Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Ɗu kerhiɗ ne wa woyuuɗ ne : " Waaɗa morom fu, fu sang ɓoyi sang ɗa. " Waaye mi na woyee ɗu ne, waaɗaat ɓooɓi sang ɗu, ɗu kiimɗee ɓooɓi na torhiɗee ɗu in baahiɗ.
Inii weɗ ŋ nakoh : Waaɗtiɗohaat ŋ harmban ɗu findi ŋ waaɗoh ɗu.
Kinaat raakɗoh ɓo' ali in, ɗal waaɗi ɗu joy waaɗtiɗoh ; yaa nu waaɗ morom ce ɗah, a mitɗiɗ ini waasi nakoh.
Yaa nu nga ɓoo ɗah, tumaat ini neɓ morom ce, a tumɗe yeem ini baah nga ɗe, wi kaɗɗan ɗe fiki ŋ kosiŋ ɗe.
In nu ɗu haɓɗee ɗah, haɓɗaata ngaŋ waaɗ ɓooɓi na waaɗ Kooh !
Heɗi genaat ɓaat keeh-keeh waaɗohi nik ŋ harmban ɗu, na waaɗi ɗu waaɗ ɓooɓi jen, wa nikaat findi ɓoo waaɗoh ɗu.
Waaɗtiɗohiŋ ɗu genaat gen. Ɗu jen, e ɗu ɓaah. Kinaat alkoh taambkoh ɓi na haye nga ɗu. Raakiɗ ɓi meeɗa tum po ɓa daliɗta ɓi malaaka te ɓa inheeɗi ne ɓa daliɗ malaaka.
Naandsukaat ɓi taƴu, po wa mand haa ne ɗu ɓii na ɓa ŋ kaso.
Naandsukaat ɓi nik ŋ mbugal, po wa mand haa ne e faan ciŋ ɗu na mbugalse.
Fiis ci woyiɗ ne : « Waaɗa morom fu findi fu waaɗoh haf fu. » Mbaa, ɗu taambɗoh waasiŋ Kooh, Heɗ Nguuri, ɗaa ɗah, ɗu haɓiɗ in baahiɗ.
Ini uup raak njiriñ weɗ ne, ɗu waaɗtiɗoh keeh-keeh ŋ harmban ɗu, laam waaɗoh na tahe po bakaaɗ laayiɗ ulu.
Ŋ ineem, ɗu ɓi Kooh kooɗ ne ɗu hool wuu ce te a waaɗta ɗu, raakaat keeñ moɗiɗ, ɗu baah, ɗu eɗef, ɗu soos te ɗu min muñ seke. Yaa nu nga muñɗaat morom ce, ɗu ɗaastiɗohe ; raak yi ambiɗ morom ce in ɗah, a ɗaasaat ɗe ; findi Heɗi ɗaasoh ɗu, namaat tum ɗaa. Waaye ini uupiɗ in ceem jen etoh, weɗ ne ɗu waaɗtiɗoh, te waaɗoh weɗ ambtiɗohi mit.
Jamiŋ Kiristaani adgohaat keeñ ciŋ ɗu, ɗu ɓeeɗku ŋ jameem ŋ niki ɗu nik faan yino. Genaat corkiɗ Kooh !
Inii weɗ yegɗohi ɗu kerah ŋ camba poyi an : Ɓoo waaɗtiɗohaat ;
Yaa nu sang ɓaah ce ɗah, a apoh ɓo'. Te ɗu inhiɗ ne ali apoh ɓo' raakɗi kipes ki heyɗi reehe ŋ ɗooƴ ce.
Inii weɗ inhiɗ ɓoo waaɗoh : Yeesu eɗohiɗ kipes kiŋ ɗe wuu ɓoo. Mbaa ɓoo joyiɗ nam eɗoh kipes ciŋ ɓoo wuu ɓaah ciŋ ɓoo.
Inii weɗ inhiɗ ɓoo waaɗoh : Yeesu eɗohiɗ kipes kiŋ ɗe wuu ɓoo. Mbaa ɓoo joyiɗ nam eɗoh kipes ciŋ ɓoo wuu ɓaah ciŋ ɓoo.
Ɓaah ciŋ ngo ŋ keeñkoh,
ɓoo waaɗtiɗohaat ŋ harmban ɓoo ;
laam waaɗoh puloh ŋ Kooh,
te ɓo' nu waaɗ morom ce ɗah,
a rimkoh ŋ Kooh
te a inhiɗ Kooh.
Ɓo' nu waaɗɗi morom ce ɗah,
a moosɗi inhoh Kooh,
laam Kooh, a waaɗoh.