Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
నమ్మదగని స్నేహితులను కలిగి ఉన్నవాడు త్వరలోనే పతనానికి సమీపిస్తాడు,
కాని ఒక స్నేహితుడు ఉన్నాడు సోదరుడి కంటే దగ్గరగా అంటిపెట్టుకుని ఉండేవాడు.
నిజమైన స్నేహితుడు విడువక ప్రేమిస్తాడు,
ఆపదల్లో అట్టి వాడు సహోదరునిగా ఉంటాడు.
అత్తరు ధూపం హృదయానికి సంతోషం కలిగిస్తాయి,
స్నేహితుని వల్ల కలిగే వినోదం
వారి హృదయపూర్వక సలహా ద్వార వస్తుంది.
ఇనుము చేత ఇనుము పదునైనట్లు
ఒక మనుష్యుడు మరొక మనిషి వాడిగా చేస్తాడు.
అంతరంగంలో ప్రేమించడం కంటే
బహిరంగంగా గద్దించడం మేలు.
స్నేహితుడు కలిగించే గాయములు నమ్మదగినవి,
కాని పగవాడు లెక్కలేని ముద్దులు పెట్టును.
నీ స్నేహితులను గాని నీ కుటుంబ స్నేహితులను గాని విడచిపెట్టకు,
నీకు ఆపద కలిగిన రోజున నీ సహోదరుల ఇంటికి వెళ్లకు,
దూరంలో ఉన్న సహోదరుల కంటే దగ్గర ఉన్న పొరుగువాడు మేలు.
జ్ఞానులతో స్నేహం చేసేవారు జ్ఞానులవుతారు
బుద్ధిలేనివారితో స్నేహం చేసేవారు చెడిపోతారు.
కోపిష్ఠియైన వ్యక్తితో స్నేహం చేయవద్దు,
ఊరకనే కోప్పడే వ్యక్తితో సహవాసం చేయవద్దు,
నీవు వాని మార్గాలను అనుసరించి
నీ ప్రాణానికి ఉరి తెచ్చుకుంటావేమో.
తమకు ఎడతెగని ప్రేమ ఉందని చాలామంది చెప్పుకుంటారు,
కానీ నమ్మకమైన మనుష్యులు ఎవరికి కనబడతారు?
డబ్బుగల వానికి స్నేహితులు ఎక్కువగా ఉందురు,
పేదవాడు తన స్నేహితులను పోగొట్టుకుంటాడు.
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
ఒకడు తన స్నేహితుని కోసం ప్రాణం పెట్టే ప్రేమకంటే గొప్ప ప్రేమ లేదు. నా ఆజ్ఞల ప్రకారం మీరు చేస్తే మీరు నా స్నేహితులు అవుతారు. నేను మిమ్మల్ని సేవకులని ఇక పిలువను. ఎందుకంటే ఏ సేవకునికైనా తన యజమానుడు చేసే పనులు తెలియవు. నేనైతే మిమ్మల్ని స్నేహితులనే పిలుస్తున్నాను. ఎందుకంటే నేను నా తండ్రి నుండి విన్న విషయాలన్నిటిని మీకు తెలియజేశాను.
నేను ఇచ్చే ఆజ్ఞ ఇదే: నేను మిమ్మల్ని ప్రేమించినట్లే, మీరు ఒకరిని ఒకరు ప్రేమించుకోండి. ఒకడు తన స్నేహితుని కోసం ప్రాణం పెట్టే ప్రేమకంటే గొప్ప ప్రేమ లేదు.
ప్రియ మిత్రులారా, దేవుడు మనల్ని ఎంతో ప్రేమించారు కాబట్టి మనం కూడా ఒకరిని ఒకరం ప్రేమించుకోవాలి. దేవుడిని ఎవరూ ఎన్నడూ చూడలేదు; కాని మనం ఒకరిని ఒకరం ప్రేమిస్తే, దేవుడు మనలో జీవిస్తారు; ఆయన ప్రేమ మనలో పరిపూర్ణం అవుతుంది.
ఆయన మన కొరకై తన ప్రాణం పెట్టారు, కాబట్టి దీని వలన ప్రేమ ఎలాంటిదో మనం తెలుసుకుంటున్నాము. మనం కూడా మన సహోదరి సహోదరుల కోసం మన ప్రాణాలను పెట్టాలి. ఈ లోకపు ఆస్తులు కలిగినవారు అవసరంలో ఉన్న తన సహోదరుని సహోదరిని చూసి కూడా వారిపై కనికరం చూపించకపోతే, వారిలో దేవుని ప్రేమ ఎలా ఉంటుంది? ప్రియ పిల్లలారా, మనం కేవలం మాటలతో సంభాషణలతో కాకుండా, చేతలతో సత్యంలో ప్రేమిద్దాము.
నెరవేరబడిన లేఖనాలు ఏమి చెప్తున్నాయంటే, "అబ్రాహాము దేవుని నమ్మాడు, అది అతనికి నీతిగా ఎంచబడింది" అనే లేఖనం నెరవేరింది. అలాగే అబ్రాహాము దేవుని స్నేహితుడని పిలువబడ్డాడు.
ప్రేమలో ఒకరిపట్ల ఒకరు శ్రద్ధ కలిగి ఉండండి. మీకన్న ఎక్కువగా ఒకరిని ఒకరు గౌరవించండి.
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
ఒకరికంటే ఇద్దరు మేలు,
ఎందుకంటే ఇద్దరూ కష్టపడితే మంచి రాబడి ఉంటుంది:
ఒకవేళ ఇద్దరిలో ఒకరు పడితే
రెండవవాడు ఇతడిని లేవనెత్తగలడు.
ఒంటరివాడు పడితే
లేవనెత్తేవాడెవడూ ఉండడు.
సహోదరులు ఐక్యత కలిగి నివసించడం
ఎంత మేలు! ఎంత మనోహరం!
అది అహరోను తలమీద పోయబడి
అతని గడ్డం మీదుగా కారుతూ,
వస్త్రపు అంచు వరకు కారిన
ప్రశస్తమైన తైలం వంటిది.
అది సీయోను కొండలమీదికి దిగివచ్చే
హెర్మోను మంచులా ఉంటుంది.
యెహోవా తన ఆశీర్వాదాన్ని,
జీవాన్ని కూడా నిరంతరం అక్కడ కుమ్మరిస్తారు.
మీకు భయపడేవారందరికి,
మీ కట్టడలను అనుసరించే వారందరికి నేను స్నేహితుడను.
యోనాతాను దావీదును తన ప్రాణంగా ప్రేమించాడు కాబట్టి అతడు దావీదుతో ఒక నిబంధన చేసుకున్నాడు.
మోసపోకండి: "దుష్టులతో సహవాసం మంచి ప్రవర్తనను పాడుచేస్తుంది."