Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Med’inaa siik’uwaan taana ne wozanaa bolla attama;
ne k’esiyankka maatafaadan, ta s’alalaa oyk’k’a.
Ayaw gooppe, siik’uu hayk’k’uwaa mala mina;
mishuukka duufuwaa mala mek’etsaa iita;
Aa lac’uukka S’oossaa tamaa lac’uwaa mala.
Haatsaa daruu siik’uwaa tamaa toyissanaw danddayenna;
di’uukka meec’c’iide afanaw danddayenna.
Asay siik’uwaa shammanaw barew de’iyaa ak’uwaa ubbaa immooppekka,
siik’uu shaluwaan shamettenna diraw,
asay hewaa kad’ee yaagaaddu.
Wodoratti Ishatuu:
Ta siik’uwaa michchato gidiyaa ta siik’attee!
Ne ayifiyaa s’eeluunne ne k’ood’iyaa alleek’k’uu,
ta wozanaa nashshechchan gooshsheedda.
«Ne siik’uu woyniyaa eessaappe aad’d’i nashechchiyaa diraw,
ne mettershshan zaara zaaraadekka taana yera.
Ne okettiyaa shittuu wooti sawii!
Ne suntsay s’eesettiyaa wodekka ayaa nashechchii!
Geelayotuu neena siik’iyaawe hewaassa.
Ta siik’k’atee, neeni waata lo"ay! Neeni waata lo"ay!
Ne ayifetuu harap’p’iyaa ayfiyaadan lo"iino yaageedda.
Wodoratta:
Ta siik’ow, neeni ayaa lo"ay! Ayaa nashechchay;
nu arssayikka aac’eedda maataadan nashechchiyaawaa.
Hewaappe guyye Med’inaa Goday S’oossay, «Bitanii barekka de’iyaawe lo"a gidenna; taani aw injjetiyaanonne Aa maaddiyaano med’ana» yaageedda.
Med’inaa Goday S’oossay bitaniyaappe akkeedda mek’etsaa mac’c’aano ootseedda; yaatiide izo bitaniyaakko aheedda. Yaatina bitanii, «Hayanaasho! Ha mek’etsatta ta mek’etsaappe, ha ashattakka ta ashuwaappe aketteeddawunno; izakka attuma asaappe aketeedda diraw, mac’c’awunno geetettu» yaageedda. Hewaa diraw Asay bare aawuwaanne bare aatto aggiide, bare machchattinna ittippe de’ana; unttunttu laa"u itti asho gidanawantta.
Machchato demmeedda Asay lo"obaa demmeedda; he uray Med’inaa Godaankka nashettee.
Hewaa diraw ne machchattina nashetta; yalagatetsan neeni akkeedda ne machchatippe nashechchaa koya. Lo"iyaa gaaratidaaninne nashechchiyaa gen"atiidan, I d’antsay ubbaa wodekka neena alo; ubbaa wode I siik’uu neena omooddo. Ta na’aw, woshumiyaa mishirata neena ayaw omoodday? Hara asaa machchato ayaw k’oommay?
Hewaa diraw, unttunttu itti asaa gidiyaawaappe attin, laa"u asaa gidikkino; hewaa diraw, S’oossay ittippe de’anaadan gatsowaa Asay shaakkoppo» yaageedda.
Siik’uu danddayanchchaa. Siik’uu keekee. Siik’uu k’anaatenna. C’eek’ettenna; k’ay otorettenna. Siik’uu barew bessenawaa ootsenna; Uuzeetenna; Yilotenna; Siik’uu naak’etteeddawaakka paydenna. Siik’uu tumatetsaan nashettiyaawaappe attin, wordduwaan nashettenna. Siik’uu ubbabaa danddayee. Ubbabaykka hananawaa giide, nashechchaan naagee. Ubbabaan genc’c’ee.
Simmi k’ay asinay bare machchatto bare bollaadan siik’anaw bessee; bare machchatto siik’iyaawe barena siik’ee. Ayaw gooppe, bare bollaa is’s’iyaa Asay mulekka baawa; shin Kiristtoosi woosa golliyaa muziyaawaadaaninne naagiyaawaadan ooninne bare bollaa muzeenne naagee.
Gidooppekka, k’ay asinay huup’iyaan huup’iyaan machchiyaa bare huup’iyaadan siik’anaw bessee; machchattakka bare asinaa bonchchanaw bessee.
Hewaa ubbaa bolla, ubbabaa ittippe shiishshi k’achchiyaa siik’uwaa mayyite.
Ittuwaa gidiyaawaappe laa"a gidiyaawe lo"a; ayaw gooppe, unttunttu oosuu ittuwaawaappe aad’d’iide, lo"o ayifiyaa immanaw danddayee. K’ay, laa"uwaappe ittuu kunddooppe ittuu dentsee; shin barekka de’iyaa uray kunddooppenne Aa dentsiyaawe bayinna diraw, aw aayye ana! Meego wodiyaan laa"uu ittippe gisooppe ho"ee; shin barekka gisiyaa uraa hak’appe ho"anaw danddayii? Itti Asay barekka te"anaw danddayenna metuwaa laa"u asatuu ittippe ek’ettiide, te"anaw danddayiino. Heezzu kutsaan dook’etteedda wodoruukka elle duus’s’enna.
Med’ina Goday hinttewunne hintte machatiwukka machatiwukka itti bollaynne itti ayyaanay de’anaadan ootsibeenneeye? Hewaa ayaw ootseedee? Geeshsha zeretsay de’anaadaana gidennee? Hewaa diraw, hintteppe ooninne bare yalagatetsan akkeedda machchattinna c’aak’k’eteedda c’aak’k’oo ammanettennawaa gidennaadan naagetto.
«Ooratsa machche akkeedda Asay olaw booppo; hara dees’o oosuwaakka aw immoppite. Itti laytsay aad’d’ana gakkanaw, hak’anne beennan bare akkeedda machchato nashechcho.