Amigo

24 Rema ḏagilomu ga’a 'aḏi sigasa toma bodito,

mada’a 'age ḏi’i rema ḏagilomu ga’a lebe cori reo gia nongoḏu.

17 Ḏagilomu 'aḏi dadalara tau-taunu,

re ioro re nongoḏu 'aḏi ma’u riono toma 'orasa kangela.

9 Goroho re bo-bounu 'i sisanangi 'akala re sinyingara,

mada’a kangela 'i si’susa ngowa’a.*

17 Ḇesi 'i simangono reo ḇesi,

manusia madoto’o toma manusia.

5 Lebe rousu ḇangata bi-biono i’a,

reo dadalara ga’a 'i sijumu ua.

6 Ḏagilomu 'aḏi ca’olo rema maksudu ma la-la,

mada’a lawana 'aḏi dume sida-dadunu.

10 Sisoi’i tala awa 'ani ḏagilomu bolo 'ani ḇaḇa 'ai ḏagilomu.

awa golo’o ri-riono tani ioro nongoḏu toma 'orasa bodito

Lebe rousu ngowa’a toma wala sebanga ga’a co-cori

reo ioronongoḏu toma giḏanga.

20 Ananga ga’a 'aḏi maḏagilomu toma ngowa’a 'akala soro’unu, ananga gena-ge 'o dadi 'akala soro’unu,

mada’a ananga ga’a 'aḏi maḏagilomu reo ngowa’a ga’a 'aḏi emono wo-waro, ananga 'aḏi sanga bodito.

24 Ma’u ḏagilomu awa reo ngowa’a ga’a capati ruta,

ma’u gasa awa ngowa’a ga’a tata-ruta,

25 la ngana awa no mete’e 'ai duhu gena-ge

re no 'a’a jojoḏi di’a 'ani diri masiretene.

6 Ngowa’a manga repe ga’a 'aḏi magoro ino, ananga gena-ge ngowa’a la-la,

mada’a ngowa’a ga’a setia, kangela madutu na’u sanga!

4 Harata 'i si’a’a ni sanga ḏagilomu lebe repe,

mada’a ngowa’a ma dinga’unu ua, ananga manga ḏagilomu ya’u sisoi’i.

13 Dadalara ga’a lai lamo’o so’o ne: Matengo i’a ga’a 'o dadalara 'ai ḏagilomu, singadolo 'o sipula’a 'ai 'ahu, la 'ai ḏagilomu 'o 'ahu. 14 Na’o ngini ni siḏagi 'Ari parenta taninga 'ahu, ngini ni dadi 'Ari ḏagilomu. 15 Ngoi to si’aro’o ngini 'Ari budaka riwara, sababu budaka ya waro ua manga tuanga 'ai munara. Siḏibo ḏi’i ngini, Ngoi tini si’aro’o ḏagilomu, sababu 'oru ḇato ga’a Ngoi reto 'isene tari Ḇaḇa, reta siajele ḏua ra ngini.

12 Ngoi 'ari parenta nena-ne: Ngini balasu ni ma’u dadalara matengo re matengo, ma tero Ngoi tini dadalara ngini.✝ 13 Dadalara ga’a lai lamo’o so’o ne: Matengo i’a ga’a 'o dadalara 'ai ḏagilomu, singadolo 'o sipula’a 'ai 'ahu, la 'ai ḏagilomu 'o 'ahu.

11 Ioronongoḏu ngo-ngaku rimoi ga’a ngoi tunu dadalara. Sababu Ma Jou’ongu Madutu na dadalara ngene so’o gena; ngene ḏi’i balasu wo ma’u dadalara matengo re matengo. 12 Matengo i’a mai nyangu 'o oḏi’i Ma Jou’ongu Madutu. Mada’a na’o ngene wo ma’u dadalara matengo re matengo, Unanga 'O marimoi ra ngene re 'Ai dadalara 'i waiti ti-tiai ra ngene nanga de’oso re ḏegoro.✝

16 Gena-ge 'i sijumu ra ngene mangale ma’u dadalara ma ngo’omo: Yesus Kristus nyengara ra sipula’a 'ai 'ahu, la ngene wo sanga salamata. Sababu gena-ge, ngene ḏi’i balasu wo nyengara wa sipula’a nanga 'ahu di’a nanga ioronongoḏu ngo-ngaku rimoi! 17 Na’o ngini reninga bai’i ni oḏi’i ninga ioronongoḏu ngo-ngaku rimoi 'aḏi basono kuranga, mada’a ni siwaro i’a ua, nyengara ngini ni aje ni dadalara Ma Jou’ongu Madutu?! Tantu ḏua, ua! 18 'Ari ngowa-ngowa’a. Awa ngene nanga dadalara pa’i toma 'uḏu ma betu’u, bolo pa’i renanga demo ḇato. Mada’a ngene balasu wa sijumu dadalara gena-ge 'i baolo tananga 'akala re sinyingara ma dara mode-mode’e, singadolo ngowa’a ya oḏi’i gena-ge tananga ga’a.

23 Gena-ge 'i ma tero sa’olo 'i silefo toma Boku 'Ofi-'Ofi, "Abraham 'o ngaku Ma Jou’ongu Madutu. Re sababu 'ai ngo-ngaku gena-ge, Ma Jou’ongu Madutu 'u dawongo unanga sa’olo ngowa’a loasa re banari Tai momina." Sababu gena-ge, Abraham si’aro’o, "Ma Jou’ongu Madutu 'ai ḏagilomu".✝

10 Ngini balasu ni ma’u dadalara matengo re matengo, ma tero sa’olo ngini ngowa’a gia nongoḏu toma ngitu re ngale rimoi. Re ngini balasu ni cautu ma’u silamo’o matengo re matengo.

33 Awa ngowa’a 'aḏi sihaga ngini: "Na’o ngini ni ma’u rimoi toma ngowa’a ma jira, tantu ḏua manga de’oso re ḏegoro gena-ge 'i sijira ngini ninga de’oso re ḏegoro ma la-la."