Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Lusalusu ya munu ke katuka na sika ya Yave,
yandi yina yidikaka zulu na ntoto.
Mukunga ya bana ya Kole yina ba yimbilaka na lutwadusu ya mfumu ya miyimbidi. Ba yimbilaka yawu na nsambi yina ke pesaka ndinga ya fyoti.
Nzambi kuwa lusambulu ya munu,
teka makutu na mambu yina ke na kubasika na yinwa ya munu.
Mpulusu ya bantu ya kudedama ke katukaka na Yave,
yandi kele kibaka ya bawu ya lukengolo na ntangu ya mpasi.
Yave ke sadisaka bawu mpe ke kuulaka bawu.
Yandi ke kuulaka bawu na maboko ya bantu ya yimbi,
yandi ke vuukisaka bawu, samu ti bawu ke bumbamaka na sika ya yandi.
Yave kubika munu ve!
Nzambi ya munu, kuvwanda ve ntama na munu!
Kwiza sadisa beto, nge Nzambi yina ke vuukisaka beto,
samu na nkembo ya nkumbu ya nge!
Kuula beto mpe fuka masumu ya beto, samu na Nkumbu ya nge!
Nkembo na Yave!
Yandi me kuwa ndinga ya lusambulu ya munu.
Yave kele ngolo ya munu mpe kinwanunu yina ke kebaka nzutu ya munu.
Kivuvu ya munu kele na yandi, yandi me sadisa munu.
Ntima ya munu kele na nsayi,
mu ke kembila yandi na mikunga.
Kana Yave sadisaka munu ve,
mu zolaka kota yimeni na kisika yina kele swii!
Samu ti ni munu, Yave, kele Nzambi ya nge,
mu me simba diboko ya nge ya lubakala,
mu me tuba na nge: «Kuvwanda ve na boma,
mu kele awa samu na kusadisa nge.»
Kukuula yina nge ke kuulaka munu
kele kinwanunu yina ke kebaka nzutu.
Bamvutu ya nge ke pesaka munu ngolo.
«Beno kwiza na sika ya munu, beno nyonso yina me lemba na kunata bizitu ya dema, mpe mu ke pesa beno mvundulu.
Mu ke lomba na Tata na kufidisa beno Kisadisi ya nkaka yina ke vwanda na beno seko.
Mutindu mosi mpe, Mpeve ya Longo ke sadisaka beto, samu ti beto kele bantu ya kulemba. Ya tsyelika, beto zaba ve kusambila na mutindu me fwanana. Kasi yandi mosi Mpeve ya Longo ke sambidilaka beto na bampova yina muntu lenda kutuba ve. Nzambi yina ke talaka na kati ya bantima, zaba mabanza ya Mpeve, samu ti Mpeve ke sambidilaka bantu ya longo mutindu kele luzolo ya Nzambi.
Tula kivuvu ya nge na Yave, na ntima ya nge nyonso, kusikidila ve na ndwenga ya nge. Kangama na Yave na mambu ya nge nyonso, kana nge sala yawu, yandi ke sungika banzila ya nge.
Beno pesa manyongo nyonso ya beno na sika ya Nzambi, samu ti yandi ke sadisaka beno.