Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
"మే భుక్కె థో, తుమె మనా ఖాణు దిదా, తరాహ్ః లాగ్యు, తుమే మనా పాని పిఢాయు, ఏకేలోస్ థో తెదె మనా ఖందె కర్యథా, ఉగ్హాడొ థో మనా లుంగ్డా దిదా, రోగ్వాలొ హుయిన్ థో, మనా దేహఃన ఆయా; ఠాణమా థో తెదె మారకనా ఆయాకరి బోల్యొ."
ఇనటేకె నీతిమంతుల్ ప్రభూ, కెదె తునా భూక్క్ లగ్గను దేఖిన్ తునా ధాన్ కఢాయా? కెదె తరహ్ః లగ్గను దేఖిన్ తున పాని దిదా.
కెదె ఎకేలొ ర్హావను దేఖిన్ తున హాందె కరిలిదా? ఉగ్హాడొ హుయిన్ థొ తెదె తునా దేఖిన్ లుంగ్డా దిదా?
కెదె రోగ్వాలొ హుయిన్ ర్హావనుబి, ఠాణమా ర్హావనూబి హామె దేఖిన్ తారనక ఆయా థా? కరి ఇనేతి పుఛ్చావ్సు.
ఇనటేకె రాజొ, దీనుల్నితరా ఛాతె ఆమార భైయ్యేమా కినాబి ఏక్ జాన్న ఆ కర్యాతో మనా కరాంతరస్కరి తుమారేతి ఖఛ్చితనంతీ బోలుకరూస్కరి బోల్యొ.
తారకనా మాంగతె ఇనదిజొ, తుమారకనా ఉధార్ మాంగ్యూతొ ఇనకంతూ తారు మ్హోడు నొకొపర్యాషు.
ఇంనితరా అద్మియే తుమారు ఛాల్ దేఖిన్, స్వర్గంమా ఛాతె తారొ భానా మహిమపర్చునుతిమ్ ఇవ్నా హాఃమె తుమారు ఉజాళు ప్రకాష్హువదా.
తూమే ధ్వేవొ తేదె తూమ్నాబి దేవావ్సే దాభీన్ గీఛ్ కరీన్ భరైన్ హేట్ పడయేత్రు తూమార ఖోళమా నాక్సే తూమే కీనేతీ మోజీన్ దేంక్రస్కి దేవ్బి యోస్ మోజీన్ తూమ్నా దేవావ్స్యే
ఇనఖాజే అద్మీయే ఇమ్హూసేతో హమే ష్యాత్ కర్నూ? కరి ఇనా పుఛాయూ. యోహాన్, "బే కుడ్తా ర్హవాళు అస్సల్ కుడ్తాతాబి కొయింతే యఇన ఏక్ దేనూ. ధాన్ ర్హవాళుబి ఇమ్మస్ కర్నూ" కరి యూవ్నేతి బోల్యొ.
తూమార కనా ఛాతే ఇనా లేఛీన్ ధరమ్ కరో; గళాకోయిన్తే రఫ్యాని సంఛేవ్నా తయార్ కర్లేవో. తూమారు దవ్లత్నా స్వర్గంమా లపాడో, ఏజ్గా క్హయూ ఛోర్బి ఆవ్స్యే కోయిని, వూధీయేబి ధర్స్యే కోయిని. కేజ్గా రఫ్యా రస్కీ తూమారు జాన్బి ఏజ్గాస్ ర్హాస్.
మే తుమ్నా ఫ్యార్కర్యొతే ప్రకారం తుమేబి ఏక్నుయేక్ ఫ్యార్ కర్నూకరి ఆస్ మారు ఆజ్ఞా.
ఇను దొస్తుల్నటేకె; ఇను జాన్ భేమ్దావాలుకనా అజు కేవు మహాన్ ఫ్యార్ ర్హావ్వాలు కోయిని.
తూమేబి ఆమ్మాస్ ప్రయాస్ కరీన్, కంజోర్తి ఛాతే యూవ్నా రక్చించోకరీ, "హీంకడ్తూ లేవానూథీబి హాంకడ్తూ దేవాను భాగ్యం" కరి ప్రభు హుయోతే యేసు బోలోతే వాత్ హాఃయాల్ కర్లేవో కరి, హాఃరు విషయాల్మా మే తుమ్నా ఏక్ వాట్నితర దేఖాడ్యో కరి బోల్యొ. యో ఆమ్ బోలిన్, గూడ్గ్హే ఫర్ బేసిన్, హాఃరవ్తి మలిన్ ప్రార్దన కర్యొ. తెదె యూవ్నే హఃరు గ్హణు రోవానిక్ల్యా. తుమె అజు కెధేబి మారు మ్హోడు దేక్సుకోయిని కరి పౌలు బోల్యోతే వాత్నా యూవ్నే అజు గ్హణు దుఃఖ పడ్యా. పౌలునా గర్దన్ ఫర్ పడీన్ ఇనా బుఛ్చా దీన్, యూవ్నే జ్హాజ్ తోడీ ఇనా బోలిమొక్ల్యా.
దేవ్ను అద్మియోనా అవసరం హుయుతె ఇవ్నా సహయాం కారో, ఖాదర్తి ఆతిథ్యం షీఖిలెకొరాస్.
తారు తూస్ కాహేతిమ్ అలాదవ్నా భడ్డావను
కాహే తాఖత్వాలొయుహుతె తప్ప, అప్నా అప్నాస్ ఖుషిహువకొయిన్తిమ్, క్హాంజొర్ దౌర్బల్యంహుయుతె పేరిలెవానటేకె రుణమ్ హుయిన్ ఛా.
యేక్ను భోజనా ఆజ్ ఏక్జను భరించును, ఇమ్మస్ క్రీస్తు నియమంనా పూర్తితి సిఖిలెవో.
చోర్ కరవాలొ హంకెతూ చోర్ నాకర్నుతిమ్ జరూర్ఛాతె ఇవ్నా భాగ్పాడనాటేకె వీలుహువతె నిమిత్తమ్ ఇను హాతేతి అషల్ కామ్కర్తూ మిన్హత్ పడ్ను.
తుమారమా హర్యేక్జణు ఇను హుఃద్కార్యాల్నా దేఖిలేవను యెత్రేస్కాహెతిమ్ ఆలాదవ్ను కామ్నబి దేక్ను.
విష్వాస్ బుజు కామ్
మార భైయో బేనె. క్రియల్ కొయిన్టేపార్ కొన్బి ఇనా విష్వాసంనా ఛాకరి బోల్యుతో సాను ప్రయోజనమ్? ఎజ్తను విష్వాసమ్ యో అద్మి బఛ్వాజాసేనా? భైయోహుయోతే భేన్హుయుతే కోన్బి లుంగ్డ నార్హాహితో, ధన్నా ధన్ కొయిన్తిం ర్హాహితో. తుమారమా కొన్బి ఆంగ్తాన్ వోనుతే ఇనా అవసరాల్నా తీర్చకొయిన్తిమ్ "సమాధానమ్ జా, ఆగ్ సేకిలా, తృప్తితి ఖా" కరి బోల్యుతో సాను ప్రయోజనమ్? ఇంమాస్ విష్వాసమ్ క్రియల్ కొయిన్తే యో కేలుహుయిన్ నిర్జీవంతి ఛా.
ఆ ములక్ను జివ్నునూ వాలొర్హై, ఇను భైనా కాయ్బి నాహువతే ఇనా దేఖీన్, ఇనుటేకె కెత్రేబి కనికరం వతాలవాలో నహుయోతో ఇనకనా దేవ్ను ఫ్యార్ కిమ్ ర్హాసె.