Alma: o que é e qual o seu significado na Bíblia

1 Dogu mouli nei, hagaamuina Dimaadua!

Dogu huaidina nei, hagaamuina dono ingoo haga madagu!(Psalm 103:1)

1 Meenei God, Goe di God ni oogu, gei au e hidihidi i di Goe.

Dogu huaidina mo dogu hagataalunga hagatau e hiihai huoloo adu gi di Goe,

e hai gadoo be tenua ne maangoo deai ono wai ai.(Psalm 63:1)

11 Au e manawa gee huoloo beleiaha?

Au e de nnoomaalia huoloo beleiaha?

Ge deeai, au ga hagadagadagagee hua gi God,

gei au ga hagaamu labelaa a Mee,

dela go dogu Dangada Hagamouli mo dogu God.(Psalm 42:11)

1 Au e noho deemuu e talitali gi God gi haga dagaloaha au,

deelaa hua go Mee dela e hagadagadagagee ginai au.(Psalm 62:1)

5 Au e talitali huoloo di hagamaamaa a Dimaadua.

Au e hagadagadagagee gi nia helekai a Maa.(Psalm 130:5)

23 Au ga wolowolo mo di tenetene

i dogu madagoaa ma gaa hai agu gatangi adu gi di Goe.

Dogu huaidina hagatau ga daahili, idimaa Goe dela ne haga dagaloaha au.(Psalm 71:23)

7 Nnaganoho o Dimaadua le e humalia huoloo,

e hagamaaloo aga haga hoou nia manawa o nia daangada.

Nia helekai a Dimaadua le e humalia e mee di hagadagadagagee ginai,

e haga kabemee digau ala hagalee kabemee.(Psalm 19:7)

13 Goe ne hai nia mee huogodoo o dogu huaidina,

gei Goe ne haga noho au i lodo tinae o dogu dinana.

14 Au e hagaamu Goe i doo hai au hagahumalia ge haga goboina,

au mee huogodoo ala e hai le e haga goboina gei e humalia huoloo.

Au gu iloo eau di mee deenei mai i lodo dogu manawa hagatau.(Psalm 139:13,14)

2 Meenei Dimaadua, haga dagaloaha ina au gi daha mo digau hai kai tilikai,

mo digau halahalau dangada.(Psalm 120:2)

26 Di humalia aha e kae go tangada maa ia ga hai mee gi henuailala hagatau, nomuli ga de gidee dono mouli? Hagalee, ma di mee i golo e dahidamee i do mouli?(Matthew 16:26)

37 Jesus ga helekai,

"‘Aloho i Dimaadua, go doo God,

aga i lodo do manawa hagatau,

mo do mouli hagatau,

mo au hagamaanadu huogodoo.’ ✝(Matthew 22:37)

28 Hudee mmaadagu i digau ala e daaligi tuaidina, gei e deemee di daaligi di mouli. Gei goodou gi mmaadagu i God dela e mee di daaligi tuaidina mo di mouli i lodo di gowaa hagaduadua dee odi.(Matthew 10:28)

29 Goodou ga huli mai gi Dimaadua di godou God i nia gowaa aalaa. Maa goodou ga halahala a Mee mai i lodo godou manawa madammaa, mo godou mouli hagatau, gei goodou ga gidee a Mee.✝(Deuteronomy 4:29)

5 Goodou gi langahia e goodou gi daudalia nnaganoho ala ne hagi adu go Moses gi goodou: Aloho i Dimaadua, go di godou God, hagakila ina aga ana hiihai, daudalia ana helekai, gi manawa dahi gi Mee, hai hegau gi Mee mai i lodo godou manawa hagatau mo godou mouli hagatau."(Joshua 22:5)

14 "Dolomeenei gei dogu madagoaa e made iei au guu dae mai. Goodou huogodoo gu iloo i lodo godou manawa mo i lodo godou mouli bolo Dimaadua, go di godou God, la gu gowadu nia mee humalia huogodoo ala ne hagababa adu gi goodou. Ana hagababa ne hai gu haga kila aga huogodoo, hagalee di mee digi heia ai.(Joshua 23:14)

13 Goodou ga halahala mai Au, gei goodou ga gidee goodou Au, idimaa goodou ga halahala mai Au mai i lodo godou manawa hagatau.✝(Jeremiah 29:13)

16 Dimaadua ga helekai gi ana daangada, "Goodou hula, tuu i di gowaa dela e heetugi ai nia ala, gaa mmada. Heheeu be nia ala namua la i hee, ge dehee di ala koia e humalia. Taele i nonua, gei goodou ga mouli i di aumaalia."

Gei digaula ga helekai, "Deeai, gimaadou hagalee hiihai e taele i di ala deelaa!"(Jeremiah 6:16)

24 Nnelekai dumaalia e hai be nia meegai lodo henua maangala, e maangala ma gaa momi, e humalia gi do huaidina.(Agoago Podo 16:24)

2 Dogu ihoo hagaaloho nei, au e dalodalo gii gila goe i nia hagadilinga mee huogodoo, ge gi maaloo labelaa goe, gadoo be do maaloo i baahi di hagataalunga.(3 John 1:2)