Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Thig mo chobhair on Tighearna, a rinn nèamh agus talamh.
Is e Dia ar tèarmann agus ar neart, ar cobhair ro-dheas ann an teanntachdan.
Feuch, is e Dia m’fhear-cuideachaidh; tha an Tighearna dhiubhsan a chumas suas mo bheatha.
Tha slàinte nam fìrean on Tighearna; is esan an neart ann an àm teanntachd;
Agus cuidichidh an Tighearna leo, agus teasairgidh e iad; teasairgidh e iad o dhroch dhaoine, agus saoraidh e iad, a chionn gun d’earb iad as.
Greas a-chum mo chuideachaidh, a Thighearna, mo shlàinte.
Cuidich leinn, a Dhè ar slàinte, air sgàth glòir d’ainme, agus teasairg sinn, agus glan ar peacaidhean uainn airson d’ainme fhèin.
Beannaichte gu robh an Tighearna, a chionn gun d’èisd e ri guth m’athchuinge.
Is e an Tighearna mo neart agus mo sgiath; annsan chuir mo chridhe a dhòchas, agus chuidicheadh leam; uime sin rinn mo chridhe gàirdeachas, agus lem laoidh molaidh mi e.
Mura biodh an Tighearna gam chuideachadh, is beag nach robh m’anam na thàmh gu tosdach.
Oir tha mise, an Tighearna do Dhia, gad chumail suas air do làimh dheis; tha mi ag ràdh riut, Na biodh eagal ort, nì mise cobhair ort.
Agus thug thu dhomh sgiath do shlàinte: agus rinn do choibhneas mòr mi.
Thigibh am ionnsaigh-sa, sibhse uile a tha ri saothair, agus fo throm uallaich, agus bheir mise suaimhneas dhuibh.
Agus guidhidh mise an t-Athair, agus bheir e dhuibh Comhfhurtair eile, a-chum gum fan e maille ribh gu bràth;
Tha an Spiorad fhèin mar an ceudna a’ dèanamh còmhnaidh le ar n-anfhainneachd: oir chan aithne dhuinn ciod a ghuidheamaid mar a bu chòir dhuinn; ach tha an Spiorad fhèin a’ dèanamh eadar-ghuidhe air ar son le osnaidhean do-labhairt.
Agus is aithne dhàsan a tha a’ rannsachadh nan cridheachan ciod i inntinn an Spioraid, do bhrìgh gu bheil e a’ dèanamh eadar-ghuidhe airson nan naomh a rèir toil Dhè.
Earb as an Tighearna led uile chridhe; agus rid thuigse fhèin na biodh do thaic.
Ann ad uile shlighean aidich e, agus seòlaidh esan do cheuman.
A’ tilgeadh ur n-uile chùraim air-san: oir tha cùram aige dhibh.