Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
ʻOku haʻu hoku tokoni meia Sihova,
ʻaia ne ne ngaohi ʻae langi mo māmani.
Ko e ʻOtua ko hotau hūfanga mo e mālohi, ko e tokoni lahi pea ofi ʻi he mamahi.
Vakai, ko hoku tokoni ʻae ʻOtua:
ʻoku ʻiate kinautolu ʻoku poupou hoku laumālie ʻae ʻEiki.
Ka ko hono fakamoʻui ʻoe māʻoniʻoni ʻoku ʻia Sihova:
ko honau mālohi ia ʻi he kuonga ʻoe mamahi.
Pea ʻe tokoni ʻakinautolu ʻe Sihova, mo fakamoʻui ʻakinautolu:
te ne fakahaofi ʻakinautolu mei he kakai angakovi, mo fakamoʻui ʻakinautolu,
ko e meʻa ʻi heʻenau falala kiate ia.
Ke ke fakatoʻotoʻo ke tokoni au, ʻE ʻEiki ko hoku fakamoʻui.
ʻE ʻOtua ko homau fakamoʻui, ke ke tokoni ʻakimautolu, koeʻuhi ko e ongoongolelei ʻo ho huafa:
pea fakahaofi ʻakimautolu, ʻo fakamaʻa ke ʻosi ʻemau ngaahi angahala, koeʻuhi ko ho huafa.
Fakafetaʻi kia Sihova,
ko e meʻa ʻi heʻene ongoʻi ʻae leʻo ʻo ʻeku lotu tāumaʻu.
Ko hoku mālohi mo hoku fakaū ʻa Sihova;
naʻe falala kiate ia hoku loto, pea kuo tokoniʻi au:
ko ia ʻoku fiefia lahi ai hoku loto;
pea ʻi heʻeku hiva te u fakafetaʻi kiate ia.
Ka ne ʻikai tokoni au ʻe Sihova, pehē,
kuo vave ʻae nofo ʻa hoku laumālie ʻi he fakalongo pē.
He ko au ko Sihova ko ho ʻOtua te u puke ho nima toʻomataʻu,
ʻo pehē kiate koe, ‘ʻOua ʻe manavahē;
te u tokoni koe.’
Kuo ke foaki foki kiate au ʻae fekau ʻo hoʻo fakamoʻui: pea ko e meʻa ʻi hoʻo angaʻofa kuo u hoko ai ʻo lahi.
"Haʻu kiate au ʻakimoutolu kotoa pē ʻoku feinga mo māfasia, pea te u foaki ʻae fiemālie kiate kimoutolu.
Pea te u kole ki he Tamai, pea te ne foaki kiate kimoutolu ha Fakafiemālie ʻe taha, koeʻuhi ke nofo ia mo kimoutolu ʻo taʻengata;
Pea ko e Laumālie foki, ʻoku ne tokoniʻi ʻetau ngaahi vaivai: he ʻoku ʻikai te tau ʻilo ʻaia ʻoku totonu ke tau lotua; ka ʻoku hūfekina ʻakitautolu ʻe he Laumālie pe ko ia ʻi he ngaahi toʻe ʻoku taʻefaʻaleaʻaki. Ka ko ia ʻoku ne ʻiloʻi ʻae loto, ʻoku ne ʻiloʻi mo e finangalo ʻoe Laumālie, he ʻoku ne hūfekina ʻae kakai māʻoniʻoni ʻo taau mo e ʻOtua.
Falala kia Sihova ʻaki ho loto kotoa;
pea ʻoua naʻa ke faʻaki ki ho poto ʻoʻou.
Ke ke fakaongoongo kiate ia ʻi ho hala kotoa pē,
pea ʻe fakatonutonu ʻe ia ho ngaahi ʻaluʻanga.
ʻO tuku hoʻomou tokanga kotoa pē kiate ia; he ʻoku ne kau kiate kimoutolu.