Alma
A alma é a parte mais íntima do ser humano — sede da vida, dos afetos e do encontro com Deus. A Bíblia convida a cuidar da alma com zelo e a aquietá-la diante do Senhor.
A alma diante de Deus
Bendize ao Senhor, ó minha alma! A alma suspira por Deus como a corça suspira pelas águas — com sede de eternidade.
!Oltaem mi mi mas presem Hae God!
!Long olgeta laef blong mi,
mi mas presem tabu nem blong hem!
God.
Yu yu God blong mi.
Mi mi wantem tumas
blong yu yu stap oltaem
long laef blong mi.
Taem yu yu no stap,
mi mi harem we laef blong mi
i olsem graon we i no moa gat wota nating long hem,
i drae we i drae,
i no moa gud blong wan samting,
nao from samting ya,
mi mi wantem yu tumas.
?From wanem mi mi sore tumas olsem?
?From wanem tingting blong mi i trabol tumas?
Bambae mi putum tingting blong mi
i stap long yu nomo,
mo bakegen,
bambae mi stap presem yu
we yu yu God blong mi,
yu sevem mi.
Oltaem mi mi putum tingting blong mi
i stap long God nomo,
nao mi save mekem tingting blong mi i longfala,
mi save wet longtaem
blong hem i sevem mi.
Hae God i Masta blong mi,
mo mi mi stap wet long hem.
Mi wantem tumas blong hem i givhan long mi,
mo mi putum tingting blong mi
i stap long tok blong hem.
Mi mi wantem tumas blong luk hem,
i winim we wajman long naet
i wantem luk delaet i kamtru.
I tru, mi wantem moa,
i winim we wajman long naet,
i wantem luk delaet i kamtru.
Bambae mi stap singsingaot
from we mi mi glad,
bambae mi stap singsing long olgeta tingting blong mi,
from we yu yu sevem mi.
Loa* blong Hae God i stret gud,
mo i stap givim niufala paoa long yumi.
Ol tok we Hae God i putum,
yumi save bilif long hem,
mo i stap givim waes long olgeta
we oli no waes.
Taem mi stap yet long bel blong mama blong mi,
yu yu mekem evri haf blong bodi blong mi,
mo yu mekem olgeta oli joen gud.
Yu yu mekem mi
long fasin we i narafala,
mo i nambawan olgeta.
Mi mi ona long yu,
mo mi presem nem blong yu from.
Olgeta samting we yu yu mekem
oli gud we i gud tumas.
Samting ya,
mi mi save we mi savegud.
Mi talem se, "Hae God,
plis yu blokemgud mi
blong ol man blong giaman mo ol man blong mekem trik
oli no save spolem mi."
Cuidar da alma
Que aproveita ao homem ganhar o mundo inteiro e perder a sua alma? Buscar a Deus de toda alma é o caminho da vida.
?Sipos wan man i kasem olgeta samting blong wol, be i lusum laef blong hem, hem bambae i save winim wanem? Sipos laef blong man i lus, bambae hem i no save givim wan samting nating long God blong pembak laef blong hem bakegen.
Nao Jisas i talem long hem se, " ‘Yu mas lavem Hae God* ya we i God blong yu long olgeta hat blong yu, mo long olgeta laef blong yu, mo long olgeta tingting blong yu.’
"Bambae yufala i no fraet long olgeta ya we oli save kilim yufala i ded, be oli no save kilim spirit blong yufala. Yufala i mas fraet long God, we hem nomo i gat raet blong mekem bodi mo spirit blong yufala, tufala i lus wantaem long hel*.
Be Hae God i God blong yumi, mo sipos yufala i stap long ol narafala kantri olsem, nao yufala i stap lukaot hem, mo yufala i lukaot hem long olgeta tingting blong yufala, bambae yufala i save faenem hem.
Taem yufala i go, yufala i no mas foget blong obei long ol tok ya we Moses i putum long yumi, we hem i talem se Hae God i God blong yumi, mo yumi mas lavem hem long olgeta tingting blong yumi. Yumi mas mekem ol samting we hem i wantem, mo yumi mas obei long ol tok we hem i putum. Tingting blong yumi i mas stap strong long hem oltaem, mo long olgeta laef blong yumi, yumi mas mekem ol wok blong hem long gladhat blong yumi."
"Bambae i no longtaem, mi mi ded. Yufala evriwan i savegud long tingting blong yufala we Hae God ya i givim ol gudgudfala samting ya long yumi, stret olsem we hem i promes bifo finis. Olgeta promes ya blong hem, hem i mekem oli kamtru evriwan, i no gat wan promes nating i stap we i no kamtru.
Sipos yufala i lukaot mi long olgeta tingting blong yufala, bambae yufala i save faenem mi.
Mo Profet Jeremaea i gohed i talemaot we Hae God i talem se, "Olgeta. Mi mi talem long yufala, se yufala i go stanap long ples we ol rod i joen long hem, mo yufala i traem askem long ol man se, ‘?Ol rod ya we i blong bifo, weswan long olgeta i gudfala rod blong folem?’ Mo taem oli soemaot wan rod long yufala, be rod ya nao, bambae yufala i wokbaot long hem, nao yufala i save stap gud, we yufala i gat pis long laef blong yufala.
"Be yufala i girap, yufala i talem se, ‘!No! !Mifala i no wantem go!’
Man we i kaen gud, tok blong hem i olsem gudfala kakae. Taem man i kakae, hem i harem i swit, mo i mekem bodi blong hem i strong.
Fren. Mi mi save finis we laef blong yu long fes blong God i stap gud. Mo mi stap prea se bambae laef blong yu i gohed gud long evri samting, mo bambae yu stap gud, yu no sik.