Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Pwe ngai men mangadar, a komail ap kamanga ia; ngai men nim piladar, a komail ap kanim pil ia; ngai men kairu men, a komail ap kasamo ia. Kiliso, a komail ap kalikauwi ia dar, ngai somaudar, a komail ap pwara dong ia; ngai salidier, a komail ap pwara dong ia. Me pung kan ap pan sapeng i potoan ong: Maing, iad me se potoan ir men konot, ap potoan dong ir konot, de men konot pil, ap id konote dong ir? Iad kit potoan ir men kairu, ap kasamo ir? De kiliso, ap kalikauwi ir adar? Iad kit potoan ir lomum, de salidi, ap poto dong ir? Nanmarki ap pan sapeng masani ong irail: Melel i indai ong komail, meakot komail wiai ong amen, ri ai ol tikitik pukat, i me komail wiai ong ia er.
Kisakisai ong me kin ngidingid re om, o koe der saupei sang me poekipoeki re om!
Iduen omail marain en sansal mon aramas, pwe irail en udial omail wiawia man kan, ap kapikapinga Sam omail, me kotiluit nanlang.
Kisakisa wei, a a pan depuk ong komail dal mau eu, me idang pena, o itik pena, o dir kaualap, me pan ko ong komail. Pwe men song ota, me komail kin songki, iduen a pil pan song ong komail.
Pokon o ap idok re a indada: A da me kit en wia? A kotin sapeng masani ong irail: Meamen, me a sakit riau, i en ki ong, me sota a. O me kan a kisin manga mia, i en wia dueta.
Netikila omail kapwa kan, ap kisakisa wei, wiai ong komail ed ko, me sota pan maringala, o pai nanlang, me so pan ola, wasa me lipirap men so kak ong, o man en mot so kak kawela ia. Pwe wasa omail pai mi ia, iei wasa mongiong omail pil kin mia,
Nan iet ai kusoned: Komail en poke pena, duen i pok ong komail er.
Sota me a limpok laude sang met, me pan mueid kila maur i kompokepa kan.
I kasale ong komail er meakan duen komail en dodok, pwen sauasa me luet akan o tamatamanda masan en Kaun Iesus akan, duen a pein kotin masani: Kiki wei me kaperen sang ale. A lao kotin masanier mepukat, a kelepuki iang irail karos kapakap. Irail ari sangesang kaualap o polodi tapin wor en Paulus o metik i. Re insensuedekier kaualap a masan, me dene re solar pan udial silang i. Irail ari likid i koti ong pon sop o.
Kisakis ong saraui samama kan; kasamo ki peren.
A MAK eta, kitail kelail akan, en sauasa me luet akan, ap der peren ki pein kitail.
Pelikitki pena nan pung omail katoutou pamail, pwe iduen komail pan kapwaiada kapung en Kristus.
Me pirap, ender pur ong pirap, a mak eta, en dodok, kadokeki pa kan dipisou mau, pwen kaonop da kisakis ong me samama kan.
Amen amen ender apwali pein a dipisou kan, a amen amen en apwali en akai ar dipisou.
Ri ai ko, da katepan aramas amen, me pan inda, me a poson mia, ap sota a wiawia mau kan? Iaduen poson pan kak dorela i? Ma ri atail ol de li amen mia, me solar a likau, o solar kan ar kisin manga kaukaule, A ma amen komail pan indang i: Kola popol rangerang o mangamanga! Ap sota, me komail pan ki ong i, me mau ong pali war a, da katepa? Iduen poson, ma a kelep o sota wiawia iang, nan a melar.
Meamen me muei met ap kilang ri a dupokala, ap sota sauasa i, iaduen limpok en Kot pan kak mi re a?