43 Komail rongadar, me a lokidor: Koe en pok ong men imp om ap kailongki om imwintiti! 44 A I indai ong komail, pok ong omail imwintiti kan. o kapakap kin irail, me paki komail;

12 Nan iet ai kusoned: Komail en poke pena, duen i pok ong komail er.

8 Der pwaipwandeki meakot ong amen; iet eta: Omail limpok pena, pwe me kin pok ong amen, kin kapwaiada kapung o.

2 Amen amen kitail en pok ong men impa, pwen kamauiala i.

14 Meakaros en wiaui ni limpok

12 A Kaun o en kotin kangedere komail la o kalaudela omail limpok nan pung omail o ong amen amen dueta kit ong komail.

1 KOMAIL tengedi ong limpok en saulang! 2 Komail der monokela, en apwali men kairu kan. Pwe i me akai kasamoki tounlang kai, ap sasa. 3 Komail tamanda me salidi kan, due pein komail salidier, o irail me kaankamekam, due pein komail, me memaureki pali war.

8 Ma komail kapwaiada kapung isou duen masan o: Koe en pok ong men imp om dueta pein uk, nan komail wia me mau.

8 A met eta, komail dadaurata omail poke pena, pwe limpok kin pwaindi dip toto.

12 Pwil po omail duen en Kot a pilidar akan, me saraui o kompok, limpok en nan mongiong, o kadek, o karakarak, o opampap, o kanongama, 13 Apwali amen amen, o mak pena, ma amen kainsensuedi amen, duen Kristus kotin mak ong komail er, iduen komail. 14 O moneki limpok, me ora pena kamau pokon. 15 O popol en Kristus en kaunda nan mongiong omail, me komail pil paeker pena ni war ta ieu, o komail danke.

11 Pwe iet padak, me komail ronger sang ni tapi o, kitail en pokepoke pena.

15 Meamen, me kin tata ki ri a, nan i me kamela men. A komail asa, maur soutuk sota kin mi ren me kamela men. 16 I me kitail diar kida limpok. A kotiki wei maur pweki kitail; kitail ari pwaipwandeki maur atail ong ri atail akan.

16 I me kitail diar kida limpok. A kotiki wei maur pweki kitail; kitail ari pwaipwandeki maur atail ong ri atail akan.

7 Kompok kan, kitail kin poke pena, pwe limpok tapi sang ren Kot, A amen amen, me kin limpok, ipwi sang ren Kot, o a asa Kot. 8 Me so kin limpok, sasa Kot, pwe Kot udan limpok.