Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Dogu hagamaamaa la ga hanimoi i baahi o Dimaadua,
dela ne hai di langi mo henuailala.
God go tadau abaaba mo tadau mahi,
dela e togomaalia e hagamaamaa gidaadou i lodo nia madagoaa haingadaa.
Gei God go dogu hagamaamaa. Di Tagi go dogu dangada daa.
Dimaadua le e haga dagaloaha digau ala e haihai nia mee donu,
ge e madamada humalia i digaula i lodo nia madagoaa haingadaa.
Mee e hagamaamaa digaula ge e haga dagaloaha digaula.
Mee e haga dagaloaha digaula gi daha mo digau huaidu,
idimaa, digaula e hula gi Mee bolo gi abaaba ginaadou.
Meenei Dimaadua, dogu Dangada Daa, hagamaamaa ina mai au dolomeenei!
Meenei God, hagamaamaa ina gimaadou, haga dagaloaha ina gimaadou.
Daawa mai gimaadou mo di dumaalia mai gi gimaadou madau huaidu,
e hagalaamua ai do ingoo.
Goodou hagaamu ina Dimaadua,
i Mee dela gu longono Ia dagu gahigahi hagamaamaa ne hai.
Dimaadua e hagaloohi gei e abaaba au.
Au e hagadagadagagee gi Mee.
Mee e hagamaamaa au gei e hai au gi tenetene.
Au e hagaamu a Mee gi nia daahili haga tenetene.
Maa nei bolo Dimaadua la ne hagalee hagamaamaa au,
gei au gu limalima hua di hana gi tenua o digau mmade.
Au go Dimaadua, go di godou God. Au e hagamaaloo aga goodou, ge e hagi adu gi goodou bolo gi hudee mmaadagu, Au ga hagamaamaa goodou."
Meenei Dimaadua, Goe dela e loohi au,
gei e haga dagaloaha mai au.
Dau hagamaamaa la gu haga madamada au.
"Lloomoi gi di Au, goodou huogodoo ala gu daamaha i godou mee aamo, gei Au ga gowadu di molooloo!
Au gaa dangi gi Tamana, gei Mee ga gowadu gi goodou di Hagamaamaa, gaa noho i godou baahi gaa hana hua beelaa.
I di ala la hua, di Hagataalunga Dabu e hanimoi e hagamaamaa gidaadou i lodo tadau paagege. Idimaa, gidaadou e de iloo di hai dalodalo, gei di Hagataalunga e dalodalo i gidaadou ang gi God i nia lee ala e deemee di haga modongoohia go nnelekai. Gei God dela e gidee i lodo di manawa tangada, le e iloo di hagamaanadu o di Hagataalunga, idimaa, di Hagataalunga Dabu e dalodalo ang gi God i gidaadou i dono hiihai.
Hagadonu ina Dimaadua aga i lodo do manawa hagatau. Hudee dugu ina goe gi au hagadilinga maanadu gi dagi ina goe. Gi langahia e goe bolo Dimaadua la i lodo nia mee huogodoo ala e hai kooe, gei Mee e hagi adu gi di goe di ala dela e donu.
Dugu ina godou manawa gee huogodoo gi Mee, idimaa, Mee e madamada humalia i goodou.