Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Zuwa mu mo okpo ka̱ta̱mba̱ri a̱ ka̱ɗu ka̱ nu,
mokpo tsu makawani
ma ka̱ta̱mba̱ri e kukiye ku nu,
adama a na utsura u va̱,
wi ta̱ tsu ucigi wu ukpa̱,
utsura u cisheꞋe tsu ucigi
kowanai ɗa tsu kasaun.
KayaꞋa ku ucigi ki ta̱ tsu kayaꞋa ka akina,
tsa akina a na i a̱ kukula̱ n usuɗukpi.
Mini ma na ma ayai,
mi a kufuɗa ku una akina a ucigi a ba,
nɗolu tukpa m mini
n kufuɗa kupura̱ngu ucigi wa ba.
Ɗa baci vuza u nekei udukuyan u ni ra̱ka̱,
adama a na u tsula ucigi wa,
i ta̱ o ku zoꞋoso yi o goyo yi.
A̱ja̱Ꞌa̱ a̱ e mekere a dansai
Vu uwa ta̱ a̱ ka̱ɗu ka̱ va̱,
vutaku vu va̱, vuka vu savu vu va̱,
n kindi ku a̱shi a̱ nu
vu uwa ta̱ a̱ ka̱ɗu ka̱ va̱,
n vudolu vu te vu kuɗeku ku nu.
YaꞋan u como mu n una̱ u ni
adama a na ucigi u nu u laꞋa ta̱ ma̱kya̱n uyoꞋo.
Ma̱gula̱ni ma maniꞋin ma̱ nu, mi ta̱ n ugaꞋin u kutsumgba,
kula ku nu tana ki ta̱ ci ili i ma̱gula̱ni i na a vishangi.
ɗaɗa i zuwai ɗa a̱ma̱ci i a kuciga wu.
Avu vi ta̱ n tsuloboi macigi ma̱ va̱.
Mayun, avu vi ta̱ n tsuloboi.
A̱shi a̱ nu i ta̱ kure-kure tsu moɗoi.
Avu vi ta̱ n tsuloboi, Macigi ma̱ va̱.
Avu vi ta̱ a kuɗika ugboji u va̱.
ivaꞋamkpatsu i tsu yi ta̱ leku an mita̱ ma̱ ta̱ku.
Ɗa Ka̱shile Vuzavaguɗu u danai, <<U gaꞋan vuma u yongo endeꞋen ni ba. Mi ta̱ a kuyaꞋanka yi ka̱ɓa̱nki ka singai.>>
Ɗa Ka̱shile Vuzavaguɗu u yaꞋin vuka n ketele ka na u talai va, ɗa u bankai vuma va.
Ɗa vuma va vu danai,
<<Na va ɗaɗa ketele ka na kuta̱i wa̱ va̱,
n inyama i na yu uta̱i wa̱ va̱.
Kula ku ni ku ɗa <vuka>
adama a na ta punu a̱ uta̱ka̱i ni u vali.>>
I ɗaɗa i zuwai ɗa vuma u kuka̱sukpa̱ a̱na̱ku a̱ ni n esheku, adama a na u ɓolongu ka̱ci ka̱ ni a̱ ubuta̱ u te n vuka vi ni, ka̱ta̱ o okpo ikyamba i te.
Vuza na u ciya̱i vuka, u ciya̱ ta̱ ili singai,
urotu wu uciyi mapasa ma singai maꞋan u Vuzavaguɗu.
Ka̱sukpa̱ mini ma̱ nu mo okpo n una̱singai,
yaꞋan ma̱za̱nga̱ n vuka vu nu ka̱ɗa̱nga̱ni.
UgaꞋin u ku ene an mereꞋe,
ka̱sukpa̱ mani ma ni ma yawai makyan dem,
ka̱sukpa̱ ucigi u ni kpamu u reme wu.
Maku ma̱va̱ yiɗa̱i i kuzuwa vuka vuza cishakanlai ulya kaci ka̱ nu?
Yiɗa̱i i kuzuwa vu oɓongu vuka vuza yoku?
Uma e re a laꞋa ta̱ vuma te,
adama a na i ta̱ a kuyaꞋan ulinga mayin.
Vuza te u yikpa̱ baci,
toku ni wi ta̱ kuɓa̱nka̱ yi.
Ama ili ya asuvayali i ɗa vuza na u yikpa̱i
kpamu u ciya̱ vuza na u kuɗengusa̱ yi ba.
Kpamu uma e re a vaku baci koɓolo, a kupana ta̱ shenshen.
Ama niniɗai vuza te u kupana shenshen endeꞋin?
I ta̱ a kufuɗa kulyaꞋa vuma te utsura,
ama uma e re i ta̱ a ku isa ka̱ci ke le.
Tsu kawin kete ka na a caꞋi n awin a tatsu, ka tsu kasa gogoꞋo ba.
Ka̱shile kaꞋa ko bonokoi ɗa̱ ikyamba i te n ayinviki e te ba? Yiɗa̱i Ka̱shile ki a kadanshi n nannai va? U ciga ta̱ muku n tsu mo okpo aza o kuyongo ku singai ku ni. Adama nannai, ka̱ta̱ i la̱na̱ n ka̱ci ka̱ ɗa̱, ka̱ta̱ vuza yoku a̱ ka̱tsuma̱ ka̱ ɗa̱ u doro vuka vu na u zuwai a̱yi ka̱ɗa̱nga̱ni ba.
<<Vuma na baci u yaꞋin yolo i savu, ka̱ta̱ a banka yi a̱ ubuta̱ u kuvon ba, ko i zuwa yi ulinga ba. Wi ta̱ a̱ kuda̱sa̱ngu a kpaꞋa ali ka̱ya̱ ke te, adama a na u zuwa vuka vu na u zuwai va ma̱za̱nga̱.