Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"तम्हैं आसा इहअ बी शूणअ द कि इहअ बी बोला तै कि आपणैं लोगा संघै डाहै झ़ूरी अर आपणैं दुशमणा संघै डाहै ज़ीद।
"पर हुंह बोला तम्हां लै इहअ कि आपणैं दुशमणा संघै डाहै झ़ूरी। ज़ुंण ताल्है ज़ुल्म करा, तेऊ लै करै प्राथणां।
"मेरअ हुकम आसा अह कि ज़ेही झ़ूरी मंऐं तम्हां लै किई, तेही झ़ूरी करा तम्हैं आप्पू मांझ़ै एकी-दुजै संघै।
आप्पू मांझ़ै निं झ़ूरी छ़ाडी होरी किछ़ी च़िज़े ऋणी हई, किल्हैकि ज़ुंण दुजै लै झ़ूरी करा सह करा परमेशरे बधाने हर गल्ला पूरी।
हाम्हां सोभी लागा इहअ भलअ करनअ ज़ेता करै होरीए दिल खुश होए अर ज़ेता करै तिन्नां विश्वासा दी पाक्कै हणां लै मज़त होए।
ज़ुंण बी काम तम्हैं करा तेऊ करा झ़ूरी संघै।
हाम्हैं करा एही प्राथणां कि प्रभू लोल़ी त इहअ किअ कि ज़ेही हाम्हैं तम्हां संघै झ़ूरी करा, तेही ई थारी झ़ूरी बी आप्पू मांझ़ै अर सोभी मणछा संघै बढदी रहे
आप्पू मांझ़ै डाहणीं भाई-बैहणी ज़ेही झ़ूरी। ज़हा विश्वासी भाई संघै तम्हां पैहली बारी भेत-बछ़ैण हआ तिंयां निंणै ज़रूर आपणैं घअरा लै प्राहुंणैं। किल्हैकि इहअ करै आसा कई लोगै स्वर्ग दूत बी प्राहुंणैं निंयैं दै।
कैद हुऐ दै विश्वासीए हेर-सभाल़ बी करा एही समझ़ी कि तिन्नां संघै आसा तम्हैं बी कैद, अर ज़हा संघै लोग विश्वासी हणैं पिछ़ू बूरअ बर्ताअ करा, तिन्नें करा इहअ समझ़ी हेर-सभाल़ ज़िहअ कि अह आसा म्हारी आपणीं देही।
तैबी ज़ै तूह पबित्र शास्त्रे साबै तेऊ राज़ बधाना पूरअ करे, "तूह कर आपणैं साथी-संघी संघै एही झ़ूरी ज़िहअ तूह आप्पू लै झ़ूरा।" ज़ै तूह बधाने एऊ बैणा इहअ मना तै करा तूह ठीक।
सोभी लै आसा सोभी का ज़रूरी गल्ल एही कि एकी-दुजै लै करा दिला का झ़ूरी। किल्हैकि, ज़ै तम्हैं मणछा लै झ़ूरी करे तै हणैं तम्हैं तिन्नें हर गलती माफ करना लै हर बगत तैर।
तै आसा परमेशरै तम्हैं आपणैं पबित्र लोग हणां लै छ़ांटै दै अर सह करा तम्हां लै झ़ूरी, बडी झींण, भलाई, शरीफ, मानदार, झ़ूरी अर सबर करनै आल़ै। ज़ै कहा लै दोशा लाणैंओ किज़ै कारण होए, तेता बी काढै ज़िरी अर होरीए ज़ुल्म बी करा माफ, ज़िहै प्रभू थारै ज़ुल्म माफ किऐ, तिहै ई करा तम्हैं बी।
सोभी का ज़रूरी गल्ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़। सह आसा मसीहा ई थारअ परमेशरा संघै अर एकी-दुजै संघै मेल़-ज़ोल़ करा, थारअ सभाब लोल़ी तिहअ शांती दी रहअ। तम्हैं आसा तेऊ एते ई तैणीं एक देही हणां लै शादै दै। कबल्लै रहा परमेशरो शूकर करदै लागी।
ज़ुंण समाद तम्हैं पैहलै ई का आसा शूणअ द, सह आसा इहअ कि हाम्हैं एकी-दुजै संघै झ़ूरी डाहे।
ज़ुंण बी आपणैं भाई लै ज़ीद करा, सह आसा हत्या करनै आल़अ अर तम्हां का आसा थोघ कि हत्या करनै आल़ै दी निं सदा रहणैं आल़ी ज़िन्दगी हंदी।
हाम्हैं समझ़ी झ़ूरी इहअ करै कि तेऊ प्रभू दैनै म्हारी तैणीं आपणैं प्राण बी। इहअ ई लागा हाम्हां बी आपणैं भाई-बंधा लै हर गल्ला लै तैर रहणअ च़ाऐ हाम्हां मरनअ बी किल्है निं पल़े।
हाम्हैं समझ़ी झ़ूरी इहअ करै कि तेऊ प्रभू दैनै म्हारी तैणीं आपणैं प्राण बी। इहअ ई लागा हाम्हां बी आपणैं भाई-बंधा लै हर गल्ला लै तैर रहणअ च़ाऐ हाम्हां मरनअ बी किल्है निं पल़े।
मेरै पैरै भाईओ, हाम्हां लागा आप्पू मांझ़ै झ़ूरी करनी। किल्हैकि झ़ूरी आसा परमेशरा का अर ज़ुंण होरी लै झ़ूरी करा सह आसा परमेशरे लुआद, अर सह बछ़ैणा परमेशरा। ज़ुंण होरी लै झ़ूरी नांईं करदअ, तेऊ का निं परमेशरो थोघ आथी, किल्हैकि परमेशर आसा झ़ूरी।