35 Mu tooni ati, me ambeedi na nzala, na benu laaviidi me byudya. Me ambeedi na peyu a mamba, na benu laaviidi me mamba ma unywa. Me ambeedi mwenyi, na benu laayaki me. 36 Me ambeedi pene, na benu laalwatisi me. Me ambeedi na ubeele, na benu laataasili me. Me ambeedi mutso a kondaayi, na benu laayamono me."

37 Ni mu buuna, baatu ba baasiidi litondo la Nzambi sa bafutala nde: "Pfumu, ki taangu bisu laamoni we na nzala, na laaviidi we byudya; buuve we aba na peyu a mamba, na laaviidi we mamba ma unywa? 38 Ki taangu bisu laamoni we mwenyi, na laayaki we huli bisu; buuve we aba pene, na bisu laalwatisi we bikutu? 39 Ki taangu bisu laamoni we mubeedu, buuve mu kondaayi, na bisu laataasili we?"

40 Na Mutumi sa afutala bo: "Mu mbuli me ndi mu undeele benu, pasi taangu yi benu laasiidi buuna, huli mumosi mu baana ba ngu a me wu afulala bukenyi, ni huli me benu laasiidi buuna."

42 Kabila huli wu li mu uvondo we isiha, na a miinguha nde wuuna wu toondi uyaasombo huli we ve.

16 Ni mu buuna, liyalala la benu laafwana ubaamwedeme ŋa busu bwa baatu boosi, mana bo bamono mavaanga ma benu ma mabwe na bayuusa Taata a benu wu li hu mayulu.»

38 Vaani, na Nzambi sa ava benu. Sa basyeholo hyetso hi hyafulala, hi hyakomo hutso bihode bya benu. Mu tooni ati Nzambi sa afutala benu hyetso hi benu libaava bambaahi.»

10 Konge a baatu yakafuula nde: «Bisu hima lafwana usa?» 11 Nde afutili bo: «Nyaha muutu wu uli na biyunga byole, akaba imosi huli wu avele na hyo. Na wu uli na byudya, akabila bana.»

33 Sumbasaani bisiha bi benu lili na byo byosi, na vaani mbongo huli biyaha. Vaangaani bapaala baa mbongo ba baavelebiiya, kukahani busina bu bu uvelefwa hu yulu, hu bwo bu uveledimbala. Mu tooni ati, huuna biibi utwala uto ve, na batsyedidi utwala ubiyasa bwo ve. 34 Ni mu buuna, ŋa huli busina bwa we, ni ŋana ka huli mutima a we.

12 Mukele a me ni wunuuwu: tondosonwani we bu me atondo benu.

13 Litondo li laalutala, ni ukwa mu tooni bambaahi.

35 Me amweese benu ti mu moosi, lafwana ubaasala, mana libaakumbasa biyaha. Yibwalaani moonyi mu ma Pfumu Yisu nde mwakulu haleeli: "Kinya ya wu ubaava, yafulala ya wu ubaayaka."»

36 Ŋa yulu a maana, Pahuli atsokimi itwadi na bo, na nde asambili Nzambi. 37 Boosi na lingebe, baakalila, baakabumba Pahuli, na usiingama mu likingu la nde na minyongo. 38 Bo baaba fula-fula mu lingebe, mu tooni a bu nde haleeli ti bo a bu ubwemono nde ve. Titswene, bo baayavehese nde natee hu likuumbi.

13 Baakumbasaani banga imiinu ba bali na nzala likumbasa,

na bayakaani bubwe taangu yoosi, ba bali mu uya mu manzo ma benu.

1 Bisu ba laahwada mu imiinu, laafwana ukumbasa ba bakolo. A lisaha mu ukuhasa mapeyu ma bisu mwakulu ve.

2 Baabitasanaani mipfuna: buna benu sa likuhasa mukele a Kristo.

28 Nyaha muyibi abweveleyiba, ka nde afwana umono pasi mu usala mu myoho mya nde mwakulu, mu abaha bi nde huukumbasa ba baakeehele.

4 Pasi muutu mu benu, a hasaha ndulu kaluha a nde mwakulu ve, ka abaasaha kaka kaluha a bana.

14 Baana baa ngu a me, ki kaluha yili huli muutu mu ubaaleele ti: «Me ndi na imiinu», tso nde a hali mu umweese mavaanga ma mabwe ve? Imiinu hya buuna, utwala ufuuhasa nde ve. 15 Monwaani: mwaana a ngu buuve kedi veli na hi ulwata, na kondiini byudya bya pasi ilumbu. 16 Mumosi mu benu leeli nde: «Yene mu hyenze, lwata ikutu hya piyu, na dya bubwe!» Tso nde leeli buuna, hwavele uva nde bi nde ali na byo nzala mu linyutu, tsoongo a mambu mo maana ki yo? 17 Ni bumosi kaka mu imiinu. Tso hyo a hili na mavaanga ma mabwe ve, hyo hili hi hyakwa.

17 Tso muutu li na busina bu bulahi, na li mu ukama mutima ŋa busu bwa mwaana a ngu a nde wu avele na hi ufuuhala, buni muutu mo wuuna hutwala ubinuha ti nde atondo Nzambi?