Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Jisas yoba di te, Ene kudano ikne deno muduno teo dugwa
Jisas yegl didre, ama yegl dugwa, Ka ta okna digwa i, yegl digwa, Yoba ta magigl akie kipanaiglkwa i, ene wakai kandre, kudano ikne kide kanaiglmiwe digo, ene prikwa. Ka i digo, prikwa ba na ene di teiga i, ene kudano ikne ta moraiglkwa i, deno muduno tedre, yoba ene ere kide ere tenaiglkwa i pre kamage ere teo.
Na ene ka ta duglo boraiglme di teiga i, Na ene dena muduna teimere yegl, ene ama agrama abarama deno muduno teo diga.
Ene dina ta eribi, panabuka i, tabre te ikne edio. Mige moni ya ki ta dina erumun, panabuka i, te ikne edimun, dudunabuka. Yegl paugwa ba kogon swara ta ege ege eramga paugwa i, dina mere yegl ta paugwa. Kogon i, deno muduno yoba tenamga paugwa. Yegl eramga i, dina mere yegl aimadi aimadi pai morabuka. I ta dudumedi prikramga.Te, ene prio! Ene yoba pere deno muduno tebi, ene God lomo mudu pamere erikwa mere yegl panabuka.
Agroma abaroma kide kankre, gun yenaiglmedi erumun, ye wakai mogl yakenaiglkwa.
Te, ene kogon siragl mere ta eraiglkwa mo mabuno siragl mere ta eraiglkwa i, ene ege ege agroma abaroma deno muduno te pai molo.
Te, no ama kamage erumga i, Yaglno Kade ene ake ple di tenan, ene pre mediglkwa yoba ikne ikne deno muduno tedre, yoba mudu ama deno muduno tenaiglkwa mabuno i, ene meglmara kau kaima sinabedi kamage erumga. No ene deno muduno podo kaima tomnere yegl, ene ama deno muduno podo ikne ikne tedre, yoba meda meglkwa i ama tedre, eraiglmedi pre kamage erumga.
Ka kidine swara swarade i pre dugwa
Ene agroma abaroma deno muduno tenaiglkwa mabuno i, ere pai molo. Te, yoba yogugl ere wakai ere teigwa mabuno i, kide kodokrio. Ene pre kodigwa, okna yoba tau yoba yogugl wigo, ere wakai ere tomnedi prikwa ba ye angelo wigo, ere wakai ere teigwa.
Ene agroma abaroma tau kane yugu pai meglkwa i, no ye bogl akie kane pamga mere yegl pamiwedi prisre, ye pre molo. Te, agroma abaroma tau yoba ye ere kide ere te meglkwa i, nono ye bogl yoba swara munedi prisre, pre molo.
Ana Jisas nono kingno moglsre, ye kamo mina lo yegl ta padigl norukwa,
Ene enene wakai kanimere yegl, yoba ta magigl akie kipanaiglkwa i, ama yegl mere wakai kanio
dugwa. Ene lo i ka kaima duglo beglbi, ene wakai erikwa.
Te, ene mabuno podo ta eraiglkwa paugwa i, ene deno muduno ikne ikne tenaiglkwa paugwa. I siragl pre ene mabuno yegl eribi, ene tadaglmeno tau mere si bi di tedre, ake gi di moglkraiglkwa mere yegl paugwa.
Nono mogl atne edidre, deno muduno te ikne ikne edinamga paugwa
God ene kere idre, yoba pere moraiglmedi edidre, ene dem muduo togwa. Yegl erukwa pre ene mabuno tau eraiglkwa paugwa i, yegl mere paugwa, ene kiede mogl, mogl atne edidre, yoba mitno gogl, mabuno wakai ere tenaiglkwa paugwa. Te, ene yoba tabre deno kubro tekrio. Agroma abaroma ta eribi, kide praiglkwa i, ene kanige ersre, tadaglmeno ama kide kodo teo. Yaglno Kade Krais ene tadaglmeno gugl ede tomere kuno yegl mere, ene ye tadaglmeno kide kodo tenaiglkwa pre diga. Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Nono deno muduno ikne ikne tenamga paugwa
Ana okna God ka ta dugo, ene prikwa i, yegl dugwa, Ene deno muduno ikne ikne teo dugwa.
Te, agroma abaroma kide kan meglkwa i, ye yoba si geglkwa yoba bogl kuno meglkwa. Te, yoba si geglkwa yoba meglkwa i, aimadi kamin kor moraiglkwa i bogl si dakagl moglkrikwa.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa.
Jisas ye nono pre goglmara i mina deno muduno ikne ikne tenamga mabuno i nogugl edugo, kanumga. Te, nono agroma abaroma ake ple di tenamnedi goramga ta panan, ama pra we dinamga paugwa.
Yoba ta dena muduna teie dinan, agiglema abaugloma ama dem muduo tenabuka paugwa
Ene dena muduna teiga meglkwa i, nono deno muduno ikne ikne tenamga paugwa. I siragl pre deno muduno tenamga mabuno i, God norukwa. Yoba ta dem muduo yoba pere togwa i, ye God gagigle ta moglsre, God pre kan erukwa yoba ta moglkwa. Ba yoba ta dem muduo yoba pere ta tekrukwa i, ye God pre kan erekrukwa paugwa. I siragl pre deno muduno tomga mabuno i, God mabunomo paugwa.