Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
कई साथी करा एकी-दुजै बरैबाद,
पर असली साथी रहा तेऊ संघै आपणैं सक्कै भाई का बी खास्सअ मिल़ी-ज़ुल़ी।
साथी रहअ सदा साथी,
ज़ेभै आफ़त पल़ी, तेभै च़ोरा रिश्तैदार बी मुंह।
ज़ेही धूपे शोभली बास्स बधिया लागा,
तिहअ ई हआ असली साथी करै दिल खुश।
ज़िहअ लोहअ ई लोहै तिछै करा,
तेही दैआ साथी-संघी एकी-दुजै लै अक्ल।
ज़ुंण तम्हां लै असली झ़ूरी डाहा,
सह नैरा-समझ़ाऊआ मुंहैं बोली।
साथी-संघी सका तम्हां लै काठअ बी बोली, सह आसा तम्हां लै भलअ,
पर दुशमण ज़ै तम्हां लै मल़्हैची दैए, तेतो डाहै धैन!
आपणैं अर आपणैं बाबे साथी-संघी डाहणैं सदा आद।
नां खरीए पलका आपणैं नातै-रिश्तैदारा का मज़त मांगणी,
किल्हैकि ज़िधी नेल़ रहणैं आल़अ साथी-संघी लागा,
तिधी निं दूर रहणैं आल़ै रिश्तैदार कामैं एछदै।
ज़ुंण अक्ली आल़ै मणछे संगत करा, तेऊ संघै एछा तेऊ आप्पू बी अक्ल,
पर ऐडै मणछे संगत पाआ आफ़ता दी।
2
रोश्शा आल़ै मणछे संगत निं करी,
ज़ुंण धखी प्राचदअ शाचा।
इहअ निं हआ कि तेऊ का तूह बी इहअ ई शिखल़े
अर तेरी ज़िन्दगी बी हणीं फाही।
कई मणछ फिरा आपणैं बारै इहअ खोज़दै कि तिंयां आसा शुचै-पाक्कै,
पर इहअ थोघ कुंण सका लाई कि कुंण आसा शुचअ-पाक्कअ?
सेठ मणछे हआ कई साथी-संघी,
पर गरीबी भाल़ी डेओआ साथी बी आपणीं बाता।
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
एता का खास्सी झ़ूरी निं कोहिए आथी कि कोई आपणैं साथी लै ज़ान दैए। ज़ै तम्हैं ज़िहअ हुंह बोला तिहअ ई करे, तै आसा तम्हैं मेरै साथी।
"एभा पोर्ही निं हुंह तम्हां लै दास बोल्दअ, किल्हैकि दासा का निं थोघ हंदअ कि तेऊओ मालक किज़ै करा। पर मंऐं बोलअ तम्हां लै साथी इहअ करै कि मंऐं ज़ुंण गल्ला आपणैं बाब परमेशरा का शूणीं, तिंयां खोज़ी मंऐं सोभ तम्हां का।
"मेरअ हुकम आसा अह कि ज़ेही झ़ूरी मंऐं तम्हां लै किई, तेही झ़ूरी करा तम्हैं आप्पू मांझ़ै एकी-दुजै संघै। एता का खास्सी झ़ूरी निं कोहिए आथी कि कोई आपणैं साथी लै ज़ान दैए।
मेरै पैरै भाईओ, ज़ै परमेशरै हाम्हां संघै एही झ़ूरी किई, तै लोल़ी हाम्हैं बी आप्पू मांझ़ै झ़ूरी किई। परमेशर निं कधू कोही भाल़अ, पर ज़ै हाम्हैं आप्पू मांझ़ै झ़ूरी डाहे, परमेशर बस्सा हाम्हां दी अर तै हआ तेऊए झ़ूरी हाम्हां दी पाक्की।
हाम्हैं समझ़ी झ़ूरी इहअ करै कि तेऊ प्रभू दैनै म्हारी तैणीं आपणैं प्राण बी। इहअ ई लागा हाम्हां बी आपणैं भाई-बंधा लै हर गल्ला लै तैर रहणअ च़ाऐ हाम्हां मरनअ बी किल्है निं पल़े। पर ज़ै कहा का संसारे ज़ैदात होए अर आपणैं भाई नांगअ भुखअ भाल़ी तेऊ लै झींण नांईं करे, तेऊ दी किहअ करै सका परमेशरे झ़ूरी बस्सी।
ए लान्हैंओ, म्हारी झ़ूरी निं लोल़ी सिधी गल्ला करनै दी रही, पर हाम्हैं लोल़ी भलै काम अर सत्ता दी रही झ़ूरी किई।
पबित्र शास्त्रो अह बैण हुअ पूरअ, "आबरामै किअ परमेशरा दी विश्वास अर तेऊ शूणअ तिहअ ज़िहअ तेऊ बोलअ अर अह गणअ तेऊ लै धर्म इधी तैणीं कि तेऊ लै बोलअ परमेशरो साथी।"
एकी-दुजै संघै डाहा एही झ़ूरी कि तम्हैं आसा आप्पू मांझ़ै एक टबर, आप्पू मांझ़ै अदर करना लै रहा एकी-दुजै लै आजू।
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी। ज़ै तिन्नां मांझ़ै एक ज़ण्हअ धरनीं पल़े, दुजअ सका तेऊ खल़अ झ़ैऊई। पर ज़ै कुंण कल्ही ज़ण्हअ धरनीं पल़े, तेऊ लै हणीं आफ़त अर तेऊए मज़त कुंणी लाई करी?
बिधाते परज़ा लागा मिल़ी-ज़ुल़ी करै रहणअ
सह भाल़ केही शोभली अर भली गल्ल आसा कि
बिधाते परज़ा रहा आप्पू मांझ़ै मिल़ी-ज़ुल़ी करै।
अह गल्ल हणीं तेऊ जैतूने किम्मती तेला ज़ेही
ज़ुंण तेल हारण प्रोहते मुंडै तरैल़अ त,
अर तेऊए दाल़्ही बाती उंधै लागी ती तेते ट्रिहुंणीं च़ोल़े पाल्लै तैणीं।
अह हणीं हर्मोन धारा ओशा ज़ेही,
ज़ुंण सियोन धारा पल़ा।
ज़हा ज़ैगा का बिधाता लोगा लै बर्गत दैणा लै बोलअ त,
कि तम्हां लै दैंऊं एही ज़िन्दगी ज़ुंण कधि खतम निं हणीं।
हुंह डाहा तिन्नां संघै साथ संगत ज़ुंण तेरी डरा हेठै रहा
अर तेरअ बधान मना।
जोनातान झ़ूरा त दाबेदा लै खास्सअ अर तिन्नैं ती आप्पू मांझ़ै करार किई दी कि तिन्नां निं आपणीं साथ कधि चोल़णी।
ज़ुंण लोग एही गल्ला करा तिन्नां मणछे गल्ला मनी निं ऐडै बणी, "कदुष्ट मणछा संघै साथ करा भलै मणछा बूरै।"