Alma: o que é e qual o seu significado na Bíblia

1 Dapat dayawon ko gid ang Ginoo.

Dayawon ko ang iya pagkabalaan* sa bilog ko nga pagkatawo.(Salmo 103:1)

1 O Dios, ikaw ang akon Dios.

Ginapangita ko gid ikaw.

Nauhaw ang akon bilog nga kabuhi sa imo,

pareho nga nauhaw ako samtang ara ako sa mamala nga duta nga wala gid sing tubig.(Salmo 63:1)

11 Ngaa bala nga nagapangasubo kag nagakatublag gid ako?

Dapat magsalig ako sa imo kag dayawon ko ikaw liwat, ikaw nga akon manluluwas kag Dios.(Salmo 42:11)

1 Sa Dios lang ako may kapahuwayan;

ang akon kaluwasan nagahalin sa iya.(Salmo 62:1)

5 Nagahulat gid ako sa imo, Ginoo,

kag nagasalig ako sa imo pulong.(Salmo 130:5)

23 Magahugyaw ako sa kalipay samtang nagakanta ako sang mga pagdayaw sa imo

tungod kay ginluwas mo ako.(Salmo 71:23)

7 Ang kasuguan sang Ginoo wala sing sala.

Nagapabaskog ini sang aton kabuhi.

Ang mga pagpanudlo sang Ginoo masaligan

kag nagahatag sang kaalam sa mga wala sing alam.(Salmo 19:7)

13 Kilala mo ako kay ikaw ang naghimo sang akon bilog nga kabuhi.

Ikaw ang nagporma sa akon sa tiyan sang akon iloy.

14 Ginadayaw ko ikaw kay makatilingala gid ang paghimo mo sa akon.

Makatilingala ang imo mga binuhatan, kag nahibaluan ko gid ina.(Salmo 139:13,14)

2 Ginoo, luwasa ako sa mga butigon kag mga dayaon.(Salmo 120:2)

26 Ano gid bala ang makuha sang tawo kon maangkon niya ang tanan nga butang diri sa kalibutan, pero mawala ang iya kabuhi? Wala gid! Kay wala gid sang butang nga sarang niya mahatag para mapabalik niya ang iya kabuhi.(Mateo 16:26)

37 Nagsabat si Jesus sa iya, " ‘Higugmaon mo ang Ginoo nga imo Dios sa bug-os mo nga tagipusuon, sa bug-os mo nga kalag, kag sa bug-os mo nga hunahuna.’*(Mateo 22:37)

28 Indi kamo magkahadlok sa mga tawo nga makapatay sa inyo lawas pero indi makapatay sa inyo kalag. Ang Dios amo ang dapat ninyo kahadlukan, tungod nga siya ang sarang makalaglag sa inyo lawas kag sa inyo kalag sa impyerno.(Mateo 10:28)

29 Pero kon magpangita kamo didto sa Ginoo nga inyo Dios, makita ninyo siya kon pangitaon ninyo siya sa bug-os ninyo nga tagipusuon.(Deuteronomio 4:29)

5 Pero indi gid ninyo pagkalimtan nga tumanon ang mga sugo kag mga pagpanudlo nga ginhatag sa inyo ni Moises nga alagad sang Ginoo. Higugmaa ninyo ang Ginoo nga inyo Dios, magkabuhi kamo sa iya mga pamaagi, tumana ang iya mga sugo, magmatutom sa iya, kag alagara siya sa bug-os ninyo nga tagipusuon kag kalag."(Josue 22:5)

14 "Dali na lang ako mapatay. Nahibaluan ninyo sa bug-os ninyo nga tagipusuon kag kalag nga gintuman sang Ginoo nga inyo Dios ang tanan nga maayo nga mga butang nga iya ginpromisa sa inyo. Wala gid sing bisan isa nga wala natuman.(Josue 23:14)

13 Kon magadangop kamo sa akon sing tinagipusuon, buligan ko kamo.(Jeremias 29:13)

16 Amo pa gid ini ang ginasiling sang Ginoo: "Magtindog kamo sa ginsang-an sang mga dalan kag mag-usisa sing maayo. Magpamangkot kamo kon diin ang daan kag maayo nga alagyan, kag didto kamo mag-agi. Kag makaangkon kamo sang kalinong. Pero nagsiling kamo, ‘Indi kami mag-agi dira.’(Jeremias 6:16)

24 Ang matam-is nga mga pulong pareho sa honey; makapalipay kag makapabaskog ini sa kabuhi sang tawo.(Hulubaton 16:24)

2 Hinigugma, kabay pa nga maayo ang imo lawas kag ang imo kahimtangan dira, subong nga nahibaluan ko nga maayo ang imo espiritual nga kahimtangan.(3 Juan 1:2)