Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
आखा सी मोंग करो
तमु ह़मळी र्या: केदलु हतु के आह़फा ना ह़ाते वाळा ने मोंग करो अने आह़फा ना वेरी सी रीह राखो। पण मे तमने केम, आह़फा ना वेरी ने मोंग करो। अने जे कोय तमने वेला पाड़े, तीमनी वाटु वीन्ती करो।
मारो हुकम आहयो से के जीसम मे तमने मोंग करलो से, तेमेत तमु बी एक-बीजा ने मोंग करता रेजो।
एक-बीजा ना लेदे मोंग
एक-बीजा सी मोंग ने सोड़ीन कानी बीजी वात मे करजाळ्ळा ना हयो; काहाके जे बीजा मोंग करे तीनी सी नेम नो पाळण करलो से।
आपणी मे गेथा हरेक जणा आपणा हाते वाळा नी भलाय ना लेदे खुस करे के तीनी बड़ोत्री हवे।
तमु जे बी काम करो तीहयु काम मोंग सी करो।
अने मालीक आसम करे के जेम आमु तमारी ह़ाते मोंग राखया तेमेत तमारो मोंग बी तमारी वच मे अने आखा माणहु नी ह़ाते वदे, अने बड़तो जाय।
आमु भगवान ने कीसम खुस करीया?
एक-बीजा मे भरहो करन्या भायु नो मोंग बणलो रेय। अंजाण्या माणहु नो आह़फाम ना घोर आव-भाव करवा ना भुलो, काहाके आनी लारे कंय माणहु ते अंजाण्या ह़रगदुतु नो आव-भाव करला से। केदड़ा नी आसम खबर लेवो, के मानो तीमनी ह़ाते तमु बी केद मे हय; अने जीमनी ह़ाते बुरो वेहवार हये, तीमने आहयी रीते फोम करो जेम मानो तमु खुद दुखी हय र्या हय।
भगवान ना खरला सास्तर ना आहया बोल नी लारे "तु आह़फा ह़ाते वाळा ने आह़फा नी तेम मोंग कर।" ह़ाचलीन तीहया राज कायदो आखा मे मोटो से करीन आपणो राजा ईसु ह़ीकाड़लो से। कंखर माय्न तमु कायदो पाळो ता तमु वारलुत काम कर र्या।
अने आखान मोटी वात आहयी से के तमु एक-बीजा सी खरलो मोंग करो; काहाके मोंग आखा पापु ने ढाक देय।
एतरे भगवान ना टाळलान तेम जे चोखला अने मोंगाळ्ळा से, घण-जबर बरकत, अने भलाय, अने दया, अने नीचळा रेवा, अने गम खावा ह़ीको। अने कदीम कोयने कोय पोर गुनो लगाड़वा नो कंय कारण हय, ता एक-बीजा नी वेठ लेवो, अने एक-बीजा नो गुनो माफ करो; जेम मालीक तमारा गुना ने माफ कर्यो, तेमेत तमु बी करो। अने आहयी वात ने सोड़ीन मोंग ने मानो, मोंग आखा ने एक-बीजा सी बांदे अने पुरुन-पुरु करे? मसी नी सांती जीनी जुगु तमने एक डील हय्न बोलावला बी से, तमारा मन मे राज करे; अने घणा वारु से केय एवा बणीन रेवो।
एक-बीजा ने मोंग करो
काहाके जे खबर तमु सुरु गेथा ह़मळला से, तीहयी आहयी से, के आमु एक-बीजा ह़ाते मोंग करया।
जे कोय आह़फा ना भाय-बेन्या ह़ाते वेर राखे, तीहयो हत्यारो से; अने तमु जाणे ते खरा, के काना बी हत्यारा मे अमर जीवाय नी रेय। आपणु मोंग आनीत सी जाण्या के तीहयो आपणी जुगु आह़फा नो जीव आप देदो; अने आपणु ने बी भाय-बेन्या जुगु जीव आपवा जोवे।
आपणु मोंग आनीत सी जाण्या के तीहयो आपणी जुगु आह़फा नो जीव आप देदो; अने आपणु ने बी भाय-बेन्या जुगु जीव आपवा जोवे।
भगवान मोंग से
ए मोंगाळ्ळा, आपणु एक-बीजा ह़ाते मोंग राखो; काहाके मोंग भगवान भणी गेथो से: अने जे कोय मोंग करे, तीहयो भगवान सी पयदा हयलो से; अने भगवान ने जाणे। जे मोंग नी करे, तीहयो भगवान ने नी जाणतो, काहाके भगवान मोंग से।