်ဘီး ကျွေးမွေးပါဟှယ်နူး၊ ရေငတ်နေဇာဟှို ဗြင်ဘီး သော့-က်ဟှူဇာဟှို ပေးဟှားပါဟှယ်နူး၊ 38 ကိုယ်တော်ဟှာ ဧည့်သယ်ဖြစ်တော်မူဟှယ် ဆိုဇာဟှို ကျွန်တော်ဟှားလေဗြင်ဘီး ကျွန်တော်ဟှားလေရဲ့ အီမာ ဖယ်ခီဒူးဟှ လတ်ခံဟှားဟှယ်နူး။ ကိုယ်တော်ဟှာ ခ္လေးပ္လန်းဗ္လန်းန နေတော်မူဟှယ် ဆိုဇာဟှို ကျွန်တော်ဟှားလေဗြင်ဘီး ဖယ်ခီဒူးဟှ ဝတ်ဟှူဇာလေ ပေးဟှားဟှယ်နူး၊ 39 ကိုယ်တော် ဖျားနာတော်မူဇာလေ၊ ထောန်က္လနေဇာလေဟှို ကျွန်တော်ဟှားလေဗြင်ဘီး ဖယ်ခီဒူးဟှ ကိုယ်တော်နားဟှို ရော့-က်လာပါဟှယ်နူး’ ဆိုဘီး ပ္လန်လျှော့-က်ဂေ့လေ့မယ်။ 40 မန်းဂီးဟှ ‘ငါ မှန်ပြောမယ်၊ အယ်မူ ငါ့ညီကို မောန်နှမလေထဲဟှ ငယ်ဆောင်းသူ တယော့-က်ဟှို နန်းနို့ပြုစုဇာလေဟှာ ငါ့ဟှို ပြုစုဟှူဇာဘဲ့!’ ဆိုဘီး ပ္လန်မိန့်တော်မူလေ့မယ်။"

42 နန့်နားမာ တောန်းဟှူလူဟှို ပေးလိုက်ပါ။ ချေးငှားဟှူသူလေဟှိုလည်း ငြင်းဘဲန ချေးငှားလိုက်ပါ။

16 ✝အယ်မျိုးဘဲ့ လူလေဟှာ နန်းနို့လေရဲ့ ကောန်းဟှူ ကျင့်ဟှို ဗြင်ဘီးဟှာ ကောန်းဂန်ဘောင်မာရှိဟှူ နန်းနို့ဖရဲ့ ဂေါင်တော်ဟှို ချီးမွမ်းစေဟှို့တွပ် နန်းနို့လေရဲ့ သတ်တာလန်းရောန်ဟှို လန်းစေဂေ့ပါ။

38 သူတပါးဟှို ပေးဂေ့။ အယ်မျိုးဆိုဟှာ ဘုရားသခင်ဟှလည်း နန်းနို့ဟှို ပေးလေ့မယ်။ နန်းနို့ဟှာ ပ္လဲ့လျှံလတ်ခံရလေ့မယ်။ နန်းနို့ဟှာ သူတပါးဟှို ပေးဟှူ ပမာဏတိုင်း ဘုရားသခင်ဟှ နန်းနို့ဟှို ပေးလေ့မယ်" ဆိုဘီး မိန့်တော်မူလေဟှယ်။

10 လူလေဟှာ "အယ်ဆိုဟှာ နို့လေဟှ ဖြားဇာလေ လောက်ရနူး။" ဆိုဘီး သူ့ဟှို မေးဂေ့ဟှယ်။

11 သူဟှ "ဖယ်လူဘဲ့ဖြစ်ဖြစ် အန်းဂီနှေ့ထည်ရှိဟှယ် ဆိုဟှာ အန်းဂီမှေ့ဘဲဟှူ လူဟှို တထည်ပေးရမယ်။ ဖယ်လူဘဲ့ဖြစ်ဖြစ် စားဇာရှိဟှယ် ဆိုဟှာ အယ်စားဇာဟှို ဝီပေးရမယ်" ဆိုဘီး ဖြေလေဟှယ်။

33 နန်းနို့ရဲ့ အောက်စာလေဟှို ရောန်းဘီး ဆင်းရဲသားလေဟှို ပေးကမ်းစွန့်ကြဲဂေ့။ ဆွီးဟောန်းနိုင်ဘဲဟှူ ကပ်အိလေဟှို လောက်ဂေ့ဘီး သူခိုးဖော့-က်နိုင်ဘဲဟှူ၊ ပိုးလေကိုက်စားနိုင်ဘဲဟှူ၊ ကောန်းဂန်ဘောင်မာ ကူခန်းနိုင်ဘဲဟှူ ဘဏ္ဍာဟှို စုဂေ့ပါ။ 34 ဖြားဖြစ်ကြောန့်နူးဆိုဟှာ နန်းနို့လေဟှာ ဘဏ္ဍာရှိဟှူ နေရာဟှိုဘဲ့ နန်းနို့စိနှလောင်းလေ ရော့-က်တတ်ဟှယ်။"

12 ✝ငါ့ပညတ်ဟှ နန်းနို့ဟှို ငါရှစ်မျိုးဘဲ နန်းနို့ရှင်းရှင်း ရှစ်ဂေ့။

13 မိမိရဲ့ မိဆွေလေတွပ် နန်းနို့ရဲ့ သတ်ဟှို ပေးလိုက်ဇာဟှာ ကီးမားဆောင်းဟှူ မြစ်တာဖြစ်ဟှယ်။

35 အယ်မျိုးဘဲ့ နန်းနို့လေလည်း လောက်ဟှို ကြိုးစားဘီး ဆင်းရဲဟှူ လူလေဟှို ကူညီဂေ့ဟှို့တွပ် ငါပြရစ်ဟှယ်။ သခင်ယေရှု ကိုယ်တိုင်ဟှ ‘ပေးဟှူဇာဟှ ရယူဇာထတ် ပိုဘီး မင်္ဂလာရှိဟှယ်’ ဆိုဘီး မိန့်တော်မူဟှားဟှူ စကားဟှို ဒိရဂေ့ပါ" ဆိုဘီး ပြောဟှယ်။

36 အယ်မျိုးပြောဘီးန ပေါလုဟှာ ဒူးထော့-က်ဘီး အယ်လူလေနတူးဒူ ဆုတောန်းလေဟှယ်။ 37 သူးနို့လေ ဂူလောင်းဟှာ ရရာတိုင်း ငိုဂေ့ဘီးန ပေါလုဟှို ဖတ်ဘီး နှောက်ဆစ်ဂေ့ဟှယ်။ 38 ပေါလုဟှာ သူ့မျစ်နှာဟှို နော့-က်တခါ ဗြင်ရဟှို့မှုဘီ ဆိုဘီး ပြောဟှူကြောန့် သူးနို့လေဟှာ ပိုဘီး ဟှာ ဝန်းနဲဂေ့ဟှယ်။ အယ်ဘီးန သူးနို့ဟှာ ပေါလုဟှို သန်းဖောနားဟှို လိုက်ပို့ဂေ့ဟှယ်။

13 ဆင်းရဲဟှူ သန့်ရှင်းသူလေဟှို ဝီမျှပေးကမ်းဂေ့ပါ။ ဧည့်သည်လေဟှို ကြိုးစားဘီး ဧည့်ဝတ်ပြုဂေ့ပါ။

ကိုယ့်လိုဟှို လိုက်ဘဲန သူတပါးရဲ့ လိုဟှို လိုက်ရှင်းကြောန်း

1 အယ်ကြောန့် ယောင်ကြည်ရှင်းခိုင်ခံ့ဟှူ နို့လေဟှာ အားနဲဟှူသူလေရဲ့ အားနဲရှင်းလေဟှို ထော့-က်ရှုပေးရမယ်။ ကိုယ့်လိုဟှိုလိုက်ဘီး လောက်ဆောန်သင့်ဟှ။

2 ရှင်းရှင်းရဲ့ ဝန်ထောက်လေဟှို ကူညီပေးဂေ့ပါ။ အယ်မျိုးလောက်ရှင်းဟှာ နန်းနို့ဟှာ ခရစ်တော်ရဲ့ ပညတ်တော်ဟှို ပ္လဲ့ဇောင်စေလေ့မယ်။*

28 ခိုးတတ်ဟှူလူဟှာ နော့-က်ထပ်ခိုးဘဲန လိုရှင်နေဟှူ လူလေဟှို ပေးဇာရှိဟှို့တွပ် သူ့ရဲ့လတ်န ကောန်းဟှူ လောက်လေဟှို အားထုဘီး လောက်စေ။

4 ကိုယ်ကျိုးတွပ်ဘဲ့ ကေ့ဘဲ့န ရှင်းရှင်းလေရဲ့ ကျိုးဟှို ရှာဂေ့ပါ။

ယောင်ကြည်ရှင်းနကျင့်

14 ငါ့ညီကို မောန်နှမလေ၊ လူတယော့-က်ဟှ ငါမာ ယောင်ကြည်ရှင်းရှိဟှယ် ဆိုဘီး ပြောဘေမဲ့လည်း ကျင့်အားဖြင့် သတ်သေပြနိုင်ဟှ ဆိုဟှာ ဖယ်ကျိုးရှိနူး။ အယ်လူရဲ့ ယောင်ကြည်ရှင်းဟှာ သူ့ဟှို ကယ်တန်နိုင်ဘဲ့လော။ 15 ညီကို မောန်နှမလေဟှာ စားဝတ်နေရေး ဆင်းရဲနေဟှူ ခီမာ 16 နန်းနို့ဟှ "နန်းနို့လေဟှို ဘုရားသခင် ကောန်းဂျီးပေးပါစေ။ ငြီးငြီးချမ်းချမ်းဟှား နေဂေ့ပါ။ ဝဝဟှားစားဂေ့" ဆိုဘီး ပြောဘီးဟှာ သူးနို့ရဲ့ ကိုယ်ခန္ဓာတွပ် လိုအပ်နေဟှူ ဇာလေဟှို ပေးဘဲ့န နေမယ် ဆိုဟှာ ဖြာကျိုးရှိမယ်နူး။ 17 ယောင်ကြည်ရှင်းဟှလည်း အယ်မျိုးဘဲ့ဖြစ်ဟှယ်။ ကျင့်မှေ့ဘဲ့ဟှူ ယောင်ကြည်ရှင်းဟှာ ခုဒဲဘဲဖြစ်ဟှူကြောန့် သေဖြစ်ဟှယ်။

17 လောကီစည်းဇိမ် အောက်စာလေ ကြွယ်ဝဟှူလူဖြစ်ဘီး ကိုယ့်ရဲ့ ညီကို ယော့-က်ယော့-က်ဟှ ဆင်းရဲရှင်းဟှို ဗြင်ဟှူ ခီမာ သနားကြင်နာမှု မှေ့ဘဲနေဆိုဟှာ ဖယ်မျိုး ဘုရားသခင်ရဲ့ မြစ်တာတော်ဟှ ရှိနိုင်ဟှို့နူး။