Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Ko fii mi weelano, okkorɗon mi ko mi ɲaama, mi ɗonɗano, okkorɗon mi ko mi yara, mi wonno koɗo, wernuɗon mi, mi holi, holtinɗon mi, mi ɲawi, dankiɗon mi, mi sokaa, ndaaruɗon mi.›
«Onsay feewuɓe ɓen jaaboyto mo, wi’a: ‹Joomi, ko honde tuma men yi’u-maa hiɗa weelaa, men okkor-maa ko ɲaamaa, maa ka ɗonɗaɗaa, men okkor-maa ko yaraa? E ko honde tuma men yi’u-maa ko a koɗo, men wernu-maa, e ka holuɗaa, men holtin-maa? E ko honde tuma men yi’u-maa hiɗa nawni, maa hiɗa sokii, men yahi e maa?› Onsay Lanɗo on jaaboto ɓe, wi’a: ‹Ka haqiiqa mi andinii on, nde tawnoo on waɗanii ɗun ɓurɗo fanɗude e musiɓɓe an ɓen, tawi ko min waɗanɗon ɗun.›
Okkor on toriiɗo ma, wota a huccu kadi on faalaaɗo ma ɲawlaade.
Yo ndaygu mon ngun jalbir nii yeeso yimɓe ɓen, fii no ɓe yi’ira kuuɗe mon moƴƴe ɗen, ɓe mawnina Ben mon Wonɗo ka kammu on.»
Okkee, ɗun on okkorte. On etirante sariyaare yeɗɗunde, timmunde, yeƴaande haa juuri, waɗaneɗon ka jiifaaji mon. Ko fii ko sariyaare nde etirɗon nden etiranteɗon.»
Onsay yimɓe ɓen landii mo: «Ko honɗun men waɗata jooni?»
O jaabii ɓe: «Kala marɗo dolokkaaji ɗiɗi yo sendodu ɗi e mo maraa. Kala jogiiɗo kadi ɲaametee yo o warru wano non.»
Yeeyee ko jeyɗon kon, okkoron miskinɓe ɓen, moƴƴinee bonfooji ɗi hiɗɗataa, ɗun wonanay on keyee mo lannataa ka kammuuli, ɗon mooƴataa, awa kadi ngujjo meemataa. Ko fii ko ka keyee mon on woni woo, ɓernde mon nden wonata.»
E hino yamiroore nde mi yamiri on nden: Yiɗindiree wano mi yiɗiri on non.
Hay gooto alaa giggol ɓurngol mawnude wa okkitirgol ngurndan mun ɗan fii yiɓɓe mu’un ɓen.
E nder ɗun fow, mi hollii on yo on gollir nii fii yo on wallito lo’uɓe ɓen, anditon kadi konguɗi Iisaa Joomi on ko o wi’i kon kanko tigi wonde: ‹Ko okkugol ɓuri moƴƴude edii okkoreede.› »
Ɓay o gaynii yewtude ɗun, onsay o jiccii fii du’ondirgol e maɓɓe ɓe fow. Onsay ɓe fow ɓe hirbii mo kanko Puulusa, ɓe lunnii e hoore gonɗi tiiɗuɗi. Ko ɓurnoo ɓe sokolinde kon, ko ko o wi’unoo ɓe kon wonde ɓe yi’itataa mo hande kadi. Onsay ɓe ɗowtiti mo haa ka laana ndiyan.
Faaboron gomɗinɓe ɓen ko ɓe handi kon, newanoɗon wernugol.
Enen tiiɗuɓe e gomɗinal ɓen, hiɗen haani tambitaade lo’ereeji ɓen ɓe tiiɗaa ka gomɗinal, e wota en ɗaɓɓu ko welata en kon.
Rondondiranee anndeeji mon ɗin. Ko non timminirton Sariya *Almasiihu on.
Wujjaynooɗo woo wota wujju han kadi, kono yo o gollir juuɗe makko ɗen e nder nunɗal, o waɗa goɗɗun ko nafi, o okkora hatonjinɗo.
Ɗoo e yo mo kala e mon wattan yiila e fii ko nafata ɗun kon, wattanee yiila e ko nafata ɓeya kon kadi.
Musiɓɓe an, ko nafa honɗun woodani neɗɗo wi’ugol himo mari gomɗinal, si o alaa ɓanginirde ɗun kuuɗe? Taw si sifa ngal gomɗinal no waawi dandude mo? Si musiɗɗo men gorko maa bandiraawo men no holi, no ŋakkiri ɲaametee kadi ɲande woo, goɗɗo e mon ara e wi’ude ɓen: «Yahee e jam, ɓornoɗon, ɲaamon haa haaron», e ɓaawo jonnugol ɓe ko ɓalli maɓɓe ɗin handi e mun kon, haray ko honɗun ɗun nafata? Gomɗinal ngal kadi ko wano non: si ngal aldaa e kuuɗe, ko ngal mayngal kangal tigi.
Si tawii goɗɗo no mari ngaluuji aduna, o yi’ii musiɗɗo makko sokolɗo, o ombanii mo gite, haray ko honno giggol Alla ngol wonirta e makko?