Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
जसु कुय मुहर लागाड़े, तसु तु मेसेक आपसा मन मां मुहरेन तसु लागाड़ ले।
ने तावीजेन तसु आपसा हात मां बांद ले;
काहाकी परम ते मरने सांय ताकतवाळु छे,
ने जलमेन रीस मसाणेन तसी दयाळी नी हय।
तेरा ते आकठान धुदवा सांय छे।
ची छाचलीन भगवानेन धुदवा छे।
फुसाटा दीन नदी आवे, तेबी परम उलाये नी,
ने मट्ली नदी फुसाटा दीन आवे, तेबी परम डुबी नी सके।
कदी कुय परमेन बदले आखो माल-धन बी आप देय,
तेबी आखो माल-धन, परम अगळ फालतु ठेहरसे।
लाडीन भायस
ओ मारी लाटेकली, ओ मारी लाडी, तु मारो मन मनवी लेदली छे,
तु ते तारी एकुत नजर सी,
ने तु तारा गळान एकुत हार सी मारा मनेक मनवी लेदली छे।
कतरो वारु रवतो! जत्यार चु मारे गाले गुळा देतु!
काहाकी तेरु मंग ते अंगुरेन रस सी बी बेसको वारु छे।
तारे भाती-भातीन ईत्तरेन गंद बेसको वारु छे,
तारो नाव ते रेचवला ईत्तर बराबर छे;
तेरेमां कुवारली पुरे तार सी परम करे।
तु बेसकी वारु छे, ओ मारी लाटेकली, तु बेसकी वारु छे;
तारा डुळा पेरवीन तसा छे।
लाडी
ए मारा लाटेकला,
तु बेसकु वारु ने गमे असु छे।
ने नीळ्ळु चारु हामरो आथेरनु रवसे;
अळतेन यहोवा भगवान कह्यु, "आदम काजे एखलु रहणु वारु नी हय। मे एरे वाटे, एरे साते मेळ खाय ने एरी सात देय, तसों जुड़ो घड़ीस।"
तत्यार यहोवा भगवान आदम मां सी जी पासळी नीकाळ्ळु तीनी पासळी सी एक बायर काजे घड़्यु, ने तीनीक आदम धड़े लायु। आदम तेर भीणी एक-हेट्यु भाळीन कह्यु,
जी ते मारेन तसीत देखाये,
मारा हाटका मां सी नीकाळ्ळो हाटकत छे, ने मास मां सी नीकाळ्ळो मासुत छे।
ने छाचलीन जी धेणीम सी नीकाळ्ळी छे, तेरेमां जी बायर कवायसे।
तेरेमां अदमी आपसा आस्या-बास्या सी आंग्ये हय्न, आपसी बायरी पुठ्ये भगवान सी जुड़ाय्न रवसे; ने चे दुयु एक डील बण जासे।
अळतेन चे हय सी दुय नी, बाकुन एक डील छे। तेरेमां तीनाक भगवान जुड़लु छे, तीना काजे माणुस अलग नी करे।"
परम दमधरे, ने कीर्पाळु छे; परम डाहवाय नी करे; परम आपणी बड़ाय नी करे, ने मटकाळु नी हय, चु गलत रीत सी नी चाले, चु आपणी भलाय नी चाहावे, झुंझलावे नी, बुरो नी माने। पाप सी खुसी नी हवे, बाकुन छाचाय सी खुसी हवे। चु आखी वात सेण कर लेय, आखी वातेन भुरसु करे, आखी वातेन आस राखे, आखी वात मां दमधरे।
तसोत जत वारु छे की अदमी आपणी-आपणी लाडी सी आपसा डीलेन तसु परम राखे। जु आपसी लाडी सी परम राखणु चाहजे, मतलब चु आपसा सी बी परम राखे। काहाकी काहनु बी कदी आपसा डील सी दुसमनी नी राखे, बाकुन तीनाक पाळे पुसे, जसु मसी ईसु बी मंडळीन साते करे।
बाकुन जी वात तुहुंं लाडा लाडीन मेळ काजे आपसान चुखोझण देखाड़े। ने तुंद्रे मायन हरेक जणु आपसी लाडी काजे आपसान तसा परम करनु चाहजे, ने हरेक जणी आपसा लाडान कह्याम चालीन ईज्जत करनु चाहजे।
ने जी आखी वात मानीन आंबा-सांबा दयाळु वेहवार करु, काहाकी परम आखाम एक्कु लावीन आखाक पुरा-पुरा पाक्का करे।
एक सी दुय वारु छे, काहाकी तेरा मेहनत सी वारलु फळ जड़े। काहाकी कदी तेरेम सी एक हीटी पड़े, ती दीसरु तीनाक हाकलसे; बाकुन वारु नी तेरे पर जु एखलुत पड़े ने तीनाक काहनु बी हाकलने वाळु नी हय। अळी कदी दुय जणा भेळा सुवे ती चे हुप वाळा रवसे, बाकुन काहनुक एखलु कसु तातु रय सके? कदी काहनुक एखला काजे हाराड़े ती हाराड़ी देय, बाकुन दुय तेर अगळ लड़ाय कर सकसे। जी दुरी तीन दुरीन बणीन रह्वे ची छाटीस नी टुटे।