Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Un iwinyo köp na yam n’onwongo ekobo nï, ‘Mar awodhi ëka ïdag langöni.’ Ëntö an akobo niwu: Mar unu langwu ëka ïlëg unu pï jö na yelowu,
Man ënë cïkna: Marë unu kenwu, kite na an amaröwu ködë.
Kür ibed unu kï banya ka ngat mörö ï komwu. Ëntö bed unu kï banya më marö awodhi ï kinwu kenwu, pïën jö na marö ewodhgï nwongo dong ocobo gïnï Cïk.
Ngat acëlacël ï kin onu myero oyom cwiny awodhe, më könyö ën, ëk ödöng ï yee mërë.
Tïm unu jami kïbëc kï mar.
Wan ëlëgö dökï nï Rwoth ömïï marwu ömëdërë rwök both ngat acëlacël ëka both jö kïbëc kite na wan ëmaröwu ködë.
Ka ïgwökö unu cïk na pïrë tëk n’ëcöö ï Cöc na Leng nï, "Mar awodhi na calö ïmarö komi keni," nwongo ïtïmö na bër.
Pï manön, na calö un ibedo jö n’Obanga öyërö, jö na leng n’Obanga marö, myero ibed unu kï cwiny na mïö ïparö unu pï can k’ewodhwu, bed unu kï kïca, mwolo, wörö ëka dïö cwiny. Ngat acëlacël myero ödïï cwinye ï kom awodhe, nakun ïtïmö unu kïca ï kom ewodhwu ï kinwu kenwu pï balwu. Tïm unu kïca na calö Rwoth ötïmö niwu kïca. Na löö manön kïbëc, myero ibed unu kï mar na tweowu kanya acël na bër.
Pïën ecwodowu ï kuc na calö dul kom acël, mïï unu kuc ka Kiricito ölöö cwinywu ëka ibed unu kï pwöc.