Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Konyruokna aa kuom Jehova Nyasaye,
Jachwech polo gi piny.
Nyasaye e kar pondowa kendo tekowa,
en e kar konyruok man kodwa seche duto.
Adier, Nyasaye e jakonyna;
Ruoth owuon ema rita.
Warruok mar joma kare aa mana kuom Jehova Nyasaye;
En e kar pondo margi e ndalo mar chandruok.
Jehova Nyasaye konyogi kendo resogi
oresogi e lwet joma timbegi richo,
kendo owarogi, nikech gipondo kuome.
Bi piyo mondo ikonya,
yaye Ruoth Nyasaye kendo Jawarna.
Konywa, yaye Nyasaye ma Jawarwa,
nikech duongʼ mar nyingi;
reswa kendo wenwa richowa,
mondo nyingi oyud duongʼ.
Opak Jehova Nyasaye
nikech osewinjo ywakna ma akwayogo kony.
Jehova Nyasaye e tekona kendo okumbana;
chunya ogeno kuome kendo en e konyruokna.
Chunya nigi mor
kendo abiro goyone erokamano gi wer.
Ka dine Jehova Nyasaye ok omiya kony,
to dikoro asedhi dak e piny ma ji olingʼe thi.
Nimar an Jehova Nyasaye ma Nyasachi
mamako badi ma korachwich,
omiyo awachoni niya, "Kik ibed maluor;
abiro konyi.
Imiya okumbani mar loch;
ikulori piny mondo imi abed maduongʼ.
"Biuru ira, un duto mujony kendo motingʼore mapek, mondo amiu yweyo.
Anakwa Wuoro, kendo obiro miyou Jakony machielo mondo obed kodu nyaka chiengʼ.
Kamano bende e kaka Roho konyowa e nyawo ma wan-go. Ok wangʼeyo gima owinjore wakwa sa ma walamo, to Roho owuon ema kwayonwa gi chur ma ok wanyal wacho. To Nyasaye ma nono chunjewa, ongʼeyo gima Roho paro, nikech Roho kwayo ni jomaler kaluwore gi dwaro Nyasaye.
Gen kuom Jehova Nyasaye gi chunyi duto,
kendo kik igen kuom ngʼeyoni iwuon;
ket yoreni duto kuome
eka nomi yoregi oriere tir.
Keturu parruok duto ma un-go kuome nikech oparou.