Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
स्वर्ग व पृथ्वीचे निर्माणकर्ते याहवेह,
तेच माझ्या साहाय्यतेचा उगम आहेत.
परमेश्वर आमचे आश्रय व सामर्थ्य आहेत;
संकटात साहाय्य करण्यास ते सदा सिद्ध असतात.
परंतु परमेश्वर निश्चितच माझे साहाय्यकर्ता आहेत;
परमेश्वरच आहेत, जे मला मदत करतात.
याहवेहद्वारे नीतिमानांचे तारण होते.
संकटकाळी ते त्यांचे आश्रयदुर्ग असतात.
याहवेह त्यांचे साहाय्य करतात आणि त्यांना मुक्त करतात;
दुष्टांपासून सुटका करून त्यांचे रक्षण करतात,
कारण त्यांनी याहवेहचा आश्रय घेतला आहे.
माझे प्रभू, माझे तारणारे, लवकर या
आणि त्वरेने मला साहाय्य करा.
हे आमच्या उद्धारक परमेश्वरा,
तुमच्या नावाच्या गौरवाकरिता आम्हाला साहाय्य करा;
तुमच्या नामाकरिता
आमची पापक्षमा करा व आम्हाला मुक्त करा.
याहवेहची स्तुती करा,
कारण त्यांनी माझी दयेची आरोळी ऐकली आहे.
याहवेह माझे सामर्थ्य आणि माझी ढाल आहेत;
माझे हृदय त्यांच्यावर भरवसा ठेवते, तेच माझे साहाय्य करतात.
माझे अंतःकरण आनंदाने उड्या मारत आहे,
माझ्या गीताद्वारे मी त्यांचे स्तवन करेन.
याहवेहने मला साहाय्य केले नसते,
तर मी केव्हाच मरणाच्या निःशब्दतेत निवास केला असता.
कारण मी याहवेह तुमचा परमेश्वर आहे,
जो तुमचा उजवा हात धरतो
आणि तुम्हाला म्हणतो, भिऊ नको;
मी तुला साहाय्य करेन.
माझी ढाल म्हणून तुम्ही मला तारण दिले आहे;
तुमच्या साहाय्याने मला थोर केले आहे.
"जे तुम्ही थकलेले आणि भाराक्रांत आहात, ते तुम्ही सर्वजण माझ्याकडे या, मी तुम्हाला विश्रांती देईन.
आणि मी पित्याजवळ मागेन, ते तुम्हाला मदत करण्यासाठी दुसरा कैवारी देतील, जो तुम्हाबरोबर सर्वकाळ राहील—
त्याच प्रकारे, पवित्र आत्माही आपल्या अशक्तपणात आपणास साहाय्य करतो. कारण प्रार्थना कशासाठी करावी हे आपल्याला समजत नाही, पण पवित्र आत्मा आपल्यासाठी शब्दाविना कण्हण्याने मध्यस्थी करतो. आणि जो आपली अंतःकरणे शोधतो तो आत्म्याचे मन जाणतो, कारण आत्मा परमेश्वराच्या इच्छेनुसार परमेश्वराच्या लोकांसाठी मध्यस्थी करतो.
तुझ्या संपूर्ण अंतःकरणापासून याहवेहवर भरवसा ठेव;
आणि स्वतःच्या बुद्धीवर अवलंबून राहू नकोस;
तुझ्या सर्व मार्गात तू त्यांच्या अधीन राहा,
आणि ते तुझे मार्ग सुकर करतील.
तुमच्या सर्व चिंता त्याच्यावर टाका, कारण ते तुमची काळजी घेतात.