Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
सतरू लक माया
"तुम्हि आयकि सेव का कव्हयो गयो होत्यो। ‘का अपरो संगी लक माया राखो, अना अपरो बयरी लक बईर।’ पर मी तुम्हिला यो कव्हसू का अपरा बयरी गीन पर माया राखो। अखीन तूम्हि अपरो सतावन वारा गीन लाई पिराथना करने।
मोरो हुकूम यो से की जसो मीना तुम्हि लक माया राखीसेऊ, वसोच तुम्हि भी एकमेक लक माया राखो।
सब हुकूम को सार एक दुसरो लक पिरेम
आपसी मा पिरेम ला छोड़ अना काही बात को करजा नोको चाहो। काहेका जोन दुसरो लक माया राखासे उ नियम धरम ला पूरो कर सेस।
आमरो मा लक हरेक, एकमेक को साजरोपन, को बढ़ोतरी को लाय उनको भावना को संग आतमा मा जोस लक भरो।
तुमी जोन कही भी करो, पिरेम लक करो।
अना पिरभू करे का तुमी एक दुसरो को लाई अखीन सबच मानूस गीन को लाई पिरेम मा उन्नती करत जाने अना बढता जाने। जसो का हमी भी तुमरो लाई करी सेजन।
आमी परमेस्वर ला कसो खुस करबीन
भाऊ बन्ध जसो एकमेक लक पिरेम करो। पाहुनायी आव भगत करनो नोको बिसरो। काहेका काही लोकहुन योच विसरू नोको, काहेका अनजानो मा लोकगिन ना देवदूत को स्वागत करयो सेत। कैदीहुन को सूदी लेव जसो तुम्ही उनको बरोबर कैदी सेऊ, जोन पर अतियाचार होवासेत, उनला भी हेत करो। काहेका तुमरो पर भी अतियाचार होय सकासेत।
तबा भी अदी तुमी पवितर गिरंथ को मोसे को नियम को पालन करासेव, जसो का तु अपरो सैजार लक अपरो जसो माया राखबिन तुमी सही मा वोनो करार ला पूरी करासेव त साजरो करासेव।
मुख्य गोस्टी मंजे एकमेक को मनमा मना पासुन गहरो पिरेम बनायो राखो। काहेका पिरेम लगत पापगिन ला पांघरून घालते।
एको लाई परमेस्वर को बेचयो जसो जोन पवीतर अना पिरेम को से। मोठी दया ना भलाई अना दीनता अना दयालू पन अना सहनसिलता धारन कर लेव अना अदी कोनी ला कोनी पर दोस देवन को कोनी कारन से ता एक दुजो ला सह लेव अना एक दुसरे को दोस छिमा करोह, जसो पिरभु ना तुमरो दोस छिमा करीसे वसोच तुमी करो। ऐन सब सुभाव मा माया जुड़से जोन सबला एक संगा बाँध लेव। मसीह को सान्ती जोको लाई तुमी एक देह होयके बुलाय भी गया सेव। तुमरो मन मा राज करेत, अना तुमी धन्यवाद देवनो नोको छोड़नो।
एक दुजो लक माया राखनो
काहेका जोन साजरो बारता तुमी ना सुरूवात लक आयकियात, उ यो से का आमी एक दुसरो लक माया राखबिन;
जोन कोनी आपरो भाऊ लक ईरसा राखासे, उ खुनी से; अना तुमी जानासेव का कोनी खुनी मा अमर जिंदगी नही रव्हसे। आमी ना माया एकोलाय जानिया का ओना आमरो लाई आपरो जान दे देइस; अना आमला भी आपरो भाऊ लाई जान देवनो जरुरी से।
आमी ना माया एकोलाय जानिया का ओना आमरो लाई आपरो जान दे देइस; अना आमला भी आपरो भाऊ लाई जान देवनो जरुरी से।
परमेस्वर माया से
ओ चहेतोहुन आमी आपसी मा माया राखबिन; काहेका परमेस्वर माया लक से। जोन कोनी माया करासे, उ परमेस्वर लक पैदा लेइसेस अना परमेस्वर ला जानासे। जो माया नही राखा उ परमेस्वर ला नही जाना, काहेकि परमेस्वर माया से।