Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Taw maaduu
saluwaanne sa’aa med’d’eedda Med’inaa Godaappe yee.
S’oossay nuuni naagetti attiyaa saanne nuw wolk’k’aa.
Nuuna metuu gakkiyaa wode,
maaddanaw I ubbaa gede matan de’ee.
Hekko S’oossay taana maaddiyaawaa;
Goday taana zemppissiyaawaa.
S’illotuwaa atotetsay Med’inaa Godaappe yee;
metuwaa wode I unttunttoo naagetti attiyaa sa’aa.
Med’inaa Goday s’illotuwaa maaddeenne ashshee.
Unttunttu aakko bak’ateedda diraw,
I unttuntta iitatuwaappe wotsi akkeenne ashshee.
Abeet Med’inaa Godaw, taana ashshiyaawoo,
taana maaddanaw elleella.
Abeet nuuna ashshiyaa S’oossaw,
ne suntsaa bonchchuwaa diraw, nuuna maadda.
Ne suntsaa diraw, nuuna ashsha;
nu nagaraa atto yaaga.
Ta watiwatuwaa siseedda diraw, Med’inaa Goday galatetto.
Med’inaa Goday taw wolk’k’anne gonddalle;
Ta wozanay an ammanettee;
hewan taani maadettaad.
Hewaa diraw, ta wozanay an nashettee;
taani yetsan Aa sabbana.
Med’inaa Goday taana maaddennentto,
taani ellekka duufuwaan gelaade sirp’p’i gaana shin.
Ayaw gooppe, taani Med’inaa Goday, ne S’oossay, ne ushechcha kushiyaa oyk’k’ana. Neena, ‹Yayyoppa, taani neena maaddana.
«Taana ashshiyaa ne gonddalliyaa
neeni taw immaadda;
Ne lo"o okkay taana gitayee.
«Daaburanchchatoo, dees’uwaa tookkowanttoo ubbatoo, taakko haa yiite; taani hinttentta shemppissana.
Taani Aawuwaa woosana; hinttenanna med’inaw de’ana mala, tumatetsaa Ayaanaa, hara mentsetsiyaawaa hinttenttoo I immana. Ha sa’ay he tumatetsaa Ayaana be’ennawaanne erennawaa gidiyaa diraw, Aa akkanaw danddayenna; shin I hinttenanna de’iyaa dirawunne hinttenttu giddon de’ana diraw, hinttenttu Aa eriita.
Hawaadan k’ay Geeshsha Ayyaanay nu daaburaa maaddanaw yee; ayaw gooppe, nuuni S’oossaa wooti woossanaw bessintto erokko; shin Geeshsha Ayyaanay bare huup’ew k’aalaan k’onc’c’issanaw danddayettenna ooliyaan nuw gaannatee. K’ay asaa wozanaa biddiyaa S’oossay, Geeshsha Ayyaanay I koyyiyaawaadan, S’oossaa naatoo gaannatiyaa diraw, Geeshsha Ayaanaa k’ofay ayentto eree.
Ne polo wozanaan Med’inaa Godaa ammanetta; ne akeekan zemppoppa. Neeni ootsiyaa oosuwaa ubbaan Aa sintsaya; I neena suure ogiyaa kaaletsana.
I hinttenttoo k’oppiyaa diraw, hinttena hirggissiyaa ubbabaa Aa bolla olite.