Ajuda para casais
Deus fortalece casamentos. A Bíblia oferece sabedoria prática para casais: comunicar com verdade, perdoar com graça, servir com amor e buscar a Deus juntos.
Amor e respeito
Maridos, amai vossas mulheres. Mulheres, respeitem seus maridos. O amor mútuo edifica o casamento.
Agou na iviva marene mu roroquria sira na maqotamiu kai muqisi podeke vei tugu na Karisito sa roroqu veinia na ekelesia ko sa vaivanania na ona toa mekana.
Ba agou ba sa uligou tugu sa na paranga api. Ko sa vei sa na iviva marene mi roroqu veini na tinina mekana sa na maqotana, beto na iviva rereko sa mi pangagania na marenena.
Ko sa tuvisi gu sa ira na iviva marene mai roroqu veinia qai roroqua na tinidi mekadi sira na maqotadi. Na marene sa roqua na maqotana sa sa roqu mulenia tugu mekana sisa. Taqe gigilaioda gita sa kepore sa kai tinoni bike tavaraguania sa na tinina mekana, goto sa vatetekua beto sa kopu vatalenia tu, kai muqisi podeke vei tugu i Jisu sa kopu vatalenia na ekelesia.
Ko sa vei sa mu loaia na seseke ko agou doru sa mu okoto paranga laonia gu sa na sosoto pana tadira na tavitimiu, ura gita doru sa na okokoto kobuna kai puku tinoni gu.
Vei bu tagigiri sao sa mu kopunia ko mike toni valaogo pana sela sa na mua kokora. Beto muke vakamunia na suvuna na tapo sa na mua kokora, ko muke vamalumu vania kai iqo peki totoso ko mi toni vapirugou sa na bangaradi ira na tomate ikeredi.
Muke vavukele gobororia sira nake paranga jongadi beto nake garodi ko bai tavavukele, goto ira gu na paranga qai boka vaneqiria na tinoni ko sa vajonganai na susuvere sa mu vavukeleria. Mina vei sa kode muna tokaniria sira mai nongorogou.
Mu loa paleria sira na toa kokora pa bulomiu, nake tatavaraguania na goto tinoni, na tagigigiri goboro, na vavaipera paranga, na poja vivikereria na goto tinoni beto doru toa vaiikikerai. Goto mu roitinia tu na jongana sa tadira na tinoni, mu vadogoroniria na toa vairoqu, beto mu vaivataleosae, kai muqisi podeke vei na Tamasa ba sa taleosonigou tugu pana miu kole kame tavitia na Karisito sagou.
União e fidelidade
O que Deus ajuntou não separe o homem. Eu e minha casa serviremos ao Senhor. A fidelidade é alicerce do casamento.
Ko maike pikatarua sira karu, ba kame gu. Ko isa vei sa tei vaipuku tariniria tu na Tamasa sa kepore kai tinoni mi vaivisuniria,>> sau si Jisu.
Na vaialava sa mai pangagania doru tinoni, beto ko na roiti tamabaragoso sa kepore selana. Goto ira qai aru valulasa beto ira qai babarata sa na Tamasa mina tutiniria.
Na Uana pana Toa Koregana
Agou na rereko iviva, mu tuti viketairia sira na marenemiu ko mu toania sisa vei sa garo pana tutina na Bangara. Agou na marene iviva, mu roroquria sira na maqotamiu ko muke koti sasasururia.
Tadira doru uana aipira sa mu vaokoto laonia sa na vairoqu, isa sa sa aru vaigosorai vataleniria doru sakasa. Na bule tana Karisito sa mi totolinia na bulomiu, na bule isa na ginuana sa kukunigou na Tamasa ko qu mekarai kame tinoni. Ko mu paranga jongana lao tana Tamasa.
Na ona tinoni tavilena na Tamasa, na liosomiu beto sa roroqugou isa sagou. Ko sa vei isa sa mu toania agou sa na toa vairoqu, na vajongana lao tadira na tinoni, na vaiketai mule, nake sasuru gobororia ira na tinoni, beto na vera vamomoso. Mu doro vajola pale na sela tana goto tinoni beto mu mekarai vaitaleosae vei bi koleona sa kaki vaipaparanga pa vaikorapaimiu. Na Bangara sa taleosonigou sagou ko agou ba mu taleosonia tugu na goto tinoni.
Perdão e paciência
Sede bondosos e compassivos uns com os outros. O amor é paciente, benigno. Permanece e persevera.
Na vairoqu sa vera vamomoso beto sa vajongana lao tana goto tinoni. Na vairoqu sake kokono beto sake vaqata babi vatarasae mulenia mekana. Na vairoqu sake toania na uana sake jonga pana tana goto tinoni. Na vairoqu sake tutia nona soana mekana, sake oqanai kokora ko na vaipera paranga, babi puku tutiria na sela tana goto tinoni. Na vairoqu sake qerania na ikerena, goto sa qerania na sosoto. Na vairoqu sa pogoso golomoria na vitigi doru totoso, sa rarangeona doru totoso, sa vera gegeleona doru totoso, beto sa vangajuona doru totoso.
Ego tamugou na tinoni vaialavamiu sa ara qa paranga vaneneqinigou api, ko nake ara goto na Bangara tu: na rereko mike loai na marenena. Ba vei mina vailoa pale tu sa na rereko, poni sa mi suvere meka gu sa na rereko isa; ba vei mineke vei sa mi mule lao vamomoso gu tana marenena. Ego ko na marene ba mike loai sa na maqotana.
Ko na tuvisina sa na marene sa mina vania na maqotana sa na tinina mekana, beto ko na rereko sa mina vania na marenena sa na tinina mekana. Ura na maqotana sa keporeona neqi ko mina lalaenia mekana gu sa na tinina mekana, goto na marenena tugu vei mina somana lalaenia sa na tinina. Ko na marenena ba sa keporeona neqi ko mina lalaenia mekana gu sa na tinina mekana, goto na maqotana tugu vei mina somana lalaenia sa na tinina. Muke vaidaimiunia ao kao tamabaragoso sa na roiti tamabaragoso, goto pana miu mekarai vaivaego sa muna boka vaidaimiu mai iapeki totoso ko muna boka jujunonia na vavara. Ba pa liguna isa sa mu vaikamu ligu mule sao karu. Pana soana vei isa sa i Setani minake boka totokegou ura agou quke boka aru mulenia sa na miu nyonyorogua.
Muke roitinia kai sa pa uana muino babi pana uana vavalavatai goboro, goto pana soana viketai sa ira tu na goto tinoni sa mu roroqu vaporeveveina jolanigou mekamiu. Nake miu nyorogua gu mekamiu sa mu kole doro kopunia, goto na nyorogua tadira na goto tinoni tugu vei.
Mu kopunia ko mi kepore kai tinoni mi beinia na ikerena sa na ikerena. Goto doru totoso mu nyaqo tutia na jongana ko mu roiti laonia tana goto tinoni beto tadira doru tinoni.
Ba isa sa poreveveina jola sa mu vaneqia na toa vairoqu, ura na tinoni sa vairoqu sa sa boka doro vajola pale sa na sela tana goto tinoni.