Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
ए, घरवाळा, तसात, तुहुंं जाणु की ईसु मसी आपसी मंडळी काजे अतरा जादा परम कर्यु की चु आपसी मंडळी वाटे आपसु जीव लग आप देदु, तसात तुहुंं आपणी-आपणी घरवाळी काजे परम करु।
बाकुन जी वात तुहुंं लाडा लाडीन मेळ काजे आपसान चुखोझण देखाड़े। ने तुंद्रे मायन हरेक जणु आपसी लाडी काजे आपसान तसा परम करनु चाहजे, ने हरेक जणी आपसा लाडान कह्याम चालीन ईज्जत करनु चाहजे।
तसोत जत वारु छे की अदमी आपणी-आपणी लाडी सी आपसा डीलेन तसु परम राखे। जु आपसी लाडी सी परम राखणु चाहजे, मतलब चु आपसा सी बी परम राखे। काहाकी काहनु बी कदी आपसा डील सी दुसमनी नी राखे, बाकुन तीनाक पाळे पुसे, जसु मसी ईसु बी मंडळीन साते करे।
आपणु एक दीसरान डील छे, ने तुहुंं झुट मेलनु छुड़ देवु, ने एक दीसराक छाचली वात कहुं।
कदी तुहुंं रीसवाय जावु, ती पाप घुण करु, दाहड़ु बुडणेन पेहले आपसी रीस सेळवी लेजु; ने भुतड़ा काजे मुखु घुण आपता।
तुंद्रा मुंहडाम सी फालतु वात नी नीकळनु चाहजे, बाकुन तीनी टेमे वारलु काम मां अधे तसली सुवाळी वात नीकळनु चाहजे, तेरेसी सामळने वाळा पर बी गीण-दया हवे।
तुहुंं जीवनेन आखी कड़वान, रीस, जखड़ी पड़नु, दीसरान नाव-बद्दी करनु, ने आखी भातीन कुहराय, तुहुंं ईनुक ईचमां सी छेटे कर देवु। बाकुन एक दीसरा पर गीण करु, ने परम करु, जसु भगवानेन, ईसु मसी वाटे, तुहुंं काजे माफ कर देदलु छे, तसात तुहुंं बी एक दीसरा काजे बी माफ कर देवु।
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
अळतेन चे हय सी दुय नी, बाकुन एक डील छे। तेरेमां तीनाक भगवान जुड़लु छे, तीना काजे माणुस अलग नी करे।"
भगवान, छीनाळ्यान ने दीसरान बायरीक धरन्यान नीयाव करसे, ने डंड आपसे। हेरेसी आखा माणसे मां ईयाव ईज्जत सी हवणु चाहजे। ने दुयु माणसे काजे एक दीसरा पर भुरसु करे असु जीवन, जीवणु चाहजे।
नवली जीवाय्न पाळनी
ओ बायर, तुहुंं आपसा काजे आपसा-आपसा घरवाळाक सुपरुत करीन जीवु, जसों मालीक ईसुक मान्या धड़े तालेत छे।
ए अदमी, तुहुंं आपणी-आपणी बायर काजे परम करता रहु, ने तींद्रे साते काठो वेहवार घुण करु।
ने जी आखी वात मानीन आंबा-सांबा दयाळु वेहवार करु, काहाकी परम आखाम एक्कु लावीन आखाक पुरा-पुरा पाक्का करे। तुहुंं आखा एकुत डीलेन भाग छे, ज ईसुन डील छे; ने एक दीसरा पुठ्ये हेळी-मेळीन सांती मां जीवणे करीन भगवान तुहुंंक बुलावलु छे। ने ईसुन सी जड़नी सुक-सांतीन साहरे तुंद्रा मनेन वीच्यार काजे कब्जाम राखीन भेळा रहु। ने तुहुंं भगवान काजे बेसकु वारु छे कह्ता रहु।
हेरेसी भगवान तुहुंंक आपसा चुखला ने लाटेक्ला असामी बणावणे करीन नेवाड़ लेदलु छे। अतरे तुहुंं गीणाका दयाळा, नीचळा, सेळुजीव राखण्या ने गम खाण्या बणु। तुंद्रे ईचमां काहनी बी वातेन लड़ाय हय जाय, ती एक दीसरान वात काजे वेठ लेजु, ने एक दीसराक माफ कर देजु; जसु मालीक ईसु आपणु गुनु माफ कर्यु तसात तुहुंं बी दीसराक माफी आपु।
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
परम दमधरे, ने कीर्पाळु छे; परम डाहवाय नी करे; परम आपणी बड़ाय नी करे, ने मटकाळु नी हय, चु गलत रीत सी नी चाले, चु आपणी भलाय नी चाहावे, झुंझलावे नी, बुरो नी माने। पाप सी खुसी नी हवे, बाकुन छाचाय सी खुसी हवे। चु आखी वात सेण कर लेय, आखी वातेन भुरसु करे, आखी वातेन आस राखे, आखी वात मां दमधरे।
तींद्रु ईयाव हय गुयु, हीनुक मे नी, बाकुन मालीक हुकुम आपे की बायरी आपणा अदमी सी छेटी नी रवणु चाहजे; ने कदी छेटा बी हय जाय, ती अळी दीसरा सी ईयाव घुण करु; नीते आपणा अदमी सी अळी मेळी जावु ने नी अदमी आपणी बायरी काजे छुड़े।
अदमी आपणी बायरीन हक पुरु करे; ने असोत बायरी बी आपणा अदमीन हक पुरु करे। बायरी काजे आपणा डील पर हक नी बाकुन हेरा अदमीन हक छे; असात अदमी काजे बी आपणा डील पर हक नी, बाकुन बायरीन छे। तुहुंं एक दीसरा सी आंग्ये मां रहु; बाकुन सीरप थुड़ीक टेम लग दुय जणान राजी मरजी सी की दुवा वाटे छुट्टी जड़े, ने अळतेन एक साते रहु; असो नी हवे की तुहुंं खुद नी हवणेन वजे सी भुतड़ु तुहुंं काजे पारखे।
दीसरा माणसे मारी बड़ाय करनु चाहजे करीन, ने टठाये, काय बी काम, मां करु, बाकुन नीचळा हय्न आपसा सी दीसरा काजे अदुस वारु समजु। तुंद्रे मायन एकेक जणु आपसीत फीकुर अतरी नी, बाकुन दीसरान भलायन फीकुर बी करु।
चेतीन रहु! कुय करु दीसरान कुहराय्न बदले कुहराय मां करु; बाकुन तुहुंं जलम एक दीसरान ने मंडळीन बाहरनान बी भलो कर्या करजु।
आखाम ती आखा सी वारु वात जी छे की एक दीसरा सी जादा परम राखु; काहाकी परम काय पाप काजे ढाक देय।