Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Merina siiquwan tana ne wozanan attama;
ne qesiyan maatameda ta xalaala oyka.
Siiqoy hayqo mela mino;
qanaatey si7oole mela iita;
iya lacoy Xoossaa tama laco mela.
Daro haathi siiqo tama toysanaw danda7enna;
di7oyka meeccidi efanaw danda7enna.
Asi siiqo shammanaw baw de7iya ubbaa immikoka,
siiqoy miishen shametonna gisho, asi iya kadhees.
Ta siiqe, micho gidida ta mushurate;
ne ayfiya xeeloynne ne qoodhiya alleeqoy,
ta wozanaa ufaysan gooshshis.
Ne siiqoy woynepe aadhidi ufaysiya gisho
tana zaara zaara yeera.
Ne tiyetiya shittoy waanidi sawii!
Ne sunthay goggiya shitto mela;
Geela7oti nena siiqey hessasa.
Ta siiqe, neeni waana lo77ay!
Neeni waana lo77ay!
Ne ayfeti holle ayfeda lo77oosona.
Ta siiquwaw, neeni waanna lo77ay!
Ayba ufaysay;
nu arsay cil7o maata mela ufaysees.
Hessafe guye, Godaa Xoossay, "Addey barka de7eysi lo77o gidenna. Taani iya maaddana mela iyaw injetiya lagge medhana" yaagis.
Godaa Xoossay Addaamepe ekida meqetha macca oothidi medhis; yaatidi iyo iyako ehis. Addaamey, "Ha meqethiya ta meqethafe, ha ashshiya ta ashope eketidaro. Iya addefe eketida gisho macca geeteto" yaagis. Hessa gisho, asi ba aawanne ba aayiw aggidi, ba machera issife de7ees; nam7ay issi asi gidoosona.
Macho demmiday lo77oba demmis;
i, Godaape teema demmees.
Ne pultoy new anjeto;
ne na7atetha machera ufayta.
Lo77iya gaaredaninne ufaysiya gen7eda
I dhanthay ubba wode nena alo;
ubba wode I siiqoy nena di77o.
Ta na7aw, layma maccasan ayis di7etay?
Hara asa macho ayis qoommay?
Hessa gisho, enti issi asi gidoosonape attishin, nam7u asi gidokona. Hiza, Xoossi qachidaysa asi shaakofo" yaagis.
Siiqoy danda7ancho. Siiqoy keeha. Siiqoy qanaatenna. Siiqoy ceeqetenna. Siiqoy otorenna. Siiqoy bessonnaba oothenna. Siiqoy uuzetenna. Siiqoy yilotenna. Siiqoy ba qoho paydenna. Siiqoy tuman ufaytesipe attishin, wordon ufaytenna. Siiqoy ubbaa danda7ees; ubbaa ammanees; lo77obay hanana gidi, ufaysan naagees; ubbaa gencees.
Hessadaka, azinati bantana doseysada banta macheta dosanaw bessees. Ba machiw doseysi bana dosees. Bana ixiya asi oonika baawa, shin Kiristoosi woosa keethaas ootheysada ba asatethaa muzeesinne naagees.
Gidoshin, hinte issoy issoy hinte macheta hinte, hintena doseysada dosite. Issi issi macha ba azinaa bonchanaw bessees.
He ubbaa bolla ubbaba issife shiishidi qachiya siiqo ma7ite.
Banta oosuwan lo77o ayfe demmiya gisho issino gideysafe nam7a gideysi lo77o. Nam7aafe issoy kundiko issoy denthees; shin barka de7iya uray kundiko iya denthey bayna gisho iya ayye! Nam7ay issife zin7iko ho77ees; shin barka zin7iya uraa waanidi ho77anaw danda7ii? Issi asi barka teqanaw danda7onna metuwa nam7u asati teqanaw danda7oosona. Heedzu ayfen dooqetida wodoroy elle duuxenna.
Goday hintewunne hinte machetas issi asatethinne issi ayyaani daana mela oothibeennee? Hessa ayis oothidee? Xoossa yayiya koche daana mela koyda gishosa. Hessa gisho, hinte ayyaana naagite; hinte na7atetha macheta cimmofite.
Ooratha macho ekida asi olas boopo; hara deexo ooso oothofo. Issi laythi aadhana gakanaw awuka boonna ba machiw ufayso.