Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
N balangaro shuni jango
Manats dabt Iyesus hank’owa bí’eti, « ‹N giyo shune, n balngaro shid’ee› eteetsok’o shishrte. Taa it balngarwotsi shunere, iti gishirwotssh Ik’o k’onwere» etirwe.
T tzaziyoniye taa iti t shuntsok’o itiwere it atsatseyo it shunetwok’owe.
Ats atseyo shunewo
Kon k’awuntsonúwor itatse beek’aye, itatse beeyet k’awuntsoniye itats atseyo shúnee mec’r wotowe, ash shunetuwo nemo finats jitsre.
no took tookon k’osh asho b́ imnetiyon b́ kup’ituwok’o bín t’ak’amituwonat geneúshit keewo k’aluwone.
It k’aliru jamo shunon k’aluwere.
Noo iti noshunirwok’o doonzo it atsatseyonat jamoshor it detsts shuno eenr bí’ayituwok’o itsh woshuwe.
Ik' geneúshit fino
Jam aawo it ats atsewo eshwi shunon shunewere, Ibo de’er ibiyo batk’ayere, mank’oon ibuwotsi dek’t ibiyoke ik ik ashuwots bodananiyere melakiwotsi dek’t ibiyirne. Bonton tohar it tipetsok’o woshder tipetswotsi gawwere, it were bokok’o gondo it bek’irwok’o woshder gond bek’irwotsi gawwere.
«K’osh asho ntookok’o woshde’er shune» et S’ayin mas’aafotse guut’etso Ik’i mengestitsi nemo it s’eentsiyal sheenge it finiri.
Shuno morri ayo b́ aatsitwotse jamoniyere bogo it ats atseyo kúp’shde’er shunewere.
Eshe Ik’o galb́dek’tsanotsnat S’ayin shunetswots it wottsosh maac’k’ewo, doo, b́took dashan detso, t’at’deshawo, k’amo tahde’ere. It atsa atsewo k’amewere, ititsere iko ikats b́ iirits keewo fa’e wotiyal orowa erere, Krstos itsh orowa b́ ettsok’o itwere orowa erere. Jamánatsere bogshde’er jamo ikok koide tifde’er b́ jamon ik wot daatsit shuno tahde’ere. Ik atsikaywotsi wotat arikon s’eegetswots jeen wotts Krstosko jeeno itnibats naashowe, bín údirwotsnowere wotoore.
Atsatsewo shuneyi jango
Shin shintson it k’ebts wosho «No atsatsewo shunewone» etirwoniye.
Bíeshuwi shit’iru jamo kash úd’kee, kash úd’tsonmó dúredúri kasho b́daatsrawok’o danfte. Shuno eeg b́wottsok’o nodanet Iyesus Krstos b́ kasho noosh b́imtsoshe, noowere nokasho no eshuwotssh beshide imo noosh geyife.
Shuno eeg b́wottsok’o nodanet Iyesus Krstos b́ kasho noosh b́imtsoshe, noowere nokasho no eshuwotssh beshide imo noosh geyife.
Ik’o shune
Shunetswotsó! shuno Ik’okik b́wottsotse no atsatsewo shunewone, shuniru jamo Ik’i na’ee, Ik’onowere danfee. Ik’o shun b́wottsotse ash shunaw jamo Ik’o danatse.