Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Sababu gee ngoi 'isawini, ngini 'o 'inomo nikula. Gee 'ai kibiti 'idudungu, ngini nikula 'o 'akere. Gee ngoi 'o nyawa ma dudunino, ngini nidawongo nia woaka. Gee ngoi 'ai baju 'isidukuranguku, ngini nikula. Gee ngoi 'igogama, ngini nileleani; gee ngoi 'o buioka, ngini nioboa nilega.>
Ge’enaka de 'o nyawa go’ona dua yongose, <Jou, kauruo ngomi minimake ngona nisawini, de ngomi 'o 'inomo minikula? Bolo ni kibiti 'idudungu de 'o 'akere minikula? Kauruo ngomi minimake ngona 'isoka 'o nyawa ma dudunino, de minidawongo 'amia woaka? Kauruo ngomi minimake 'ani baju nisidukurangi de ngomi minikula? Kauruo ngomi minimake ngona nigogama de nobuika, de ngomi miaika minilega?> Ma Koana gu’una 'asa wosango, <Tinisidemo ne’ena, gedagee ngini niodiai koge’ena, ngaro ka 'ai nyawaka moi gee koyopake-pakewa, ge’ena kaimatero de niodiaiokau ngoino.>
Nako 'o nyawa 'o kianikia yomaga’asoko nginika, niakikulaka. Mita nako nia kianikia yomadabau, 'uwa koniakikulawa.>>
Koge’enali mita nia darangi ge’ena salingou 'isiwara 'o nyawaka, la 'ona yamake 'okia sonaa niodi-diai yaowa-owa ge’ena, de wisitedene nia Dea 'o sorogaaka.>>
Ngini salingou nimadu-dukula 'o nyawaka la ngini mita 'asa ma Jo’oungu ma Dutu winikula. Ngini 'asa nimadamake 'o barakati posironga ma amoko gee nidutugakou 'idi-dibitunuku de 'idi-digiwiku sigado 'ipoa-poa. Sababu 'o du-duga gee kiaka ngini niapake niosituga 'o nyawaka, ma Jo’oungu ma Dutu mita 'asa wapake winisituga nginika.>>
Ge’enaka de 'o nyawa yoku-kudai go’ona yosano 'o Yohanesika, <<So 'okia salingou ngomi miadiai?>>
'O Yohanes wosango, << 'O nyawa gee manga baju 'o ngai modidioka, salingou 'o ngai moi yokula gee 'o nyawa manga baju koi’iwa-'iwaka, de 'o nyawa gee de manga 'inomoka salingou yosibula-bula.>>
Niawukunu nia harataa de ma pipi niakikula 'o nyawa yosusa-susaka. Nimaditiai nia pipi ma ngii koito-torouwau; ge’ena la 'o harataa 'idao-daotika 'o sorogaaka. 'O harataa ge’ena koiisanguawau, sababu yotosi-tosiki koidadiwa yatosiki, de 'o bobete koyatorouwa. Sababu kiaka naga 'ania harataa, 'ania singina mita ge’enaka!>>
Nanedau tinisulo-suloko ge’ena la: Nimakadora moi de moi, 'isoka ngoi tinidora ngini.
'O dora gee 'ifoloi 'iamoko ge’ena la yakiriwo manga manai sigado ngaro yosongene ma yomodeke.
Naga 'o sagala moi-moioka ngoi tosidumutokau 'ai 'ahu ma sigoronaka 'ato pomakuata pomanarama kone’ena, ge’ena salingou pakiriwo 'o nyawa gee koyomado-do’oawa. Sababu ngone salingou pongano-nganono 'okia naga ma Jou Yesus wongosekau, <Podawongo de pokula 'ifoloi 'isanangi pokula.> >>
'O Paulus wobicara 'iduangino, de yoodumu yokokibukuku 'asa de yolahidoa. 'Ona yoodumu yo’ari yomasigoono 'o Paulusoka de wiame deika yongose 'ato, <<Tei sioko notagiou!>> 'Ona manga singina 'ifoloi 'isusa sababu 'o Paulus wongose 'ato dua koyomakamakewau. Ge’enaka de 'ona wisi’otaka sigado 'o kapalika.
Niakiriwo 'o nyawa yongaku-ngaku gee yakisidukuranguku, de niakidawongo 'o nyawa yomasido-dogumu nia woaka.
Ngone gee nanga ngo-ngaku 'ikua-kuata salingou pakiriwo 'o nyawa gee manga ngo-ngaku koikua-kuatuwa manga singina ma dubuso. 'Uwa ngone pomau ka ngone ma sirete posanangi.
Salingou niomarimoi niakiriwo 'o nyawa manga gina 'itu-tubuso, la de ge’ena ngini niamoteke ma Kristus 'awi besesongo.
'O nyawa gee yotosi-tosiki, salingou yomaogoro yotosiki. De salingou yomanarama yomakua-kuata de 'iloa-loa ma ngale manga 'inomo yomadononu, de yakiriwo 'o nyawa gee yakisidu-dukurangi.
Salingou nialega 'o nyawa 'iregu manga paraluu, 'uwa duga ka to ngini ma sirete.
'Esa moi riaka dodoto, 'okia ma faedaa moi yongose 'ato, <<Ngoi ne’ena tongaku-ngaku,>> ma nako koyosidumutuwa manga 'ahu ma sigoronaka, manga ngo-ngaku koge’ena yakisilahaka? Nako naga nanga nyawa wimoi bolo mimoi 'o baju yoparaluu de manga 'inomo koyakidugawa 'o wange 'isinoi-noimi, de kaniongose 'ato, <<Kasamaowa niomasinoa 'o baju 'isau-sauku de kasamaowa nio’odomou!>> 'Ena koniakikulawa gee 'okia naa yoparaluu ma ngale manga 'ahu, 'okia ma faedaa ge’ena? Koge’enali mita 'o ngo-ngaku. Nako koniosidumutuwa de nia manarama, ge’ena ma faedaa koi’iwa.
Nagu’una 'awi kia sonaa de ma 'enaka de wimake 'awi 'esa moi wisidukuranguku ma kowiriwowa, kokia 'o nyawa de wi kia sonaaka gu’una wongose 'ato 'una ma Jo’oungu ma Dutu wisibosono?