Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Ang maong tabang maggikan sa Ginoo,
nga nagbuhat sa langit ug sa yuta.
Ang Dios mao ang atong kusog ug tigpanalipod.
Andam gayod siya kanunay sa pagtabang sa panahon sa kalisod.
Apan sigurado ako nga ikaw, O Dios,
mao ang akong magtatabang.
Ikaw Ginoo, ang akong tigpanalipod.
Ang kaluwasan sa mga matarong naggikan sa Ginoo.
Siya ang nagpanalipod kanila sa panahon sa kalisod.
Tabangan niya sila ug luwason gikan sa mga daotan
tungod kay midangop sila kaniya.
Tabangi ako dayon,
Ginoo nga akong manluluwas.
Tabangi kami, O Dios nga among manluluwas,
aron madayeg ang imong ngalan.
Luwasa kami ug pasayloa sa among mga sala
aron ikaw mapasidunggan.
Dalaygon ka, Ginoo,
kay gidungog mo ang akong pagpakiluoy kanimo.
Ikaw ang naghatag kanako ug kusog
ug nagpanalipod kanako.
Nagsalig ako kanimo ug gitabangan mo ako.
Busa nalipay gayod ako ug nag-awit
ug pagpasalamat kanimo.
Kon wala mo pa ako tabangi, Ginoo,
patay na tingali ako karon.
Kay ako, ang Ginoo nga imong Dios,
nagpalig-on kanimo
ug nag-ingon kanimo nga ayaw kahadlok
kay tabangan ka nako.
Sama ikaw sa taming nga nagpanalipod kanako,
ug pinaagi sa imong tabang nahimo akong bantogan.
"Duol kamo kanako, kamong tanan nga gikapoyan ug gibug-atan, ug papahulayon ko kamo.
Ug pangayoon ko sa Amahan nga padad-an niya kamog laing Magdadasig. Kini nga Magdadasig walay lain kondili ang Espiritu nga mao ang magtudlo kaninyo sa kamatuoran. Ug magpabilin siya kaninyo sa walay kataposan. Dili siya dawaton sa mga tawo sa kalibotan tungod kay dili nila siya makita ug wala sila makaila kaniya. Apan nailhan ninyo siya tungod kay siya kauban ninyo, ug kanunay magpuyo diha kaninyo.
Ug tungod kay maluya kita, ang Espiritu nagtabang kanato. Dili kita kahibalo kon unsa gayod ang angay nato nga i-ampo; mao nga ang Espiritu naghangyo sa Dios alang kanato uban sa mga pag-agulo nga dili malitok. Ug tungod kay nasayod ang Dios kon unsa ang sulod sa kasing-kasing sa tawo, nasayod usab siya sa huna-huna sa Espiritu. Kay ang Espiritu Santo naghangyo alang sa mga katawhan sa Dios, sumala sa kabubut-on sa Dios.
Salig sa Ginoo sa tibuok mong kasing-kasing,
ug ayaw pagsalig sa imong kaugalingong kaalam.
Hinumdomi ang Ginoo sa tanan mong ginabuhat,
ug tultolan ka niya sa hustong dalan.
Itugyan ninyo kaniya ang inyong mga gikabalak-an kay aduna siyay kahangawa kaninyo.