Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Dadalara ninga lawana
"Ngini reni waro parenta nena-ne ga’a 'ua re 'au wali ri silefo so’o ne: ‘Ni dadalara ḏagilomu-ḏagilomu re ni emono lawana-lawana.’ Mada’a Ngoi to siajele ra ngini nena-ne: Ngini balasu ni dadalara ninga lawana-lawana, re ni nyiata ḏi’i ngowa-ngowa’a ga’a 'aḏi sisikisa ngini sababu ni mete’e Ngoi.
Ngoi 'ari parenta nena-ne: Ngini balasu ni ma’u dadalara matengo re matengo, ma tero Ngoi tini dadalara ngini.
Ma’u ta’aloko matengo re matengo
Awa ngini ni mabanyatoro ra guna ḇato. Mada’a pa’i banyatoro rimoi ḇato ga’a balasu ni fangu tau-taunu: Ngini balasu ni ma’u dadalara matengo re matengo. Sababu 'a guna ḇato 'o dadalara toma ngowa’a lelegu, unanga ra sitotomo 'a Musa 'ai hukumu.
Sidogo ḏi’i, ngene matengo re matengo balasu wo siḏagi 'oru ga’a sisanangi re siriono nanga ioronongoḏu ngo-ngaku rimoi, la ananga manga ngo-ngaku lebe te’e.
'Oru ḇato ngini ni 'a’a, si’a’a reo dadalara.
Re ngomi mi golo’o ra Ma Jou di’a 'A dogo ninga dadalara matengo re matengo re ngowa’a mo-moini, ma tero sa’olo ngomi mi dadalara ngini.
Sisanangi Ma Jou’ongu Madutu 'ai 'akala re sinyingara
Ngini balasu ni ma’u dadalara tau-taunu matengo re matengo sa’olo ioronongoḏu ngo-ngaku rimoi. Awa ninga 'akala re sinyingara 'i taka-taka ni dawongo ngowa-ngowa’a ga’a ngini nana’o nyangu re 'aḏi sapolo ra ngini ninga wala. Sababu 'age mamuni’a ga’a raḏi dawongo mala’ekata tamanga wala, mada’a ananga ya waro ua enanga gena-ge mala’ekata. Ngini balasu ni 'elingi tau-taunu ninga ioronongoḏu ngo-ngaku rimoi toma bui, ma tero sa’olo ngini ḏi’i ni tegoro mamete’e ra ananga toma bui ma dara, la nga’unu na’u riono ananga. Re ni 'elingi tau-taunu ḏi’i ninga ioronongoḏu ngo-ngaku rimoi, ananga ga’a sanga sikisa ma tero sa’olo ngini ḏi’i ni sanga sikisa mamete’e ra ananga, la nga’unu na’u riono ananga.
Ngini 'a’a tero-tero na’o ngini ni mete’e mode-mode’e Ma Jou’ongu Madutu, nanga 'Olana, 'Ai hukumu ga’a 'i silefo toma Boku 'Ofi-'Ofi ma betongo: "Dadalara matengo re matengo ma tero sa’olo dadalara ninga diri masiretene."
Ma la-lamo’o ma re’u i’a ḏi’i, ngini balasu ni ma’u dadalara mode-mode’e. Sababu na’o ngini ni dadalara so’o gena-ge, matengo re matengo manga ḏosa ngini na gogono ua taninga 'akala re sinyingara.
Ma Jou’ongu Madutu ro cumutu ngini sa’olo 'Ai 'umata ga’a ngowa’a 'ofi-'ofi re Unanga ro dadalara ngini. Sababu gena-ge, ngini ni 'ahu so’o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo. Ngini matengo re matengo balasu ni pake 'akala ḇanyo, awa ni gogono 'akala na’o ngowa’a lelegu 'aḏi 'a’a sala ra ngini, re ma’u si’apongo matengo re matengo na’o ngowa’a 'aḏi 'a’a ḏosa ra ngini. Ma Jou’ongu Madutu rai 'akala re sinyingara sa-sanangi 'O singi-ngiranga ninga ḏosa-ḏosa, dadi ngini ḏi’i reninga 'akala re sinyingara balasu ma’u si’apongo matengo re matengo na’o ngowa’a 'aḏi 'a’a ḏosa ra ngini. Mo-moini gena-ge ma la-lamo’o ma re’u i’a: Ngini balasu ni ma’u dadalara. Sababu dadalara gena-ge 'i si’a’a ngini ni 'ahu marimoi ti-tiai. Ma Jou’ongu Madutu 'o sirimoi ngini ma tero sa’olo lese rimoi ḇato re 'o 'aro’o ngini ni tegoro toma lese gena-ge matengo re matengo reninga dame tau-taunu. Sababu gena-ge, Kristus 'ai dame balasu 'i parenta taninga 'akala re sinyingara ma dara. Re ḏi’i ngini balasu ni sibere ie murasa ma la tau-taunu ra Ma Jou’ongu Madutu.
Ma’u dadalara matengo re matengo
Ma mulaingi ngini ni siajele pasala ḏua habari nena-ne: Ngene balasu wo ma’u dadalara matengo re matengo.
Ngowa’a ga’a 'aḏi dadalara ua manga ioronongoḏu ngo-ngaku rimoi, ananga gena-ge ma tero sa’olo ngowa’a ga’a 'aḏi sisengene ngowa’a. Re ngini na waro ḏi’i mangale na’o matengo 'o sisengene ngowa’a, unanga gena-ge 'o sanga ua 'ahu kasingado-ngadolo i’a.
Gena-ge 'i sijumu ra ngene mangale ma’u dadalara ma ngo’omo: Yesus Kristus nyengara ra sipula’a 'ai 'ahu, la ngene wo sanga salamata. Sababu gena-ge, ngene ḏi’i balasu wo nyengara wa sipula’a nanga 'ahu di’a nanga ioronongoḏu ngo-ngaku rimoi!
Gena-ge 'i sijumu ra ngene mangale ma’u dadalara ma ngo’omo: Yesus Kristus nyengara ra sipula’a 'ai 'ahu, la ngene wo sanga salamata. Sababu gena-ge, ngene ḏi’i balasu wo nyengara wa sipula’a nanga 'ahu di’a nanga ioronongoḏu ngo-ngaku rimoi!
Ma Jou’ongu Madutu dadalara ma cimi
Ngini, ioronongoḏu ngo-ngaku rimoi ga’a ngoi tunu dadalara! Ino ngene wo ma’u dadalara matengo re matengo, sababu dadalara gena-ge ma 'asala ra Ma Jou’ongu Madutu tala. Dadi na’o 'a guna ḇato 'o dadalara 'ai ioronongoḏu ngo-ngaku rimoi, unanga gena-ge Ma Jou’ongu Madutu 'ai ngowa’a re 'o nana’o Ma Jou’ongu Madutu. Ngowa’a ga’a kamanga dadalara ua, 'aḏi nana’o Ma Jou’ongu Madutu ua, sababu Ma Jou’ongu Madutu gena-ge dadalara ma cimi.