Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Taw maadoy
salonne sa7aa medhida Godaape yees.
Xoossay nu qosetidi attiya,
bessenne nu wolqaa.
Nuna metoy gakiya wode,
I nuna maaddanaw ubba wode nu matan de7ees.
Xoossay taw maade;
Goday taw zempo.
Xillota atotethay Godaape yees;
I meto wode enti naagetidi attiya besse.
Goday xillota maaddees; ashshees;
enti iyako baqatida gisho,
I enta iitatape ashshees; naagees.
Tana ashshiya ta Godaw,
tana maaddanaw ellesa.
Abeeti nuna ashshiya Xoossaw,
ne boncho sunthaa gisho nuna maadda.
Ne suntha gisho nuna ashsha;
nu nagaraa atto ga.
Ta woosa si7ida gisho
Goday galatetto.
Goday taw wolqanne gondalle;
ta wozanay iyan ammanetees;
ta iyan maadetas.
Ta wozanay iyan ufaytees;
ta iya mazmuren sabbana.
Goday tana maaddonnaako,
taani eeson duufo gelada attanashin.
Taani Goday, ne Xoossay,
ne ushacha kushiya oykana;
yayyofa, taani nena maaddana.
Tana ashshiya ne gondalliya taw immadasa;
ne katisoy tana gitayees.
"Hinteno, daaburanchoto, toohoy deexida ubbay taako haa yiite; taani hintena shempisana.
Taani Aawa woossana; hintera merinaw daana mela minthetheysa hintew immana.
Hessada Geeshsha Ayyaanay nu daaburan maaddees. Nuuni Xoossaa waati woossanaw bessiyako eroko, shin Geeshsha Ayyaanay ba huuphen, asi odanaw danda7etonna qaalan nuus gaannatees. Qassi asa wozana eriya Xoossay Geeshsha Ayyaana qofay aybeko erees. Geeshsha Ayyaanay Xoossaa sheniyada geeshshatas gaannatees.
Ne kumetha wozanan Godaa ammaneta;
ne akeekan zempofa.
Ne ooso ubban iya sinthaya;
I nena suure oge kaalethana.
I hintew qopiya gisho hintena hirgisiya ubbaa iya bolla yeggite.