35 Yesus 'o kanau ra ananga, "Ngoi nena-ne roti ga’a sigasa 'ahu. Ngowa’a ga’a sapolo ra Ngoi, ananga kama sawini riwara re ngowa’a ga’a ngaku Ngoi, ananga manga camala kama dudungu riwara.

27 Awa ngini ni munara pa’i disa ḇato di’a ngo-ngoromo ga’a 'i capati cira. Jobilaha ngini ni munara disa di’a ngo-ngoromo ga’a kama cira ua, re ga’a sigasa toma 'ahu kasingado-ngadolo i’a. Ngo-ngoromo gena-ge Ngoi, Manusia ma Ngowa’a Nau’u, nyengara to pula’a di’a ngini, sababu Ma Jou’ongu Madutu ro sijumu mangale Unanga ro cumutu Ngoi di’a siḏagi munara gena-ge re Ngoi tu sisanangi Unanga."

4 Yesus 'a sangoro, "Toma Boku 'Ofi-'Ofi 'i silefo so’o ne: ‘Manusia wo 'ahu pa’i wo oromo roti ḇato ua, mada’a wo 'ahu ḏi’i, sababu wo mete’e Ma Jou’ongu Madutu 'ai demo-demo mo-moini, ga’a Unanga ro kanau.’ "✝

6 Bara’utungu ngowa’a ga’a 'aḏi nyafusu madutu dadi ngowa’a loasa re banari ra Ma Jou’ongu Madutu 'ai momina,

sababu Ma Jou’ongu Madutu masiretene ḏuanga i’a 'o sitotomo manga mau.✝

33 Mada’a siḏibo ḏi’i, siḏa-siḏa ngini ni makutale dadi ngowa’a loasa re banari re ninga 'ahu mete’e Ma Jou’ongu Madutu sa’olo ninga 'Olana. Ḏua Unanga 'o pula’a 'ori i’a mo-moini ga’a ngini ni paralu.

25 Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: bae 'oru ga’a ni oromo bae 'oru ga’a ni ka’e. Re ḏi’i, awa ni madodato mangale ninga lese: 'Oru ga’a ni pake. Sababu tantu ḏua, ninga 'ahu lebe la-lamo’o i’a reo ngo-ngoromo re lese lebe la-lamo’o i’a reo pakeanga!

2 Mada’a ngini balasu ma tero sa’olo ngowa kiau aro sibuoro tala ga’a nyanyaḏi ḇowisi susu tau-taunu ra ma ngina. So’o gena ḏi’i, ngini balasu nyafusu masala di’a 'isene tau-taunu Ma Jou’ongu Madutu 'ai demo ga’a banari. Na’o ngini ni 'a’a so’o gena, ngini ninga ngo-ngaku ganapu te’e, singadolo enanga gena-ge 'i dadi ti-tiai.

16 Gena ḏua, Yesus 'a 'oro roti ngai romotoa nange-ge re nyao’o ngai ḏiḏi, kara 'O talaḏi ie da’u diwanga re 'O sibere ie murasa ma la ra Ma Jou’ongu Madutu. Ḏua Unanga 'a poti-poti ma roti re 'A sibalangu nyao’o gena-ge, re 'A pula’a i’a Tai me-mete’e, la ananga ya sibalangu toma ngowa’a repe. 17 Ananga mo-moini 'aḏi oromo singadolo 'aḏi wunusu. Togumu i’a, Yesus 'ai me-mete’e ya lomu ngo-ngoromo ma jingianga ya sanga pipigu nyagi moi re romoḏiḏi.

10 Ma Jou’ongu Madutu masiretene 'o pula’a gisisi di’a ngowa’a ga’a siare gisisi re ma hasili di’a ngene wa oromo. So’o gena ḏi’i, Unanga gena-ge 'o pula’a ra ngini 'ori i’a mo-moini ga’a ni paralu re 'a dogo pai-pai’i. Dadi ngini nyengara dogo ni pula’a bu-bula’a toma ngowa’a lelegu.✝

25 Ngowa-ngowa’a ga’a 'aḏi pula’a bu-bula’a lai lamo’o, ḏuanga i’a 'aḏi sanga pai-pai’i,

ngowa’a ga’a 'aḏi nyafusu riono ngowa’a, unanga ḏuanga i’a ngowa’a 'u riono.

24 Demo-demo ga’a 'i sisanangi ma tero sa’olo madu ma ngi’i,

mami toma 'akala re sinyingara re sisanangi toma obo-obongo.

7 Sababu ngene wo sapolo toma dungia nena-ne wo gasa 'ori i’a rimoi ua. So’o gena ḏi’i ngene wo gasa 'ori i’a rimoi i’a ua, na’o wo maḏibo sisoi’i tala dungia. 8 Dadi na’o nanga ngo-ngoromo re pakeanga rema enanga ḏua, gena ḏua.

31 Dadi, 'oru ḇato ngini ni 'a’a - ni oromo bolo ni ka’e - ni si’a’a mo-moini, la ngowa’a 'aḏi silamo’o Ma Jou’ongu Madutu 'ai lomanga.

46 Wange moi-wange moi, ananga 'aḏi malomu ra Ma Jou’ongu Madutu 'ai Wala ma soana. Ananga masibalangu manga roti re 'aḏi oromo mamete’e tamanga wala remanga 'akala re sinyingara ga’a maroanga re maholo, 47 re 'aḏi puji re silamo’o Ma Jou’ongu Madutu tau-taunu. Ngowa’a mo-moini toma limau Yerusalem 'aḏi sanangi toma ngowa-ngowa’a ngaku Yesus manga 'ahu re manga de’oso re ḏegoro. Wange moi-wange moi Ma Jou’ongu Madutu 'a dogo manga nyo-nyoimi ngowa’a ngaku Yesus.

20 Oḏi’i! Ngoi toma de-de’oso taninga ngalana, re to tolo’o. Na’o 'a guna ḇato 'o 'isene 'Ari iḏingi, re 'a welanga ma ngalana, Ngoi ḏuanga i’a to osama ma’u sanga ra unanga, kara ngomi mi oromo mamete’e.

3 Ngowa’a ga’a nyengara oromo 'oru ḇato, awa ngini ni sipake-pake ua ananga ga’a pa’i 'aḏi oromo uge ḇato. So’o gena ḏi’i, ngowa’a ga’a oromo pa’i uge ḇato, awa ngini ni sisala ananga ga’a 'aḏi oromo 'oru ḇato. Sababu ngowa’a gena-ge Ma Jou’ongu Madutu ro dawongo ananga.

16 Sababu gena-ge, awa ni sieanga i’a ngowa’a 'aḏi sisala ngini mangale oromo re ka’e ga’a 'i wosono, bolo sababu ngini ni mete’e ua 'agama ma wangere lamo’o, ngara su-sungi ma laya, bolo Sabata ma wangere.✝ 17 'Agama ma 'atoranga re hukumu mo-moini gena-ge enanga 'i ma tero sa’olo guḏumingi ra Kristus, ga’a ḏuanga i’a 'O sapolo. Mada’a Unanga gena-ge ro sapolo re Ro gasa salamata ra ngene.

3 Unanga mau 'o doto’o ananga di’a 'aḏi sigare ngo-ngaku ra Unanga rema duhu so’o ne: Unanga 'o sieanga i’a ananga 'aḏi dadi sawini kara 'O pula’a manna sa’olo manga ngo-ngoromo ga’a ngini bolo ananga ninga ya nana’o nyangu. Ma JOU 'o si’a’a so’o gena di’a doto’o ananga gena-ge mangale manusia wo 'ahu pa’i wo oromo roti ḇato ua, mada’a wo 'ahu ḏi’i, sababu wo mete’e Ma Jou’ongu Madutu 'ai demo-demo mo-moini.✝

9 Ngini ni oromo nyengara nyao’o mo-moini ga’a rema ḇe-ḇero re ma dungi’i. 10 Haiwani ga’a 'ahu toma ḇanyo mada’a ma ḇuḇutu 'i cua re ma dungi’i 'i cua; enanga gena-ge 'i dadi najis di’a ngini.