35 Ngoba ngangilambile, langinika ulutho oludliwayo, ngangomile langipha okunathwayo, ngangiyisihambi langinxusela endlini, 36 ngangiswele izembatho langigqokisa, ngangigula langonga, ngangisentolongweni lazongibona.’

37 Abalungileyo bazamphendula bathi, ‘Nkosi, sakubona nini ulambile sakupha ukudla na, kumbe womile sakunathisa? 38 Sakubona nini uyisihambi sakunxusela endlini na, kumbe uswele izembatho sakugqokisa? 39 Sakubona nini ugula kumbe usentolongweni seza sazakubona na?’

40 INkosi izaphendula ithi, ‘Ngilitshela iqiniso ukuthi loba yini elayenzela loba ngomncinyane kanganani walaba abazalwane bami, lakwenzela mina.’

42 Muphe lowo ocela kuwe njalo ungamfulatheli lowo ofuna ukweboleka kuwe."

16 Ngokunjalo, yenzani ukukhanya kwenu kukhanye phambi kwabantu ukuze babone izenzo zenu ezinhle baze badumise uYihlo osezulwini."

38 Phanini, lani lizaphiwa. Kuzathiwa qithi kini kugcwaliswe phamu, kwagqitshwa, kwakhuhluzwa kwaze kwaphuphuma. Ngoba ngesilinganiso elisisebenzisayo, lani lizalinganiselwa ngaso."

10 Abantu bambuza bathi, "Pho kumele senzeni?"

11 UJohane waphendula wathi, "Leyondoda elamajazi amabili kayimuphe ongelalo elinye lalowo olokudla kenze njalo."

33 Thengisani impahla yenu liphe abampofu. Zidingeleni izikhwama ezingagugiyo, inotho ezulwini engayikuphela, lapho okungasondeli khona isela loba impehlane engabhubhisi khona. 34 Ngoba lapho okulenotho yakho khona, inhliziyo yakho layo ilapho."

12 Umlayo wami yilo: Thandanani njengoba ngilithandile lani.

13 Kakho olothando olukhulu kulonikela ukuphila kwakhe ngenxa yabangane bakhe.

35 Kukho konke engakwenzayo ngalibonisa ukuthi ngalindlela yokusebenza nzima kumele sisize ababuthakathaka, sikhumbula amazwi eNkosi uJesu athi, ‘Kubusiseke kakhulu ukupha ukwedlula ukwamukela.’ "

36 Esekutshilo lokhu waguqa phansi kanye labo bonke, wakhuleka. 37 Bonke bakhala lapho bemgona lokumanga. 38 Okwabadanisa kakhulu kwaba yilizwi lakhe lokuthi babengasayikuphinde babubone njalo ubuso bakhe. Basebemphelekezela emkhunjini.

13 Bapheni abantu bakaNkulunkulu abaswelayo. Zejwayezeni ukuphana.

1 Thina esilamandla sifanele ukubekezelela ukwehluleka kwababuthakathaka, hatshi ukuba sizithokozise.

2 Thwalani imithwalo yomunye lomunye, ngalokho lizagcwalisa umthetho kaKhristu.

28 Lowo obekade entshontsha kangantshontshi futhi kodwa kumele asebenze, enze ulutho oluhle ngezandla zakhe ukuze abe langakwabela abaswelayo.

4 lingazikhathaleli izifiso zenu lodwa kodwa likhathalele lezifiso zabanye.

14 Kusizani bazalwane bami, nxa umuntu esithi ulokholo kodwa engelazenzo? Ukholo olunjalo lungamsindisa na? 15 Kasithi umfowenu loba udadewenu kalazigqoko lokudla kwansukuzonke. 16 Nxa omunye wenu esithi kuye, "Hamba, ngikufisela okuhle; hlala ufudumala njalo usutha," kodwa angenzi lutho ngalezi zinswelo zakhe zomzimba, kusizani na? 17 Ngokunjalo, ukukholwa nje kuphela, nxa kungelamisebenzi kufile.

17 Nxa umuntu enothile abone umzalwane wakhe oswelayo, kodwa angabi lesihawu kuye, uthando lukaNkulunkulu lungaba kuye kanjani na?

17 Olomusa kubayanga upha uThixo,

uzamupha umvuzo ngalokho akwenzayo.

11 Kuzahlala kulokhu kulabantu abangabayanga elizweni. Ngakho ngiyalilaya ukuba phanini ngezandla ezivulekileyo kubafowenu kanye lakubo bonke abangabayanga labaswelayo elizweni lenu."