Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Kuwanogela Wadumuka
"Muhulika kamba ilongigwa, ‘Mnogele munhu wa habehi nagwe, na umwihile mdumuka wako.’ Ila nie nowalongela, wanogele wadumuka zako na muwatambikile waja wose wowagaza,
Ndagizi yangu iyo ino, ‘Muinogele kamba nie viniwanogele mweye.’
Kuwanogela Wayagwe
Sambimuwilwe na munhu yoyose, ila kinhu kimulondigwa kuwilwa kicho kino, inogeleni wenyego kwa wenyego, kwavija ayo yowanogela wayagwe kagavikiza Malagizo ga Musa.
Kila munhu mmwanza wetu yamtendele ganogile munhu wa habehi yake mnia inogile ya kumgangamiza.
Tendeni mbuli zose mdinoge.
Mndewa yaditende noge jenu jongezeke na diwe bwando ha kila munhu mmwanza wenu na ha wanhu wayagwe, kamba vija tweye vituli na noge bwando kumwenu.
Kumnogeza Mulungu
Gendeleleni kuinogela wenyego kwa wenyego kamba ndugu. Sambimwisemwe kuwabokela wahenza mzikae zenu, kuna wanhu watendile vino na wawabokela wasenga wa Mulungu wa kuulanga bila kuvimanya. Sambimuwasemwe awo wali mkifungo kamba vija mwa mkifungo hamoja na hewo, na awo wogazigwa kamba vija mogazigwa hamoja na hewo.
Ihawa modivikiza lagizo da Undewa wa Mulungu dili Mzinyandiko Zing’alile zilonga, "Mnogele munhu wa habehi nagwe kamba vuukinogela mwenyego," motenda vinogile.
Tuhaleka gano gose, muinogele ng’hani wenyego kwa wenyego, kwavija noge dogubika bwando da vilozo.
Avo kwavija mweye mwa wanhu msaguligwe na Mulungu, mng’alile na mnogelwe ng’hani na Mulungu, avo ivazeni bazi, moyo unogile, kuwa bule makulu, kuhola mmoyo, na mwazaganyo. Iyazaganyeni wenyego kwa wenyego, na kamba ihalawilila munhu kana mbuli na miyage, mkiigele kumgongo. Igeleni kumgongo kamba Mulungu viyawagelile mweye kumgongo. Uhaleka gano gose, ivazeni noge ajo divifunga hamoja vinhu vino vose muuhamoja wa kweli. Na tindiwalo dilawa ha Kilisto ditawale mmioyo yenu, avija mweye vumuli vipindi va lukuli lumwe mkemigwa mkale mditindiwalo. Na muwe wanhu wa kulava hewela.
Inogeleni
Uno uwo usenga umuhulike songela haichanduso, kamba toinogele wenyego kwa wenyego.
Munhu yoyose yomwihila ndugu yake hiyo mkomaji, na mweye m’vitanga kamba mkomaji kabule ugima wa digunge mgati yake. Vino vivo tuimanya nhegulo ya noge, Yesu Kilisto kaulava ugima wake sama yetu, na tweye tolondigwa tuulave ugima wetu sama ya ndugu zetu!
Vino vivo tuimanya nhegulo ya noge, Yesu Kilisto kaulava ugima wake sama yetu, na tweye tolondigwa tuulave ugima wetu sama ya ndugu zetu!
Mulungu Iyo Noge
Wambwiga zangu, tuinogele, kwavija noge dolawa ha Mulungu. Kila munhu yali na noge kolawa ha Mulungu na komtanga Mulungu. Munhu yoyose yalibule noge hamtanga Mulungu, kwavija Mulungu iyo noge.