Ajuda

2 Miri pomoca avel le RAJESTAR,

savo stvorinďa o ňebos the e phuv.

1 Oleske, ko ľidžal o bašaviben. E giľi prekal o učo hangos.

4 Šun miro mangipen, Devla!

Prithov o kan paš o lava mire mujeskre!

39 O spaseňje prekal o spravodľiva avel le RAJESTAR;

ov hin lengro hrados andro pharipen;

40 o RAJ lenge pomožinela a zachraňinela len;

lela len avri le nalačhe manušendar a zachraňinela,

bo pes denašen andre leste te garuvel.

22 RAJEJA, ma omuk man!

Devla miro, ma dža mandar dur!

9 Pomožin amenge, Devla, Spasiťeľina amaro,

ker oda pre slava tire naveske!

Zachraňin amen a odmuk amenge amare bini

angle tiro nav!

6 Bararav tut, RAJEJA,

bo šunďal miro pokorno mangipen.

7 O RAJ hino miri zor the miro šťitos;

miro jilo leske pačal.

Ov mange pomožinďa,

vašoda miro jilo igen radisaľol

a mira giľaha leske paľikerava.

17 Te mange na pomožinďahas o RAJ,

imar uľomas ode, kaj hin večňe cichones.

13 Me som o RAJ, tiro Del,

savo tut chudel le čače vastestar

a phenel tuke: ‚Ma dara tut,‘

me tuke pomožinav.

36 Diňal man šťitos, so man ochraňinďa,

a tiro lačhipen mandar kerďa bares.

28 Aven ke mande savore, so san strapimen a na birinen! Me tumenge dava te odpočovinel.

16 A me mangava le Dades a ov tumen dela avre Ťešiťeľis, savo ela tumenca pro furt;

26 Avke the o Duchos pomožinel amare slabišagenge. Se amen na džanas, vaš soske pes amenge kampel te modľinel. Ale korkoro o Duchos pes privakerel vaš amenge avke, hoj pes aňi le lavenca na del te phenel avri. 27 Ale oda, ko skuminel o jile, džanel, so kamel o Duchos, bo ov pes privakerel vaš o manuša le Devleskre avke, sar o Del kamel.

5 Pača cale jileha le RAJESKE

a ma muk tut pre tiri goďi.

6 Pridžan tut ke leste pre savore tire droma

a ov tuke rovňinela avri o chodňiki.

7 Savore tumare pharipena čhiven pre leste, bo ov pes pal tumende starinel.