2 ማኣዳ ታኣም ሙካሢ

ጫሪንጮና ሳዖና ማዤ ናንጊና ናንጋ ጎዳፓኬ።

1 ፆኦሲ ኑኡኮ ፑኖ ካያሢና ዎልቃሢናኬ፤

ኑና ሄላ ሜታሢና ቢያ ኑኡኮ ዑኬ ማዒ ማኣዳሢኬ።

4 ጋዓንቴ ፆኦሲ ታና ማኣዳሢኬ፤

ናንጊና ናንጋ ጎዳኣ ታና ኬኤሊንቂ ዓርቄኔ።

39 ፂሎ ዓሲኮ ዻቂንታ ሙካንዳሢ ናንጊና ናንጋ ጎዳፓኬ፤

ሜታሢ ዎዶና ፑኖ ካያሢ ዔያቶኮ ዒዛኬ።

40 ናንጊና ናንጋ ጎዳ ዔያቶ ማኣዳኔ፥ ዓውሲያ ዓውሳኔ፤

ፑርቶ ማዻ ዓሶ ኩጫፓ ዔያቶ ዒ ኬሳንዳኔ፤

ዔያታ ዒዛ ፔኤኮ ፑኖ ካያሢ ማሄሢሮ

ዒዚ ዔያቶ ዓውሳንዳኔ።

22 ታ ዼኤሻሢ ማዔ ናንጊና ናንጋ ጎዳሢዮ!

ታና ዑካዺ ማኣዴ።

9 ኑና ዓውሳያ ማዔ ፆኦዛሢዮ!

ኔ ሱንፆ ቦንቾሮ ጌዒ ኑና ማኣዴ፤

ኔ ሱንፆሮ ጌዒያ ሄሊ ኑና ዓውሴ፤

ጎሞዋ ኑኡኮ ዓቶም ጌዔ።

6 ታኣኮ ሺኢጲፆ ዒዚ ዋይዜሢሮ

ናንጊና ናንጋ ጎዳ ዓንጂንቴያ ማዖንጎ።

7 ናንጊና ናንጋ ጎዳ ታኣኮ ዎልቃሢና ጊቲማሢናኬ፤

ዒና ታኣኮ ዒዛ ጉሙርቃኔ፤

ዒዚያ ታና ማኣዴኔ፤

ዒና ታኣኮ ኮሺ ዋዛዼኔ፥ ዓይኑሞናኣ ታ ዒዛ ጋላታንዳኔ።

17 ናንጊና ናንጋ ጎዳ ዎንዴ ታና ማኣዲባኣያታቴ

ቤዞና ታ ሄኤዶ ሃይቄ ዓሶ ሳዖ ኬዴያ ናንዳኔ።

13 ‹ሃይ ኔኤኒ ዎይታይ፥ ዲቃቲፖ፤

ኔኤኮ ሚዛቆ ኩጮ ዓርቂ ታ ኔና ማኣዳንዳኔ›

ጌዒ ኔና ዶዲሻሢ፥ ታና ኔኤኮ ናንጊና ናንጋ ጎዳ ማዔ ፆኦዛሢኬ።»

36 ታ ፆኦዛሢዮ!

ታና ዓውሳ ጊቲሞ ታኣም ኔ ዒንጋኔ፤

ኔ ዎልቃ ታና ዶዲሻኔ።

28 ሃሣ ዬሱሴ፦ «ዒንሢ ኬዳ ዴኤፄም ላቢንቴዞንሢ ቢያ ሃኒ ታ ባንሢ ሙኩዋቴ! ታ ዒንሢ ሃውሺሳንዳኔ።

16 ታኣኒ ዓዶ ሺኢቃንዳኔ፤ ዒዚያ ናንጊና ዒንሢና ናንጋንዳ፥ ሜሌ ዶዲሻያ ዒንሢም ዒንጋንዳኔ።

26 ዎያይዲ ሺኢቃኒ ኑም ኮይሳቴያ ኑ ዔሩዋኣሢሮ ዓያና ጌኤሺ ኑ ላቤ ዎዶና ኑና ማኣዳኔ፤ ጊንሣ ሃሣ ሃያኬ ጌይ ኬኤዚንቱዋ ጎይሢና ሜታዺ ማሊ ኑ ሺኢጲፆ ፆኦሲም ሺኢሻኔ። 27 ዓሲኮ ዒና ዴንቃ ፆኦሲ፥ ዓያኖ ጌኤዦኮ ማሊፃ ዓይጎ ማዔቴያ ዔራኔ፤ ዎይቲ ጌዔቴ ዓያኖ ጌኤዣ ፆኦሲም ዱማዼ ዓሶኮ ሺኢጲፆ ፆኦሲም ሺኢሻሢ ፆኦሲ ማሊፆጉዴያታሢሮኬ።

5 ጉቤ ዒናፓ ናንጊና ናንጋ ጎዳ ጉሙርቄ፥ ኔ ዔራቶና ሄርሺንቲፖ። 6 ኔ ማዻ ባኮና ቢያ ናንጊና ናንጋ ጎዳ ኔኤኮ ቤርታሴ፤ ዒዚ ኔና ፒዜ ጎይሢ ዔኪ ዓኣዻንዳኔ።

7 ዒዚ ዒንሢ ዛሎ ማላያታሢሮ ዒንሢ ሜታሳ ማሊፆ ጉቤ ዒዛ ዑፃ ጌሡዋቴ።