Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
जेकर संगीमन भरोसा के लईक नो हंय, ओह जल्दी नास हो जाथे,
पर अइसे घलो संगी होथे, जऊन ह भाई ले घलो जादा नजदीक होथे।
संगवारी ह हर समय मया करथे,
अऊ एक भाई ह बिपत्ति के बेरा म काम आथे।
इतर अऊ खुसबूदार धूप ह मन ला आनंदित करथे,
अऊ कोनो संगी के हिरदय ले निकले सलाह ह
ओकर खुसी ला देखाथे।
जइसने कि लोहा ह लोहा ला तेज करथे,
वइसने ही एक मनखे ह दूसर मनखे ला तेज बनाथे।
खुला डांट ह
छुपे मया ले बने अय।
कोनो संगी के चोट पहुंचई के भरोसा करे जा सकथे,
पर कोनो बईरी के बहुंत चूमा ला घलो भरोसा नइं करे जा सकय।
अपन संगी या अपन परिवारिक संगी ला झन छोंड़बे,
अऊ अपन बिपत्ति के बेरा अपन रिस्तेदार के घर झन जाबे—
लकठा म रहइया परोसी ह दूरिहा म रहइया रिस्तेदार ले बने अय।
बुद्धिमान के संगति कर, त तें घलो बुद्धिमान हो जाबे,
काबरकि मुरूख के संगी ला हानि उठाना पड़थे।
कहावत 3
गुस्सैल मनखे ला संगी झन बनाबे,
अऊ जल्दी गुस्सा होवइया के संग संगति झन करबे,
नइं तो तेंह ओमन के चालचलन ला सीख जाबे
अऊ अपनआप ला फांदा म फंसा लेबे।
बहुंते जन सही मया करे के दावा करथें,
पर एक बिसवासयोग्य मनखे कोन पा सकथे?
धनी मनखे के बहुंत संगी बन जाथें,
पर गरीब मनखे के खास संगी घलो ओला छोंड़ देथे।
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
एकर ले बड़े मया अऊ काकरो नइं ए कि कोनो मनखे अपन संगवारीमन बर अपन परान देवय। जऊन हुकूम मेंह देवत हंव, ओला यदि तुमन मानव, त तुमन मोर संगवारी अव। अब ले मेंह तुमन ला सेवक नइं कहंव, काबरकि सेवक ह नइं जानय कि ओकर मालिक ह का करथे। पर मेंह तुमन ला संगवारी कहे हवंव काबरकि जऊन कुछू मेंह अपन ददा ले सुनेंव, ओ जम्मो बात तुमन ला बता दे हवंव।
मोर हुकूम ये अय: जइसने मेंह तुमन ला मया करे हवंव, वइसनेच तुमन घलो एक-दूसर ले मया करव। एकर ले बड़े मया अऊ काकरो नइं ए कि कोनो मनखे अपन संगवारीमन बर अपन परान देवय।
हे मयारू संगवारीमन हो, जब परमेसर ह हमर ले अइसने मया करिस, त हमन ला घलो एक-दूसर ले मया करना चाही। परमेसर ला कभू कोनो नइं देखे हवंय; पर यदि हमन एक-दूसर ले मया करन, त परमेसर ह हमन म रहिथे अऊ ओकर मया ह हमन म पूरा हो जाथे।
मया के मतलब ला हमन अइसने जानथन: यीसू मसीह ह हमर खातिर अपन जिनगी ला दे दीस। अऊ हमन ला घलो अपन भाईमन खातिर अपन जिनगी ला देना चाही। यदि काकरो करा संसार के संपत्ति हवय अऊ ओह देखथे कि ओकर भाई ला कोनो चीज के जरूरत हवय, पर ओकर ऊपर दया नइं करय, त परमेसर के मया ओमा नइं रह सकय। हे लइकामन हो, आवव, हमन सिरिप अपन गोठ अऊ मुहूं ले ही मया नइं करन, पर अपन काम अऊ सत के दुवारा घलो मया करन।
अऊ परमेसर के ये बचन ह पूरा होईस, "अब्राहम ह परमेसर के ऊपर बिसवास करिस अऊ ये बात ह ओकर बर धरमीपन गने गीस," अऊ ओला परमेसर के संगवारी कहे गीस।
भाई-चारा के मया करत एक-दूसर बर समरपित रहव। एक-दूसर ला अपन ले बढ़के आदर देवव।
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
एक ले दू झन बेहतर होथें,
काबरकि ओमन ला ओमन के मेहनत के बेहतर परतिफल मिलथे।
कहूं ओमन ले एक झन ह गिर जावय,
त दूसर ह ओला उठे म मदद करथे।
पर ओकर ऊपर तरस आथे, जऊन ह गिरथे
अऊ ओला उठे म मदद करे बर कोनो नइं रहंय।
येह कतेक बने अऊ खुसी के बात होथे
जब परमेसर के मनखेमन एकता बनाके एक संग रहिथें!
येह अइसने ए, मानो कीमती तेल ला मुड़ म डाले गीस,
जऊन ह दाढ़ी तक बहत हे,
हव, खाल्हे हारून के दाढ़ी म बहत,
ओकर कपड़ा के कालर तक पहुंच जाथे।
येह ओकर सहीं ए, मानो हेरमोन के ओस ह
सियोन पहाड़ ऊपर गिरत हे।
काबरकि ओह ओ जगह ए, जिहां यहोवा ह
हमेसा बर अपन आसीस अऊ जिनगी देथे।
मेंह ओ जम्मो के संगवारी अंव, जऊन मन तोर भय मानथें,
ओ जम्मो जऊन मन तोर नियम म चलथें।
अऊ योनातन ह दाऊद के संग एक करार करिस, काबरकि ओह ओला अपन परान सहीं मया करत रिहिस।
धोखा झन खावव: "खराप संगति ह बने चालचलन ला नास कर देथे।"