Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Nia saturuu niakidora
<<Ngini nianakokau mita ma ngale 'o do-dotoko 'isoka konee: <Niakidora nia ma-manai, de niakidu’uduku gee nia saturuu.> Ma ne’ena ngoi tinisidemo: Niakidora nia saturuu, de niakisilahidoa godagee niba-badingaka,
Nanedau tinisulo-suloko ge’ena la: Nimakadora moi de moi, 'isoka ngoi tinidora ngini.
Salingou pomakadora moi de moi
'Uwa nionagimi 'okia naga bato ka moika ma, ma nako nionagimi ge’ena duga ka 'o dora, ma ngale salingou nimakadora moi de moi. Sababu 'o nyawa gee yakidora-dora 'o nyawaka, ge’ena yatotomokau 'o Musa 'awi besesongo 'iodumu.
Koge’enali mita ngone moi-moi salingou posisanangi nanga 'esa moi manga singina, ma ngale to 'ona manga laha, la manga ngo-ngaku 'ifoloi 'ikuata.
'Iodumu gee niadi-diai, ge’ena salingou niodiai de 'o dora.
Tanu ma Jou winidiai ngini 'ifoloiosi nimakadora moi de moi de 'ifoloiosi niakidora 'o nyawa 'iodumika, la nia dora ge’ena kaiga-ganapu 'isoka to ngomi mia dora nginika.
Kokia ma Jo’oungu ma Dutu wi singina pasanangi
Ngini gee ka 'o ngo-ngaku moi salingou tatapu nimakadora moi de moi 'isoka 'o 'esa moi. 'Uwa niamongoro salingou niakidawongo 'o nyawa gee koniakinakowasi yomasido-dogumu nia woaka. Sababu koge’ena dau ge’ena yamuruo naga koyanakokawa 'ena yadawongokau 'o mala’ekati manga woaka. Salingou niakingano-nganono 'o nyawa gee 'o buioka, 'isoka ngini mita de de 'ona 'o buioka. De 'o nyawa-nyawa gee yakisihaga-haga, salingou niakingano-nganono 'isoka ngini mita nidiai koge’ena.
Ngini niadiai 'iti-tiai, ge’ena salingou niamoteke 'o besesongo ma dekuoka gee 'isilefoku 'o Buku 'Itebi-tebini ma no-noimoka ne’ena ge’ena la, <<Nimasikabosono moi de moi 'isoka to ngini ma sirete nia roese niosibosono.>>
'Ifoloiosi de 'o sagala moi-moi, ge’ena la salingou ma gou-goungu nimasikabosono moi de moi, sababu de ge’enau, ngini 'asa koniosi-singinawau nia sowono moi de moi.
De ngini ge’ena ma Jo’oungu ma Dutu 'awi 'umati. Ma Jo’oungu ma Dutu winisibosono de winiirikokau niodadi to 'una 'awi 'umati la winileleani duga ka 'una. Ge’enau so ngini salingou niakisingina 'o nyawa-nyawaka, nia singina 'isure, 'uwa nimadaduie, niobicara nimasidi-diai 'o nyawaka, de niosabari 'o sangisara ma sigoronaka. Ngini salingou niosabari moi de moika, 'uwa niosi-singina 'o nyawa manga sala nginika de 'uwa nimadonoaku nia singinaka. Ma Jou kowosi-singinawau to ngini nia so-sowono, so ngini mita salingou 'uwa niosi-singina 'o nyawa manga so-sowono. De 'ifoloiosi 'iparaluu ge’ena la ngini salingou nimakadora, sababu de 'o dorau ge’ena so ngini nioodumu ma gou-goungu nimarimoi. Salingou 'ania butusangi moteke 'o go-gasa ma owa ma Kristusino gee naga 'ania singinaka. Sababu ma Jo’oungu ma Dutu winiirikokau niodadi matero ka 'o roese moi de ma kia sonaa, la nio’ahu nimakakasa-sanangi de 'o singina 'isa-sanangi gee ma Kristusino. De salingou kaitaurika niokasamaowa ma Jo’oungu ma Dutuka.
Pomasikabosono moi de moi
Ka ma guruenosi nisitotarokau nginika 'o habari ne’ena: Ngone salingou pomasikamara’ai moi de moi.
'O nyawa gee manga 'esa moi yodu-du’uduku ge’ena yoto-to’oma, de nianakokau 'o nyawa yoto-to’oma ge’ena koyamakewa 'o 'ahu 'ika-kakali. Ma ngekomo ne’enau ngone panako kokia pomasikamara’ai moi de moi: Ma Kristus wosongene ma ngale ngone, so ngone mita salingou nanga 'ahu posarakani ma ngale nanga 'esa moi!
Ma ngekomo ne’enau ngone panako kokia pomasikamara’ai moi de moi: Ma Kristus wosongene ma ngale ngone, so ngone mita salingou nanga 'ahu posarakani ma ngale nanga 'esa moi!
Ma Jo’oungu ma Dutu ge’ena la 'o dora
'Esa moi riaka dodoto, nou ngone pomakadora, sababu 'o dora ge’ena ma Jo’oungu ma Dutuno. 'O nyawa gee manga 'esa moika yakidora-dora, 'ona ge’ena ma Jo’oungu ma Dutu wi ngowa-ngowaka, de 'ona winako ma Jo’oungu ma Dutu. Nago’ona manga dora koi’iwa, 'ona kowinakowa ma Jo’oungu ma Dutu, sababu ma Jo’oungu ma Dutu ge’ena la 'o dora.