Aliança

8 Mẹ wọ osi, Ibinọkpaabyi oben Noa ọmaana va pẹ bi, 9 "Kker e, kaam nsi echekhi nnang bọng, ttara va pa va pabọng. 10 Echekhi nda ewobh ẹnang ọttọhk kpenamkpen f’orukhi akpen, ọmaana ọnọhn, ọmaana nden s’otzer, ttara nden s’ẹtzam, nnuma biphyir sa nyini k’ọkpaar ttara bọng, sa nnukhi akpen m’ọyagbin. 11 Kaam nsi echekhi nnang bọng bi, ogbe dọk kóde kw’asi an-abira achi ekpo py’erukhi akpen biphyir, ogbe dọk kóde kw’asi abira akhibhi ọyagbin."

12 Ibinọkpaabyi obiro oben bi, "Ma wọ ode ẹkhọhkha ch’Echekhi chaam, cha mmingaama ttara bọng ọmaana ekpo py’erukhi akpen biphyir, echekhi nda éwobha ẹnang igbọ s’ikwu k’ogbe ororo. 13 Kaam nkk’esididibha chaam nhokha k’eboni, ch’éde ẹkhọhkha ch’Echekhi cha kaam ngaam ttara bọng, ọmaana ọyagbin biphyir.

11 Kaam nsi echekhi nnang bọng bi, ogbe dọk kóde kw’asi an-abira achi ekpo py’erukhi akpen biphyir, ogbe dọk kóde kw’asi abira akhibhi ọyagbin."

13 Kaam nkk’esididibha chaam nhokha k’eboni, ch’éde ẹkhọhkha ch’Echekhi cha kaam ngaam ttara bọng, ọmaana ọyagbin biphyir.

18 Mẹ ewu nda, Ọvaar Ibinọkpaabyi osi echekhi oben Abram bi, "Va pa va pọ bọ, pa kaam ńdọkha irerek nna ttẹwọr k’ọraanga kw’Ijip, maa apyiri k’ọraanga kwa Yupharetes ńnang, bẹ akhaama. 19 Anọng p’arukhi m’irerek nna ade: abaKen, ọmaana abaKeniz, ọmaana abaKadamọn, 20 ọmaana abaHet, ọmaana abaPẹriz, ọmaana abaRephayim, 21 ọmaana abAmọr, ọmaana abaKenaan, ọmaana abaGirgash, ttara abaJẹbus."

3 Mada Abram ọbhaang idik nna, ọrakha ottima itzitzikha k’irerek. Mẹ wọ, Ibinọkpaabyi oben-ẹ bi, 4 "Ma wọ ode odik kwa kaam nchekhi nnang-ọ: kọ áde otte kwa ngọma haabhada. 5 Kaam mbiri ńnang-ọ che ẹbhachẹ, Abram dọk kàkpena, kọ án-akpena Abraham, kw’oyini otte kw’idibhon k’ọhaabh. 6 Kaam ńsọ-ọ abhon va k’ọhaabh, ngọma sa nhaabh-ọhaabh ḿfona ma kọ, ọmaana avaar p’ideden. 7 Kaam ńsi echekhi nda cha kaam ttara kọ ebire ede echekhi cha va pa va pọ, k’igbọ s’ikwu k’ogbe ororo m’ipemanitzor. Kaam ńde Ibinọkpaabyi kwọ, ọmaana Ibinọkpaabyi kwa va pa va pọ. 8 Kaam ńdọkha irek sa Kenaan biphyir sa kọ arukhi mach’okhekhennọng madẹdẹn nnang kọ, ọmaana efona chọ, bọng akhaama sẹ m’ipemanitzor. Kaam wọ ńde Ibinọkpaabyi kwabẹ."

9 Mẹ wọ, Ibinọkpaabyi oben Abraham bi, "Onode kọ, akhaambi ahok echekhi nda chaam, kọ ọmaana va pa va ttara igbọ s’ikwu k’ogbe ororo. 10 Ma wọ ode echekhi cha kaam ttara kọ, ọmaana va pa va pọ, echekhi cha bọng áhok ede bi, ojinọng kpenamkpen kw’owobh ttara bọng ósi ọkpakkọrikkọ. 11 Bọng ási ọkpakkọrikkọ kw’ẹkpakpa, kw’óde ẹkhọhkha ch’Echekhi cha kaam ttara bọng.

5 Okwu opyiri cho ọhawani kwa chi, Kedor-laomer ọmaana avaar mbongo p’abhun for ọmaana kẹ, bẹ akwu arima egbong ọmaana avaarnọng mbongo p’ani dọk akher bi, awobha k’irekh-irek kwẹ. Bẹ akhema ẹkhọma cha Rephayim, ch’ewobh k’okhubha kw’Ashtẹrọt-Karnayim, bẹ abira akhema ẹkhọma cha Zuz ch’ewobh ka Ham, ttara ẹkhọma ch’Ẹm k’okhubha kwa Shavẹ-Kiriyatayim.

5 Mẹ wọ, idikha bọng akhakha eho k’ettem obungichẹ, bọng abira ahok echekhi chaam, k’ottem kw’idibhon biphyir, bọng áde anọng pa kaam nhokhi ettem, kaambi ode bi oyagbin biphyir ọkhaam kaam.

31 "Kaam ńnge nnem sabọng ttẹwọr k’Ẹraanga-khora, maa apyiri k’Ọraanga kw’ideden kw’abaPhilistiya, ọmaana ttẹwọr k’ibe s’anọng an-arukhi, maa apyiri k’ọraanga kwa Euphrates. Kaam ńtte anọng p’arukhi m’irek nna ọbọhk nnang bọng, bọng ákhubh bẹ, bẹ abina bọng k’itzitzikha. 32 Bọng echekhi kasi ttara anọng mba, ọmaana akha pabẹ.

10 Mẹ wọ, Ọvaar Ibinọkpaabyi oben bi, "Kaam na ndọkha echekhi ttara kọ. Anọng pọ biphyir atzima chen pabẹ are íkkokkonidik sa kaam ńsi, sa nindimi minsa k’ẹkhọma manda dani k’ọyagbin biphyir. Anọng p’arukhi ọmaana bọng ábira are ijoradik sa kaam Ọvaar Ibinọkpaabyi ńsi nnang bọng.

28 Wa Mosẹs owobh ttara Ọvaar Ibinọkpaabyi ka nyawu arọbh afa, ọmaana nnungiwu arọbh afa ọchattọhk kochi, asi kobiro ogwo. Ọkkẹr atzim p’ade Echekhi ch’Asana Jobh m’atza-gbẹgbẹri mba.

28 Wa Mosẹs owobh ttara Ọvaar Ibinọkpaabyi ka nyawu arọbh afa, ọmaana nnungiwu arọbh afa ọchattọhk kochi, asi kobiro ogwo. Ọkkẹr atzim p’ade Echekhi ch’Asana Jobh m’atza-gbẹgbẹri mba.

13 Osi ẹjaakhi ch’echekhi chẹ ọnang bọng, ch’ede asana jobh p’ọkkẹri k’atzakpa afa ọnang bọng bi bọng ahok.

9 Bọng nonga bi, Ọvaar Ibinọkpaabyi kw’ode Ibinọkpaabyi kwabọng, wọ ode Ibinọkpaabyi. Kẹ wọ ode Ibinọkpaabyi kw’oni ottotto ọkhaam, kw’om-ohok ch’echekhi chẹ ch’idadaakha s’ọkhaam maa, opyiri nnọhna mfa obhiri arọbh jobh maa, ayong-oyongi, kw’anọng p’akhaam idadaakha ttara kẹ, bẹ abira ahok asana pẹ.

14 Mada anọng mba abin orenga atte ibhingabe ọbọhk bi, bẹ ajekha ọraanga kwa Jọrdan, afọhnẹja p’atzim Ẹkkọhbhi ch’Echekhi atza achi bẹ eden. 15 Wa ọraanga kwa Jọrdan ọm-ọnwa m’ọphagbe biphyir. Kaambi mẹ wọ, afọhnẹja p’atzim Ẹkkọhbhi ch’Echekhi apyiri ma Jọrdan bi kpaar, abari mmo sabẹ m’asi ọkhaan-ọkhaan. 16 Asi akwọbha obhobhobh k’ebira-ebira. Bẹ an-agaangi mach’echumi, ttẹwọr mẹ maa, atza apyiri k’odedenmon kw’okpen Adam, k’ẹkhọma cha Zarẹtan, asi p’irekhirek p’abhobhi atza anwa k’Ọraanga kw’Ideden kw’Araba (kw’ode Ọraanga kw’Ideden kw’Onung) akpaara biphyir-phyir. Ofona mẹ, wa anọng mba ajekha k’okhubha kw’okkeri Jẹriko itzitzikha. 17 Wa afọhnẹja p’atzim Ẹkkọhbhi ch’Ẹchekhi ch’Ọvaar Ibinọkpaabyi abe k’ogbin, m’ottem kw’ọraanga kwa Jọrdan, anọng biphyir p’Israẹl am-arenga m’ogbin ajekha maa, ẹkhọma nda biphyir ejekha.

17 Jehoyada on-osi echekhi ch’Ọvaar Ibinọkpaabyi ọmaana ọvaarnọng, ttara anọng biphyir bi, bẹ ade anọng p’Ọvaar Ibinọkpaabyi. Wa obiro osi echekhi ch’ọvaarnọng ọmaana anọng mba.

3 Mando kw’ọvaarnọng obe ọbaanga ẹkpọmmachi, osi echekhi ebhachẹ k’itzitzikha s’Ọvaar Ibinọkpaabyi bi, kẹ otzima ettem obungichẹ, ọmaana ochibhi kwẹ biphyir ohok asana, ọmaana akpebhi, ttara aphaangi p’Ọvaar Ibinọkpaabyi, ifha osi otzor k’atzim p’echekhi pa bẹ akkẹri ma nnwẹr nwa. Mẹ wọ ofon, anọng mba biphyir achekhi bi, bẹ ahok echekhi nda.

6 Wa ọvaar Joram otzobha arim-egbong p’Israẹl m’ẹbhar-ẹbhar, bẹ arenga achina ka Samariya. 7 Mada oreng k’eden, ọtzọhm ẹkkaabha ochena ọvaar Jehoshaphat kwa Juda, oben bi: "Ọvaarnọng kwa Moab ọkk’ẹkhọhr otzima otzor-m. Na akwu motza orim-ẹ abẹ o?"

Jehoshaphat obhina bi, "Nnh, kaam ọmaana kọ mode wani, arim-egbong paam ade pọ, nnyanyaang saam mbiri nde sọ."

16 Mẹ wọ, wa Jonatan osi echekhi ttara ẹhọhmmọr cha Devid, oben bi, "Tte Ọvaar Ibinọkpaabyi ọnang attattaanga-nọng pa kọ Devid ettuma ch’ẹbaan bẹ." 17 Wa Jonatan oben Devid bi obiro ọtzọkha ọnwọhngi k’idadaakha sa kẹ Devid ọkhaam ttar-ẹ, okhuri da iwa Jonatan, Devid ọdaakh-ẹ macha fọr sa kẹ ọkhaam.

Ehud ode osi-aponga kw’Israẹl

12 Iwa anọng p’Israẹl abira asi ebibya k’itzitzikha s’Ọvaar Ibinọkpaabyi. Okhuri ebibya nda cha bẹ asi, Ọvaar Ibinọkpaabyi ọnang Eglọn kw’ode ọvaarnọng kwa Moab ẹfa ch’ọkhem anọng p’Israẹl. 13 Wa Eglọn oben anọng p’Ammọn ọmaana anọng p’Amalẹk bi, bẹ akwu attar-ẹ ifha bẹ atza arima anọng p’Israẹl abẹ. Wa bẹ atzọkha Odedenmon kw’Aji.*

8 Kẹ Ọvaar Ibinọkpaabyi ọkhaam wọ otzima bọng eden, óbiro ówobha ttara bọng; kẹ bọng ọbọhk kótte, nnam kóbiro ọkpa ọbọra bọng. Tte oningi bọng ojor; ẹfa eningi bọng ẹha."