Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
દુશ્માનાહાવોય પ્રેમ કોઅના
તુમા વોનાય ગીઇલે હેય કા, નિયમશાસ્ત્ર માય કાય લોખલાં હેય, તુમા બીજહા આરે પ્રેમ કોઅજા, એને તુમહે દુશ્માન વોય દુશ્માની કોઅજા. બાકી આંય તુમહાન આખતાહાવ કા, પોતાના દુશ્માનાહાવોય પ્રેમ કોઅજા એને આપહાલ સતાવણી કોએ ચ્યાહાહાટી પ્રાર્થના કોઅજા,
શિષ્યહા યોકબીજાઆરે પ્રેમ
મા આગના ઈ હેય કા જેહેકોય માયે તુમહાવોય પ્રેમ કોઅયાહાં, ચ્ચે રીતે તુમાબી યોક બિજાવોય પ્રેમ કોઆ.
યોકબીજાવોય પ્રેમ કોઅના
તુમહાન યોક વાતમાય યોકબીજા કર્જદાર બોનના હેય, એને તી વાત હેય તુમા બોદે યોકબીજાવોય પ્રેમ કોઆ, કાહાકા જો કાદો પ્રેમ કોઅહે ચ્યાય મૂસા નિયમ પુરી રીતેકોય પાલન કોઅયા.
આપહે માઅને બોદહાય હાંગાત્યા વિસ્વાસી લોકહાહાટી કામ કોઅરા જોજે, જીં ચ્યાહાટી હારાં હેય, એને ચ્યાલ ખુશ કોઅરી એને ચ્યા બોરહો મજબુત કોઅરી.
બોદા કાય પ્રેમાકોય કોઅજા.
આમા પ્રાર્થના કોઅજેહે કા, પ્રભુ એહેકેન કોએ, કા જેહેકેન આમા તુમહેવોય પ્રેમ કોઅજેહે, તેહેકેન તુમાબી બોદહાવોય પ્રેમ કોએ, એને પ્રેમામાય બોજ વોદતે જાય.
પોરમેહેરાલ કેહેકેન પ્રસન્ન કોઅના
બાહા એને બોઅયેહે હારકા યોક બિજાવોય પ્રેમ કોઅતા રા. ગાવાર ચાકરી કોઅના વિહરાયાહા મા, કાહાકા યાથીજ કોલહાક જાઅહાય ઓજાણ્યામાય હોરગા દૂતહા ગાવાર ચાકરી કોઅયીહી.
જેલેમાય ટાકલાહા ઓહડી મોદાત કોઆ, કા જાણે તુમા હોગા જેલેમાય હેતા, એને જ્યાવોય સતાવણી કોઅલી જાહાય, ચ્યાહા દુઃખા પોતાના શરીરમાય અનુભવ કોઇને ચ્યાહાન મોદાત કોઆ.
જો તુમા ચ્ચા ખાસ નિયમા આગનાયેહેલ પુર્યો કોઅતાહા જ્યો પવિત્રશાસ્ત્રમાય લોખલ્યો હેય, "કા તું પોતાના પોડુસીવોય પોતે હારકો પ્રેમ રાખ," તે તુમા હારાં કોઅતાહા.
બોદહાથી મહત્વા વાત ઈ હેય કા યોક બિજાવોય વોદારે પ્રેમ કોઆ, કાહાકા જો તુમા લોકહાવોય પ્રેમ કોઅહા તે તુમા કાયામ કોઅહાબી ગલત કામાલ માફી દાંહાટી તિયાર રાહા જ્યો ચ્યાહાય કોઅયોહો.
ખ્રિસ્તી જીવન
યાહાટી જોવે પોરમેહેરાય તુમહાન ચ્યા પવિત્ર એને પ્રિય લોક ઓઅરાહાટી પોસંદ કોઅલા હેય, તે દયાળુ, ભલા કોઅનારા, દિન, નમ્ર એને સહન કોઅનારા બોના. એને જ્યા કાદા દોષ ઓઅરી તે તુમા યોકા બીજહાન સહન કોય લા, એને યોકાબીજા ગુના માફ કોઅય દા, જેહેકેન પ્રભુય તુમહે ગુના માફ કોઅયાહાં, તેહેકેન તુમાબી કોઆ. એને બોદહા કોઅતી મોઠી વાત ઈ હેય, કા યોકા-બિજાવોય પ્રેમ કોઆ એહેકોય કોઇન, તુમા પુરી રીતી થી એકતામાય ઓઅય જાં.
તી શાંતી જીં ખ્રિસ્ત દેહે, ચ્ચાલ તુમહે રુદયામાય રાજ કોઅરા દા, કાહાકા તુમા બોદા યોકુજ શરીરા અવયવ હેય એને યાહાટી તુમહાન યોકા બિજા આરે શાંતિથી રાંહાટી હાદલા હેય, એને તુમા ધન્યવાદ કોઅતે રા.
યોક-બીજહાવોય પ્રેમ કોઆ
જીં હારી ખોબાર તુમા પેલ્લેથીજ વોનાયાહા, તી ઈ હેય કા આપા યોક બિજાવોય પ્રેમ કોઆ જોજે.
જો કાદો પોતે બાહા આરે આડાઇ કોઅહે, તો ખૂની હેય, એને તુમા જાંઅતેહે, કા કોઅહાબી ખૂની માઅહામાય અનંતજીવન નાંય રોય.
આમહાય પ્રેમ યાકોય જાંઅયા, કા ઈસુ ખ્રિસ્તે આમહેહાટી પોતાનો જીવ દેય દેનો, યાહાટી આમહાનબી આપહે બાહાહાટી પોતે જીવ દાં જોજે.
આમહાય પ્રેમ યાકોય જાંઅયા, કા ઈસુ ખ્રિસ્તે આમહેહાટી પોતાનો જીવ દેય દેનો, યાહાટી આમહાનબી આપહે બાહાહાટી પોતે જીવ દાં જોજે.
પ્રેમાકોય પોરમેહેરાલ જાઅના
ઓ પ્રિયાહાય, આપહાય યોક બિજાવોય પ્રેમ કોઆ, કાહાકા પ્રેમ પોરમેહેરાપાઅને હેય, એને જ્યેં બીજહાવોય પ્રેમ કોઅતેહે, ચ્યે પોરમેહેરા પોહેં હેય, એને પોરમેહેરાલ જાંઅતેહે. જ્યેં બીજહાવોય પ્રેમ નાંય કોઅય, ચ્યે પોરમેહેરાલ નાંય જાંઆય, કાહાકા પોરમેહેર પ્રેમ હેય.