24 Adunay panaghigalaay nga dili molungtad,

apan aduna usab panaghigalaay nga mas suod pa

kaysa managsoon.

17 Ang higala naghigugma kanimo sa tanang panahon,

ug ang kadugo motabang kanimo

sa panahon sa kalisdanan.

9 Ang pahumot ug ang insenso makapalipay sa tawo,

ingon man ang sinsero nga tambag gikan sa usa ka higala.

17 Maingon nga ang puthaw mopahait sa puthaw,

ang tawo makakat-on usab sa iyang isigka-tawo.

5 Mas maayo pa nga badlongon mo ang usa ka tawo

kaysa moingon ka nga ginahigugma mo siya apan wala mo lang tagda.

6 Ang sakit nga pagbadlong sa usa ka higala adunay maayong katuyoan,

apan ang halok sa kaaway dili kasaligan.

10 Ayaw kalimti ang imong higala,

o ang higala sa imong amahan.

Ug kon anaa ka sa kalisod,

ayaw na pangayog tabang

sa imong igsoon* nga atua sa layo.

Ang suod nga isigka-ingon mas maayo pa

kaysa igsoon nga atua sa layo.

20 Kon makig-uban ka sa mga maalamon,

mahimo ka usab nga maalamon,

apan kon makig-uban ka sa mga buang-buang,

mag-antos ka.

24 Ayaw pakighigala sa tawong daling masuko,

25 kay basig mapareho ka kaniya,

ug maghatod kini kanimo sa kadaotan.

6 Daghan ang moingon nga maayo silang tawo,

apan anaa ba kanilay masaligan?

4 Ang adunahan daghag higala,

apan ang kabos biyaan sa iyang mga higala.

13 Kon adunay tawo nga magpakamatay alang sa iyang mga higala, kana nga paghigugma dili na gayod malabwan. 14 Mga higala ko kamo kon tumanon ninyo ang akong mga sugo. 15 Dili ko kamo tawgon nga mga sulugoon, kay ang sulugoon wala masayod kon unsa ang gibuhat sa iyang agalon. Tawgon ko na kamo karon nga akong mga higala, kay kon unsa ang akong nadungog gikan sa akong Amahan mao usab ang akong gisulti kaninyo.

12 Mao kini ang akong sugo: paghigugmaay kamo sama sa akong paghigugma kaninyo. 13 Kon adunay tawo nga magpakamatay alang sa iyang mga higala, kana nga paghigugma dili na gayod malabwan.

11 Mga hinigugma, kon mao kini ang paghigugma sa Dios kanato, kinahanglan usab nga kita maghigugmaay. 12 Wala pa gayoy tawo nga nakakita sa Dios. Apan kon maghigugmaay kita, ang Dios magpabilin dinhi kanato ug ang iyang gugma mahingpit dinhi kanato.

16 Sama niini nga pamaagi mahibaloan nato ang tinuod nga gugma: Gihatag ni Jesu-Cristo ang iyang kinabuhi alang kanato. Busa kita angay usab nga magpakamatay alang sa atong mga igsoon. 17 Kon hamugaway ang atong kinabuhi apan wala kita motabang bisan nakita nato nga naglisod ang atong igsoon, makaingon ba kita nga ang gugma sa Dios ania kanato? 18 Mga Pinalangga kong anak, dili lang kita magsulti nga nahigugma kita, kondili ipakita nato sa atong mga binuhatan nga tinuod ang atong paghigugma.

23 Napamatud-an ang giingon sa Kasulatan, "Mituo si Abraham sa Dios, ug tungod sa iyang pagtuo, giisip siya sa Dios nga matarong."* Gitawag pa gani siya nga higala sa Dios.

10 Isip managsoon kang Cristo maghinigugmaay gayod kita, ug magtinahoray sa usag usa.

9 Mas maayo ang adunay kauban kaysa mag-inusara,

kay mas mahimong mapuslanon ang ilang trabaho.

10 Kon matumba ang usa matabangan kini sa iyang kauban.

Apan alaot ang nag-inusara kon matumba

kay walay makatabang kaniya.

1 Pagkamaayo ug pagkaanindot

kon ang katawhan sa Dios magpuyo nga adunay panaghiusa.

2 Sama kini sa mahalong lana nga gidihog sa ulo ni Aaron,

nga midagayday sa iyang bangas ug ngadto sa kuwelyo sa iyang bisti.

3 Sama usab kini sa yamog sa Bukid sa Hermon

nga naabot sa mga bukid sa Zion.*

Ug dinhi sa Zion misaad ang Ginoo sa paghatag sa panalangin,

nga mao ang kinabuhi nga walay kataposan.

63 Higala ako sa tanan nga nagtahod kanimo

ug nagtuman sa imong mga tulomanon.

3 Naghimo si Jonatan ug pakigsaad kang David nga mag-inunongay sila hangtod sa kahangtoran, tungod kay gimahal niya kaayo si David sama sa pagmahal niya sa iyang kaugalingon.

33 Ayaw kamo pailad panglingla*, tungod kay: "Makadaot sa maayong pamatasan ang pagpakig-uban sa mga tawo nga daotan."