Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Lusadusu luama luntotukila kuidi Yave ;
mvangi wu diyilu ayi ntoto.
Nzambi widi suamunu kieto
Nzambi niandi suamunu kieto
ayi zingolo zieto ;
niandi nsadisi wu zithangu zioso mu ziphasi.
Bukiedika, Nzambi niandi nsadisi ama.
Yave niandi wukukhindisanga.
Phulusu yi batu basonga kuidi Yave yeti ba.
Niandi zingolo ziawu mu thangu yi ziphasi.
Yave wukubasadisanga ayi wukubakulanga ;
wukubakulanga mu batu bambimbi
ayi wukubavukisanga bila mu niandi
beti suamina.
Yiza nsualu mu kutsadisa,
A Yave, Mvulusi ama.
Wutusadila, a Nzambi Mvulusi eto
mu diambu di nkembo wu dizina diaku !
Wutukuidi ayi wutulemvukila masumu meto
mu diambu di dizina diaku !
Nzitusu wuba kuidi Yave !
Bila wuwilu yamikina kuama mu diambu di kiadi.
Yave niandi zingolo ziama ayi nkakuꞌama.
Ntimꞌama wuntulanga diana mu niandi
ayi ndisadusu.
Ntimꞌama weti mona khini yi ngolo
ayi ndiela kumvutudila matondo mu nkungꞌama.
Enati Yave kasia kuphana lusadusu ko
nganu mu thinu nsualu ndivuandila dio sui mu lufua.
Yizanu kuidi minu beno boso bobo luvongidi ayi luneti mimfuna, minu mandi luvundisa.
Ndiela leba Tata ayi wela kuluvana mbombi wunkaka muingi kakalanga yeno mu zithangu zioso ;
Bobuawu Pheve weti kutusadisa mu lebakana kueto. Bila tukadi zaba mambu momo tufueti lomba mu bufueni vayi niandi veka Pheve weti kutulombila mu khungulu yikambu baka bu tubila.
Bosi mutu wowo wumfionguninanga mintima zebi mayindu ma Pheve bila wunlombilanga mu diambu di banlongo boso buididi luzolo lu Nzambi.
Zikhindusu
Bika lunyekudila mayindu meno bila niandi veka wukulubanzilanga.