Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
Ko e tangata ʻoku ai hono ngaahi kāinga ʻoku ngali ke ne fai fakakāinga ʻe ia;
pea ʻoku ai ʻae tākanga ʻoku pikitai mālohi hake ʻi ha tokoua.
ʻOku ʻofa maʻuaipē ʻae kāinga moʻoni,
pea kuo fanauʻi ho tokoua ke talifaki ʻae ʻaho ʻoe kovi.
ʻOku fakafiefiaʻi ʻae loto ʻaki ʻae lolo tākai mo e meʻa namu kakala:
ʻoku pehē ʻae lelei ʻoe kāinga ki ha tangata, ko e meʻa ʻi he akonakiʻi ʻoku fai mei he loto.
ʻOku fakamāsila ʻe he ukamea ʻae ukamea;
ʻoku pehē ʻae fakalelei ʻe he tangata ʻae mata ʻo hono kāinga.
ʻOku lelei hake ʻae valoki ʻoku fai fakahā,
ʻi he ʻofa ʻoku fakalilolilo.
Ko e lavea mei he kāinga ko e angatonu ia;
ka ko e ngaahi ʻuma mei ha fili ko e kākā ia.
ʻOua naʻa ke siʻaki ho kāinga ʻoʻou, pe ko e kāinga ʻo hoʻo tamai;
pea ʻoua naʻa ke ʻalu ki he fale ʻo ho tokoua ʻi he ʻaho ʻo hoʻo mamahi:
he ʻoku lelei hake ho kaungāʻapi pe ʻoku ofi, ʻi ho tokoua ka ʻoku ne mamaʻo.
Ko ia ʻoku ʻaʻeva fakataha mo e kakai poto ʻe poto ai ia:
ka ʻe fakaʻauha ia ʻoku kaumeʻa mo e kakai vale.
ʻOua naʻa ke fakakāinga mo e tangata faʻa ʻita;
pea ʻoua ʻaupito naʻa ke ʻalu mo ha tangata loto lili:
Telia naʻa ke ako ki hono ngaahi hala,
pea tauheleʻi ai ho laumālie.
ʻOku tokolahi ʻae kakai ʻoku taki taha viki ʻi heʻene lelei ʻaʻana:
ka ko hai ʻoku ne faʻa ʻilo ki ha tangata angatonu.
ʻOku fakatokolahi ʻae kaumeʻa ʻe he koloa:
ka ʻoku vāmamaʻo ʻae masiva mo hono kaungāʻapi.
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
ʻOku ʻikai ha tangata ʻe lahi hake ʻene ʻofa ʻi he meʻa ni, ke ne foaki ʻene moʻui koeʻuhi ko hono kāinga. Ko hoku kāinga ʻakimoutolu, ʻo kapau ʻoku mou fai kotoa pē ʻaia ʻoku ou fekau kiate kimoutolu. ʻOku ngata mei heni, ʻoku ʻikai te u ui ʻakimoutolu ko e kau tamaioʻeiki; he ʻoku ʻikai ʻilo ʻe he tamaioʻeiki ʻaia ʻoku fai ʻe hono ʻeiki: ka kuo u ui ʻakimoutolu ko e kāinga; he ko e meʻa kotoa pē kuo u fanongo mei heʻeku Tamai, kuo u fakaʻilo ia kiate kimoutolu.
Ko ʻeku fekau eni, Ke mou feʻofaʻaki kiate kimoutolu, ʻo hangē ko ʻeku ʻofa kiate kimoutolu. ʻOku ʻikai ha tangata ʻe lahi hake ʻene ʻofa ʻi he meʻa ni, ke ne foaki ʻene moʻui koeʻuhi ko hono kāinga.
ʻE kāinga ʻofeina, kapau naʻe pehē ʻae ʻofa ʻae ʻOtua kiate kitautolu, ʻoku totonu foki ʻetau feʻofaʻaki. Kuo ʻikai ha taha ʻe mamata ki he ʻOtua ʻi ha kuonga. Kapau ʻoku tau feʻofaʻaki, ʻoku nofoʻia ʻakitautolu ʻe he ʻOtua, pea kuo fakahaohaoaʻi ʻene ʻofa ʻiate kitautolu.
Ko e meʻa ni ʻoku tau ʻilo ai ʻae ʻofa, koeʻuhi kuo ne tuku hifo ʻene moʻui maʻatautolu: pea totonu ai ʻetau tuku hifo ʻetau moʻui koeʻuhi ko e kāinga. Ka ko ia ʻoku ne maʻu ʻae lelei ʻoe māmani, pea ne mamata ki he masiva ʻa hono tokoua, kae tāpuni ʻe ia ʻa hono fatu meiate ia, ʻoku nofo fēfē ʻae ʻofa ʻae ʻOtua ʻiate ia? ʻA ʻeku fānau ʻofeina, ke ʻoua naʻa tau ʻofa ʻi he lea, pe ʻi he ʻelelo; ka ʻi he ngāue mo e moʻoni.
Pea naʻe fakamoʻoni ʻae tohi ʻaia ʻoku pehē, Na’e tui ’a ’Epalahame ki he ’Otua, pea na’e lau ia kiate ia ko e mā’oni’oni: pea naʻe ui ia ko e Kāinga ʻoe ʻOtua.
Ke mou feʻofaʻaki ʻakimoutolu ʻi he ʻofa fakakāinga; ʻo mou felotoleleiʻaki ʻi he fefakaʻapaʻapaʻaki kiate kimoutolu;
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
ʻOku lelei hake ʻae toko ua ʻi he tokotaha; he ʻoku ai ʻae totongi lelei ʻi heʻena ngāue. He kapau te na tō ki lalo, ʻe hiki ki ʻolunga ʻe he tokotaha ʻa hono kāinga: ka ʻe kovi lahi kiate ia ʻoku tō ki lalo ʻi heʻene tokotaha pe; he ʻoku ʻikai ha tokotaha ke tokoni hake ia ki ʻolunga.
Vakai ki hono lelei pea mo hono fakafiemālie,
ʻoe nofo fakataha ʻae kāinga ʻi he feʻofoʻofani!
ʻOku tatau ia mo e lolo mahuʻinga ki he ʻulu,
ʻaia naʻe tafe hifo ki he halakava,
ʻio, ko e halakava ʻo ʻElone:
pea ʻalu hifo ki he kapa ʻo hono ngaahi kofu;
ʻOku hangē ko e hahau ʻo Heamoni,
pea hangē ko e hahau naʻe tō ki he ngaahi moʻunga ʻo Saione,
he naʻe fekau ʻi ai ʻe Sihova ʻae monūʻia,
ʻio, ko e moʻui taʻengata.
ʻOku ou kaumeʻa mo kinautolu kotoa pē ʻoku manavahē kiate koe,
mo kinautolu ʻoku fai ki hoʻo ngaahi fekau.
Pea naʻe toki alea ai ʻa Sonatane mo Tevita ʻi he fuakava, ko e meʻa ʻi heʻene ʻofa kiate ia ʻo hangē ko hono laumālie ʻoʻona.
ʻOua naʻa kākaaʻi ʻakimoutolu: "Ko e ngaahi talanoa kovi ʻoku fakahalaʻi ʻae ngaahi anga ʻoku lelei."